Ош шаарындагы аялдарга болгон зордук-зомбулукка каршы митинг

Ош шаарында милициянын имаратында зомбулукка каршы митинг өттү. Сүрөт

(жаңыланган 13:58 08.04.2021)
Акциянын катышуучулары колдоруна плакаттарды кармап чыгышкан. Ошондой эле милициядан зомбулукту алдын алуу боюнча отчеттук маалыматтарды талап кылышууда.

БИШКЕК, 8-апр. — Sputnik. Ош шаарында дагы аялдарга болгон зордук-зомбулукка каршы митинг болуп өттү. Бул тууралуу Sputnik Кыргызстан маалымат агенттигинин аймактык кабарчысы билдирди.

Анын айтымында, кырктай киши Ош шаардык ички иштер башкармалыгынын башкы имаратына чогулган. Алар шаардык милициянын жетекчилигин кылмыштуулук менен күрөшүүдө оперативдүү болууга жана коомчулукка кыз ала качуу салт эмес кылмыш экенин түшүндүрүү иштерин жайылтууга чакырды.

  • Митинг против руководства МВД в городе Ош, после похищения и убийства Айзады Канатбековой
    Ош шаарында дагы аялдарга болгон зордук-зомбулукка каршы митинг болуп өттү. Бул тууралуу Sputnik Кыргызстан маалымат агенттигинин аймактык кабарчысы билдирди
    © Sputnik / Зульфия Тургунова
  • Митинг против руководства МВД в городе Ош, после похищения и убийства Айзады Канатбековой
    Анын айтымында, кырктай киши Ош шаардык ички иштер башкармалыгынын башкы имаратына чогулган
    © Sputnik / Зульфия Тургунова
  • Митинг против руководства МВД в городе Ош, после похищения и убийства Айзады Канатбековой
    Алар шаардык милициянын жетекчилигин кылмыштуулук менен күрөшүүдө оперативдүү болууга жана коомчулукка кыз ала качуу салт эмес кылмыш экенин түшүндүрүү иштерин жайылтууга чакырды
    © Sputnik / Зульфия Тургунова
1 / 3
© Sputnik / Зульфия Тургунова
Ош шаарында дагы аялдарга болгон зордук-зомбулукка каршы митинг болуп өттү. Бул тууралуу Sputnik Кыргызстан маалымат агенттигинин аймактык кабарчысы билдирди

Акциянын катышуучулары колдоруна "Жетишет!", "Ал жашагысы келген" деген плакаттарды көтөрүп, "Ала качуу — бул кылмыш!" деп кыйкырып чыгышты. Ошондой эле милициядан зомбулукту алдын алуу боюнча отчеттук маалыматтарды талап кылышты.

Айзаданын өлүмү

Эске салсак, 5-апрель күнү эртең менен саат 7:30дар чамасында Медеров жана Тыныстанов көчөлөрүнүн кесилишинен үч бала 27 жаштагы кызды кызыл түстөгү унаага салып кеткен. Бул учур ошол жердеги кафенин видео байкоосуна тартылып калган. Милиция тарабынан изделип жаткан автоунаа 7-апрелде Чүйдөгү Арашан менен Чокморов айылдарынын ортосунан табылган.

Жергиликтүү чабан автоунааны 5-6-апрель күндөрү эле көргөнүн айтып, бирок маани бербегенин билдирген. Ал 7-апрелде гана автоунаанын жанына барып, салондун ичинен эки адамдын сөөгүн көрүп дароо милицияга чалган. Милициянын алдын ала божомолу боюнча, 36 жаштагы киши уруш-талаштан кийин кызды муунтуп, андан кийин өзүн бычактап, өмүрүн кыйган.

Милициянын ыкчам-тергөө тобу тарабынан кызды ала качууга катыштыгы бар делген адамдар изделип, жыйынтыгында 29 жаштагы Р.А. аттуу шектүү кармалган. Ал Тергөө кызматына жеткирилип, Жазык-процесстик кодексинин 98-беренесинин негизинде Бишкек ШИИБдин убактылуу кармоочу жайына киргизилген.

Күч органдары учурда дагы эки шектүүнүн жүргөн жерин аныктап, кармоо боюнча ыкчам-издөө иш-аракеттери жүрүп жатканын билдирди.

Белгилей кетсек, кыздын туугандары аны 5-апрелде эле издеп башташкан. Биринчи май райондук милицияга арыз жазышканын айтып, бирок издөө иштери кечеңдеп жатканына нааразы болушкан.

Белгилер:
кыз ала качуу, нааразычылык, митинг, Ош
Тема:
Бишкекте 27 жаштагы кыздын уурдалып, өлтүрүлүшү (44)
Тема боюнча
Өкмөт үйүнө чогулгандардын алдына премьер-министр Марипов чыкты. Видео
Милиционерлер Айзада жана аны ала качкандар менен 5-апрелде сүйлөшкөнүн айтты
Бишкек милициясынын башчысы Айзаданын жакындарынан кечирим сурады
Көк бөрү мелдеши. Архив

Жеңиш күнүнө арналган республикалык көк бөрү мелдеши Таласта өтөт

2-май күнү чүчү кулак тартылып, оюндар 3-майда башталат. Мелдеш Спорттун улуттук түрлөрү боюнча дирекциясы жана Улуттук көк бөрү федерациясы тарабынан уюшулууда.

БИШКЕК, 23-апр. — Sputnik. Улуу Жеңиш күнүнө арналган көк бөрү боюнча республикалык мелдеш Талас облусунда өтөт. Бул тууралуу өлкөнүн Улуттук көк бөрү федерациясы билдирди. https://www.instagram.com/p/CNsDV-YMxdM/

2-май күнү чүчү кулак тартылып, мелдеш 3-майда башталат.

"Улуу Жеңиш күнүнө арналган көк бөрү боюнча республикалык турнир 3-майдан 9-майга чейин Талас облусунун Райкан Алканов атындагы ат майданында өтөт. Командалардын катышуу боюнча арыздары 30-апрель күнү саат 17:30га чейин кабыл алынат", — деп айтылат маалыматта.

Мелдеш Спорттун улуттук түрлөрү боюнча дирекциясы жана Улуттук көк бөрү федерациясы тарабынан уюшулууда.

Белгилер:
Талас облусу, мелдеш, Көк бөрү, Улуу Жеңиш
Тема боюнча
1-май күнү Кыргызстанда эл аралык "Альпиниада – 2021" мелдеши өтөт
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр