Жалал-Абад облусунун Сузак районуна караштуу Благовещенко айылында тигүү цехи ачылды

Кыз-келиндерди иш менен камсыздоо үчүн Сузакта чоң тигүү цехи ачылды. Сүрөт

Сузак районунун акими Төрөгелди Түркбаев долбоор кыз-келиндерди үйдө отурбай иштөөгө үндөп, үй-бүлөлүк бюджетти толтурууда маанилүү роль ойной турганын белгилеген.

БИШКЕК, 8-апр.— Sputnik. Жалал-Абад облусунун Сузак районуна караштуу Благовещенко айылында тигүү цехи ачылды. Бул тууралуу БУУнун аялдар түзүмүнүн Кыргызстандагы өкүлчүлүгү кабарлады.

  • Открытие швейного цеха в селе Благовещенко Сузакского района Джалал-Абадской области
    Жалал-Абад облусунун Сузак районуна караштуу Благовещенко айылында тигүү цехи ачылды
    © Фото / Структура ООН-женщины в Кыргызстане
  • Открытие швейного цеха в селе Благовещенко Сузакского района Джалал-Абадской области
    Элеттин аялдарын иш менен камсыз кылуу максатында ачылган цехке 160 миң сомго тигүүчү машиналар сатып алынган
    © Фото / Структура ООН-женщины в Кыргызстане
  • Открытие швейного цеха в селе Благовещенко Сузакского района Джалал-Абадской области
    Цехти иштетүүгө БУУнун аялдар түзүмү көмөк көрсөткөн.
    © Фото / Структура ООН-женщины в Кыргызстане
1 / 3
© Фото / Структура ООН-женщины в Кыргызстане
Жалал-Абад облусунун Сузак районуна караштуу Благовещенко айылында тигүү цехи ачылды

Билдирмеге ылайык, элеттин аялдарын иш менен камсыз кылуу максатында ачылган цехке 160 миң сомго тигүүчү машиналар сатып алынган. Цехти иштетүүгө БУУнун аялдар түзүмү көмөк көрсөткөн.

Сузак районунун акими Төрөгелди Түркбаев долбоор кыз-келиндерди үйдө отурбай иштөөгө үндөп, үй-бүлөлүк бюджетти толтурууда маанилүү роль ойной турганын белгилеген.

Аким райондук администрация цех ачуу үчүн жайды таап бергенин айтып, цех биргелешкен жумуштун аркасы менен ачылып жатканын кошумчалады.

Белгилер:
жумуш, аял, Сузак району, цех, тигүүчү, Жалал-Абад облусу
Тема боюнча
Жалал-Абаддагы элет турмушун жакшыртууга 1,9 млн. евро грант берилет
Кыргызстандын президенти Садыр Жапаров. Архивное фото

Жапаров: Бишкек баатыр ырыс жылоологон касиеттүү адамдардан болгон

(жаңыланган 11:26 14.04.2021)
Борбор калаа ысымын алып жүргүн Бишкек баатырдын эстелиги ачылды. Ага өлкө башчы катышып, тарыхый каарман тууралуу айтып берди.

БИШКЕК, 14-апр. — Sputnik. Бүгүн борбор калаада Бишкек баатырдын эстелиги ачылып, иш-чарага президент Садыр Жапаров катышты. Бул тууралуу өлкө башчынын маалымат кызматынан билдиришти.

Жапаров эстеликтин тургузулушу шаар тарыхында маанилүү окуя экенине токтолуп, Бишкек баатыр тууралуу айта кетти.

"Кыргыздын солто уруусунан чыккан Бишкек баатыр ырыс жылоологон касиеттүү адамдардан болгон. Оозеки жана документалдык булактарга караганда, Бишкек баатырдын сөөгү жашырылган жер "Пишпек-Ата коргону" аталып, ал жер калайык-калк сыйынган ыйык жайга айланган. Тегерегине акырындап эл уюп, отурукташкан журт байырлап, процесс токтобой уланып отуруп, акыры чоң шаар калыптанды", — деди президент.

Өлкө башчы кыргыз эли душмандар менен катуу салгылашып турган XVII–XVIII кылымдарда Бишкек баатыр эрдиги менен таанылганын кошумчалады.

"Бүгүнкү күндө Бишкек Кенен уулу жашап өткөн доорго кызыгуу тереңдеп, тарыхчы-окумуштууларыбыз, жазуучуларыбыз анын өмүр таржымалын ийне-жибине чейин тактаганга аракет кылып жатат. Көркөм чыгармалар, илимий иликтөөлөр жазылууда. Ал турсун анын чыныгы ысымы кандай болгондугу тууралуу тактоолор, жаңы версиялар жаралып, шаарыбыздын узак тарыхын изилдөөнүн бир багыты болуп калды", — деди Жапаров.

Сөзүнүн аягында ал борбор калаанын көркүн арттыруу үчүн бүгүн көптөгөн иш-аракеттер жүрүп жатканын, шаар жасалгасы дагы бир эстелик менен толукталганын белгиледи.

Белгилер:
Бишкек баатыр, эстелик, Садыр Жапаров, Бишкек
Тема боюнча
Борбор калаанын чок ортосунда Бишкек баатырдын эстелиги ачылды. Сүрөт
Борбор калаада Бишкек баатырдын айкелинин ачылыш аземи өттү

Борбор калаанын чок ортосунда Бишкек баатырдын эстелиги ачылды. Сүрөт

(жаңыланган 11:12 14.04.2021)
Бишкек баатырдын эстелигине шаар бийлиги тарабынан 2019-жылы сынак жарыяланган. Анда 30 скульптордун арасынан Адил Сейталиев жеңүүчү болгон.

БИШКЕК, 14-апр. — Sputnik. Борбор калаада Бишкек баатырдын айкелинин ачылыш аземи өттү. Иш-чарага президент Садыр Жапаров баштаган аткаминерлер менен маданият өкүлдөрү жана шаар тургундары катышты.

  • Торжественное открытие памятника Бишкек баатыру на площади Ала-Тоо в Бишкеке
    Борбор калаада Бишкек баатырдын айкелинин ачылыш аземи өттү
    © Sputnik / Асель Сыдыкова
  • Торжественное открытие памятника Бишкек баатыру на площади Ала-Тоо в Бишкеке
    Бийиктиги 3,5 метр болгон эстелик шаардын Эркиндик жана Чүй көчөлөрүнүн кесилишине тургузулган
    © Sputnik / Асель Сыдыкова
  • Торжественное открытие памятника Бишкек баатыру на площади Ала-Тоо в Бишкеке
    Бишкек баатырдын эстелигине 2019-жылы шаар бийлиги тарабынан сынак жарыяланган. Анда 30 скульптордун арасынан Адил Сейталиев жеңүүчү болгон.
    © Sputnik / Асель Сыдыкова
1 / 3
© Sputnik / Асель Сыдыкова
Борбор калаада Бишкек баатырдын айкелинин ачылыш аземи өттү

Бийиктиги 3,5 метр болгон эстелик шаардын Эркиндик жана Чүй көчөлөрүнүн кесилишине тургузулган.

Иш-чаранын ачылышында сөз сүйлөгөн мамлекет башчысы Бишкек баатыр касиеттүү адамдардан болгондугун айтып өттү.

"Бүгүнкү күндө Бишкек Кенен уулу жашап өткөн доорго кызыгуу тереңдеп, тарыхчы-окумуштууларыбыз, жазуучуларыбыз анын өмүр таржымалын ийне-жибине чейин тактаганга аракет кылып жатышат. Көркөм чыгармалар, катар-катар илимий иликтөөлөр жазылууда", — деди Жапаров.

Өлкө башчысы ошондой эле шаардагы тарыхый эстеликтерге аяр, камкор мамиле жасалышы керектигин белгилеп кетти.

Бишкек баатырдын эстелигине 2019-жылы шаар бийлиги тарабынан сынак жарыяланган. Анда 30 скульптордун арасынан Адил Сейталиев жеңүүчү болгон.

Баатырдын айкелин коюу боюнча иштер өткөн жылдын июнь айында башталып, ачылышы 31-август — Кыргызстандын эгемендик күнүнө паландалган. Бирок пандемиядан улам курулуш иштери өз убагында бүтпөй калган болчу.

Эстеликти орнотууга 8 миллион сомдон ашык акча жумшалган. Бул каражатты "Бишкек баатыр" коомдук бирикмеси марафондо чогулткан.

Белгилер:
Бишкек баатыр, Садыр Жапаров, азем, ачылыш, эстелик, айкел
Тема боюнча
Кызыл-Аскерде өзгөчө эстеликтер пайда болду. "Эскерүү багы" акциясынан видео