Киши колдуу болгон Айзада Канатбекованын апасы Назгүл Шакенова (оң жакта)

Айзаданын апасы: ала качкан киши кызымды аңдып жүрчү экен

(жаңыланган 20:46 09.04.2021)
Айзада Канатбекованын апасынын айтымында, кызы колун сураган кишиге турмушка чыгууга макул болгон эмес. Анткени экөөнүн ортосунда кыз-жигиттик мамиле жок болчу.

БИШКЕК, 8-апр. — Sputnik. Киши колдуу болгон Айзада Канатбекованын апасы Назгүл Шакенова кызын ала качкан күнү эле түшкө маал Бишкектин Биринчи май райондук милициясына арыз жазганын журналисттерге айтты.

Ал милиция убагында кыймылдабай койгонуна нааразы болууда.

"Айзада саат алтылардан өтүп калганда сиңдиме телефон чалып, "Бактыгүл эже, мен келе жатам, тиги бала менен сүйлөштүм. Ош тарапка кетип бара жатканбыз, бирок кайра бурулуп Кара-Балта жакка жетип калдык. Бишкекке бет алдык, азыр барам" дептир. Тиги бала менен сүйлөштүр десе, ал сыртка чыгып кетти деп койду. Бирок бушайман болуп, кыйкырып сүйлөгөн экен. Ошол бойдон байланыш үзүлүп кетиптир", — деди апасы.

Шакенованын айтымында, кызы ал адам менен интернет аркылуу таанышкан, бирок кыз-жигиттик мамилеси болгон эмес.

"Ал бала колун сураганын, бирок кызым жок деп койгонун билем. Ал кишини жакындан тааныбасам, мага кереги жок деп айткан. Мага мунусун билдирген эмес, бирок акыркы айларда артынан аңдып, меники болбосоң апаңды бычак менен саям деп айтканын курбуларына айтыптыр. Негизи өзү окуусун жакшы бүтүп, түз жүргөн кыз болчу. Бир нече чет тилди билчү, жакында Түркияга барып иштеп келейин деп камынып жаткан", — деди апасы.

Айзаданын өлүмү

5-апрель күнү эртең менен саат 7:00дөр чамасында Медеров жана Тыныстанов көчөлөрүнүн кесилишинен үч бала 27 жаштагы кызды кызыл түстөгү унаага салып кеткен. Кыздын туугандары ошол эле күнү издеп башташкан. Биринчи май райондук милицияга саат 7:30да кабарлаган. Бирок издөө иштери кечеңдеп жатканына нааразы болуп, эртеси ЖМКларга кайрылышкан.

Ал эми 7-апрелде изделип жаткан автоунаа Чүйдөгү Арашан менен Чокморов айылдарынын ортосунан табылган. Ал тууралуу милицияга жергиликтүү чабан кабар берген.

Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган

Кечинде кызды ала качууга катыштыгы бар делип бир шектүү кармалган. Бүгүн кыздын сөөгү Балыкчы шаарында жерге берилди.

Белгилер:
кыз ала качуу, өлүм, Айзада Канатбекова
Тема:
Бишкекте 27 жаштагы кыздын уурдалып, өлтүрүлүшү (43)
Тема боюнча
Балыкчыда Айзаданын сөөгү жерге берилди. Сүрөт
Үч жолу соттолгон. Айзаданын өлүмүнө себепкер Замирбек тууралуу толук маалымат
Рабочий визит президента РФ В. Путина в Казахстан. День второй

Гутерриш дүйнө туңгуюкка кептелгенин айтып, эл башчыларына сунуш берди

Эл аралык уюм былтыр токойлор өрттөнүп, кургакчылык болуп, суу ташкындап, ага кошумча мөңгүлөр эригенин айтып, климат ушул боюнча кете берсе дүйнө алапайын таппай каларын айткан.

БИШКЕК, 20-апр. — Sputnik. БУУнун башкы катчысы Антонио Гутерриш Reuters агенттигине берген маегинде дүйнө туңгуюкка кептелип баратканын билдирди. https://www.reuters.com/business/environment/un-warns-climate-abyss-2020-confirmed-one-3-hottest-years-record-2021-04-19/

Анын айтымында, Дүйнөлүк метеорологиялык уюм 2020-жылы токойлор өрттөнүп, кургакчылык болуп, суу ташкындап, ага кошумча мөңгүлөр эригени боюнча отчёт берген. Мындай көрүнүш тарыхта сейрек кездешери айтылат.

https://twitter.com/antonioguterres/status/1384215035849842688?ref_src=twsrc%5Etfw%7Ctwcamp%5Etweetembed%7Ctwterm%5E1384215035849842688%7Ctwgr%5E%7Ctwcon%5Es1_&ref_url=https%3A%2F%2Fru.sputnik.kg%2Fworld%2F20210420%2F1052196679%2Fantonio-guterrish-mir-chelovechestvo-propast.html

"Биз жоголуп кетүү коркунучунда турабыз. Тропикалык бороон-чапкындардын, глобалдык жылуулуктун кесепетинен муз менен мөңгүлөрдүн эриши, токой өртү боюнча рекорддук деңгээл байкалууда. Илимий коомчулук тарабынан аныкталган кооптуу 1,5 градуска жетебизби деп турам", — деген БУУ өкүлү.

Мындай жагдай климаттын кескин өзгөрүшүнөн ансыз да жапа чеккен миллиондогон адам үчүн бөтөнчө кыйынчылык жаратарын кошумчалаган.

Гутерриш дүйнө лидерлерин аталган документ менен таанышууга чакырып, жаратылыш кырсыктарын алдын алуу боюнча чараларды көрүүгө үндөдү.

Рубрика: Коом

Инжект: https://sputnik.kg/world/20190607/1044596236/kansyz-sogushtun-aldyn-aluu-zholu.html

Теги: БУУ Антонио Гутерриш дүйнө жаратылыш климат

Бишкекте Жеңиш күнүн майрамдоо. Архив

Бишкекте 9-Май жана Шаар күнү майрамдалбайт

(жаңыланган 15:44 20.04.2021)
Мындай чечим коронавирус пандемиясы боюнча эпидемиологиялык абалга байланыштуу кабыл алынган. Буга чейин 21-марттагы Нооруз да майрамдалган эмес.

БИШКЕК, 20-апр. — Sputnik. Бишкекте шаар күнү (29-апрель) жана Жеңиш күнүн (9-май) массалык майрамдоо токтотулду. Бул тууралуу мэриянын маалымат кызматы билдирди.

Мындай чечим коронавирус пандемиясы боюнча эпидемиологиялык абалга байланыштуу кабыл алынган.

Ооруканадагы дарыгер. Архив
© Пресс-служба президента КР / Султан Досалиев
Бишкекте пандемия башталгандан бери 32 миң 649 учур катталды. Өткөн суткада 117 адам жуктурганы аныкталган.

Мэрия шаардыктарды санитардык эрежелерди сактап, ден соолукка кам көрүүгө чакырат.

Эскерте кетсек, 21-мартта Ноорузга карата бардык майрамдык салтанаттар, массалык майрамдоо токтотулган.

Белгилер:
абал, коронавирус, майрам, Бишкек мэриясы
Тема:
Коронавируска байланыштуу Кыргызстандагы кырдаал
Тема боюнча
Бишкек мэриясы Айсулуу, Жоламан, Дарья баш болгон спортчуларды сыйлады
Бишкектин жаңы башкы планы тез арада иштелип чыкмай болду