Марипов: ИИМ башчысынын жоопкерчилиги боюнча маселе каралат
(жаңыланган 15:18 08.04.2021)
Премьер-министр сүйлөп жаткан кезде топтолгон жарандар улам-улам "Уят!" деп кыйкырып жатышты. Алар ИИМ менен Бишкек шаардык ИИББинин жетекчисин отставкага кетирүүнү талап кылып жатышты.БИШКЕК, 8-апр. — Sputnik. Премьер-министр Улукбек Марипов Өкмөт үйүнүн алдына келип митинг кылгандарга ички иштер министри Уланбек Ниязбековду отставкага кетирүү боюнча маселе бийлик тарабынан караларын айтты.
Каршылык акциясы учурунда өкмөт башчы кызматтык иликтөө жүрүп жаткандыктан анын жыйынтыгын күтүү керектигин айтты. Митингчилер болсо ИИМ башчысынын отставкасын талап кылып, Ниязбековдун алардын алдына чыкпай койгонуна нааразы болушту.
Марипов президент Садыр Жапаров дагы бул маселени өз көзөмөлүнө алганын белгиледи.
"Мен дагы бул окуяга кайгырып турам. Жүрөгүм менен айтып жатам. Бул окуя боюнча чаралар көрүлөт. Учурда кызматтык териштирүү жүрүүдө. ИИМ башчысынын жоопкерчилиги боюнча маселе дагы каралат. Бир аз убакыт бериңиздер. Териштирүү бүтмөйүнчө ким күнөөлүү экенин айта албайм", - деди Марипов митингчилердин алдына чыгып.
Премьер-министр сүйлөп жатканда топтолгон жарандар улам-улам "Уят!" деп кыйкырып жатышты. Алар ИИМ менен Бишкек шаардык ИИББинин жетекчисин отставкага кетирүүнү талап кылышууда. Эл алдына чыгып сүйлөгөндөн кийин премьер кайра Өкмөт үйүнө кирип кетти.
©
Photo : Pexels / Sora Shimazaki
Мындан улам акциянын катышуучулары Өкмөт үйүнө барганда алардын алдына Марипов чыкты.
Кайсы тамак-аш адамды өлүмгө эрте кептеши ыктымал? Окумуштуулардын ою
Илимпоздор Улуу Британияда майыптыкка жана өлүмгө жүрөк-кан тамыр оорулары себеп болорун белгилеп, бул дарт туура эмес тамактануудан келип чыгарын далилдешкен.
БИШКЕК, 23-апр. — Sputnik. Британиялык окумуштуулар бир катар азыктар жүрөк-кан тамыр ооруларынын өрчүү тобокелчилигине алып келерин анализдеп чыгышты. Бул тууралуу РИА Новости кабарлап, аталган азыктардын тизмесин жарыялады.
Изилдөөнүн жыйынтыгы боюнча, өлүмгө дуушар кылышы ыктымал деген азыктардын катарына шоколад, таттуу-тарапа, май, ак нан жана таттуу суусундуктар кирген.
Диетанын жүрөк-кан тамыр оорулары менен өлүм тобокелчилигине тийгизген таасирин аныктоо үчүн Оксфорд университетинин окумуштуулары Австралия, Кытайдагы кесиптештери менен атайын жүргүзүлгөн изилдөөлөрдү анализдеп чыгышкан.
Ал үчүн Улуу Британиядагы 37 жаштан 73 жашка чейинки 116 806 кишинин анализдери каралган. Илимпоздор жүрөк-кан тамыр оорулары менен өлүмгө кептей турчу тамактануу стилин экиге бөлүшкөн. Биринчиси — шоколад, кондитер азыктары, май, ак нан болсо, экинчиси — таттуу алкоголсуз суусундук, шоколад, конфет, май жана сыр.
"Биринчи диетаны көп учурда 60 жашка чейинки чылым чегип, спорт менен машыкпаган, ашыкча салмак жана гипертония менен жабыркаган эркектер колдонот. Мындай адамдардын 60 жаштан ашкан, бирок ашыкча салмагы жок, туура тамактанган кишилердикине салыштырмалуу жүрөк-кан тамыр оорусуна чалдыгуу тобокелчилиги жогору болот", — деп айтылат маалыматта.Экинчи тамактануу стили көбүнчө аялдарга таандык экени маалым болду. Алар чылым чекпей, дайыма кыймылда болсо дагы организминде холестерин, ашыкча салмак жана гипертония болору белгиленген.
Окумуштуулар Улуу Британияда майыптыкка жана өлүмгө жүрөк-кан тамыр оорулары себеп болорун белгилеп, бул оорулары туура эмес тамактануудан келип чыгарын далилдешкен.
Белгилер:
Жеңиш күнүнө арналган республикалык көк бөрү мелдеши Таласта өтөт
2-май күнү чүчү кулак тартылып, оюндар 3-майда башталат. Мелдеш Спорттун улуттук түрлөрү боюнча дирекциясы жана Улуттук көк бөрү федерациясы тарабынан уюшулууда.
БИШКЕК, 23-апр. — Sputnik. Улуу Жеңиш күнүнө арналган көк бөрү боюнча республикалык мелдеш Талас облусунда өтөт. Бул тууралуу өлкөнүн Улуттук көк бөрү федерациясы билдирди. https://www.instagram.com/p/CNsDV-YMxdM/
2-май күнү чүчү кулак тартылып, мелдеш 3-майда башталат.
"Улуу Жеңиш күнүнө арналган көк бөрү боюнча республикалык турнир 3-майдан 9-майга чейин Талас облусунун Райкан Алканов атындагы ат майданында өтөт. Командалардын катышуу боюнча арыздары 30-апрель күнү саат 17:30га чейин кабыл алынат", — деп айтылат маалыматта.
Мелдеш Спорттун улуттук түрлөрү боюнча дирекциясы жана Улуттук көк бөрү федерациясы тарабынан уюшулууда.
Белгилер: