Мектеп. Архив

Мэрия: Бишкекте мектептер эки күнгө жабылып, андан соң кадимки режимде иштейт

(жаңыланган 23:29 07.04.2021)
Иманалиева шайлоо участоктору жайгашкан бала бакчалар гана 8-апрелден 14-апрелге чейин жабылып жатканын кошумчалады. Андан кийин бөбөктөр бакчага бара баштайт.

БИШКЕК, 7-апр. — Sputnik. Бишкекте мектептер 12-13-апрелде гана убактылуу жабылат. Бул тууралуу Sputnik Кыргызстан агенттигине Бишкек шаардык билим берүү башкармалыгынын жетекчиси Элмира Иманалиева билдирди.

Анын айтымында, мектептер толугу менен аралыктан окууга өтпөйт.

"Ордо калаадагы эпидкырдаалдан улам Бишкектин мектептери 12-13-апрелде гана жабык болот. 14-апрелден тарта кадимки тартипте окуу башталат. Эки күндө шаардык кеңешке шайлоо өткөн соң имараттардын ичи тазаланат", — деди Иманалиева.

Ал шайлоо участоктору жайгашкан бала бакчалар гана 8-апрелден 14-апрелге чейин жабылып жатканын кошумчалады. Андан кийин бөбөктөр бакчага бара баштайт.

Эске салсак, буга чейин мэрия борбор калаадагы бала бакчалар кайрадан жабылып, мектептер аралыктан окууга өтө турганын билдирген. 

Белгилер:
карантин, бала бакча, мектеп, Бишкек
Тема боюнча
Бишкекте той өткөрүүгө чектөө киргизүү пландалып жатат
Медицинский работник в защитном костюме стоит рядом с машиной скорой помощи возле больницы для пациентов, инфицированных COVID-19, в Киеве, Украина. 24 ноября 2020 года

COVID: 240 киши вирус жуктуруп, эки бейтап каза тапты

Кыргызстан боюнча коронавирус жуктургандандан саны 90 839га жетсе, анын ичинен 86 313ү сакайып кетти.

БИШКЕК, 14-апр. — Sputnik. Бир сутка ичинде өлкө боюнча коронавирус 240 кишиден табылып, 161 бейтап айыкты. Бул тууралуу Республикалык штабдан кабарлашты.

Айыккандар:

Бишкек шаары – 118;

Ош шаары – 4;

Чүй облусу – 21;

Ош облусу – 4;

Нарын облусу – 2;

Ысык-Көл облусу – 8;

Жалал-Абад облусу – 3;

Баткен облусу – 1.

Жуктургандар:

Бишкек шаары – 133;

Чүй облусу – 85;

Ош облусу – 5;

Талас обулусу – 4;

Нарын облусу – 1;

Ысык-Көл облусу – 10;

Баткен облусу – 2.

Ушуну менен өлкө боюнча коронавирус жуктургандандан саны 90 839га жетсе, анын ичинен 86 313ү сакайып кетти.

Акыркы суткада коронавирустан Бишкек шаарынын эки тургуну каза тапты. Аларды кошкондо пандемия башталгандан бери Кыргызстанда вирустан көз жумгандардын саны 1534кө жетти.

Белгилер:
статистика, коронавирус, Кыргызстан
Тема боюнча
Жакшы кабар! Казакстанда эки күндөн бери COVID жуктургандардын саны азаюуда
Тибеттик буддисттердин лидери Далай-лама. Архив

Далай-лама дүйнөнү аялдар башкарышы керектигин айтып, себебин түшүндүрдү

(жаңыланган 10:24 14.04.2021)
Тибеттин руханий лидери жетекчилик кызматты эркектер аркалап, аялдар алардын көлөкөсүндө калган түшүнүк эскиргенин, мындай ойду өзгөртүү керектигин айткан.

БИШКЕК, 14-апр. — Sputnik. Тибеттик буддисттердин лидери Далай-лама өлкө башчылардын арасына аялдар көбүрөөк кошулса дүйнө жүзү коопсуз болот деп эсептейт. Бул тууралуу РИА Новости жазды.

"Окумуштуулардын айтымында, аялдар табиятынан мээримдүү келет. Ааламда тынчтык болушу үчүн аялдар коомдо активдүү ролду ойноп, боорукерликти жайылтуу иши боюнча милдеттерди алышы керек. Дүйнөдө аял-жетекчилер бар. Алардын саны мындан да көп болсо дүйнө жүзү коопсуз болмок", — деген Далай-лама.

Ал жетекчилик кызматты эркектер аркалап, аялдар алардын көлөкөсүндө калган түшүнүк эскиргенин, мындай ойду өзгөртүү керектигин айткан. Бул үчүн аялдарга билимин тереңдетүүгө кеңеш берген.

"Аялдар менен эркектердин интеллектуалдык жөндөмүндө эч кандай айырмачылык жок жана бардык адамдар бирдей укуктарга ээ. Бизге жалпы адамзаттын биримдиги жана мээримдүүлүк, боорукерлик жөнүндө түшүнүк керек. Эркектер аялдарга, ал эми аялдар эркектерге муктаж, демек, биз тең болушубуз керек", — деген тибеттик буддисттердин лидери.

Мындан тышкары, ал бир нече жыл мурун "эгерде Далай-лама институту улана берсе, келечекте Далай-лама аял болуп төрөлүшү мүмкүн" деп айткандыгын эске салды.

Белгилер:
боорукерлик, башкаруу, Дүйнө, эркек, аял, Далай-лама
Тема боюнча
Далай-лама ачууну кантип жеңсе болорун айтып берди