Калкты тейлөө борборунун ачылыш аземи

Марипов Матраимов мамлекетке өткөргөн мекемеде ачылган борборго барды. Сүрөт

161
(жаңыланган 16:04 09.04.2021)
Премьер жарандардын ыңгайлуулугу үчүн аталган Калкты тейлөө борбору Бишкекте алгачкылардан болуп саат 9.00дөн кечки 22.00гө чейин кабыл аларын белгилеген.

БИШКЕК, 9-апр. — Sputnik. Премьер-министр Улукбек Марипов Бишкек шаарынын борборундагы азыркы талаптарга жооп берген Калкты тейлөө борборунун ачылыш аземине катышкандыгы тууралуу өкмөттөн кабарлашты.

  • Церемония открытия современного Центра обслуживания населения в центре Бишкека.  09 апреля 2021 года
    Премьер-министр Улукбек Марипов Бишкек шаарынын борборундагы азыркы талаптарга жооп берген Калкты тейлөө борборунун ачылыш аземине катышкандыгы тууралуу өкмөттөн кабарлашты
    © Пресс-служба правительства / Алишер Алиев
  • Премьер-министр КР Улукбек Марипов на церемонии открытия современного Центра обслуживания населения в центре Бишкека.  09 апреля 2021 года
    Мариповдун айтымында, өкмөттүн алгачкы пландарынын бирине мамлекеттик тейлөөлөрдүн сапатын жогорулатуу, тейлөө көрсөтүүдө жагымдуу шарттардын түзүлүшү жана "open space" форматындагы бир катар жаңы Калкты тейлөө борборлорун ачуу милдети коюлган
    © Пресс-служба правительства / Алишер Алиев
  • Премьер-министр КР Улукбек Марипов на церемонии открытия современного Центра обслуживания населения в центре Бишкека.  09 апреля 2021 года
    Ал кошумчалагандай, Бишкекте жаңы ачылган Калкты тейлөө борборунун экинчи кабатында жакында Ишкерлерди тейлөө борбору ачылат, анда 12 мамлекеттик орган кызмат көрсөтөт
    © Пресс-служба правительства / Алишер Алиев
1 / 3
© Пресс-служба правительства / Алишер Алиев
Премьер-министр Улукбек Марипов Бишкек шаарынын борборундагы азыркы талаптарга жооп берген Калкты тейлөө борборунун ачылыш аземине катышкандыгы тууралуу өкмөттөн кабарлашты
"Калкты тейлөө борборунда бардык шарттар түзүлгөн. Арыздарды кабыл алуудан тарта документтерди даярдоо жана аларды берүүгө чейин жарандарды документтештирүү процесси автоматташтырылган. Арыз берүүчүлөр имараттан чыкпай туруп эле документтерди чогулта алат. Заманбап маалыматтык технологияларды колдонуу мамлекеттик тейлөө көрсөтүүнү жаңы сапаттык деңгээлге чыгарууга мүмкүндүк берди. Калкты тейлөө мөөнөтү кыскартылды, жарандар үчүн ыңгайлуу шарттар камсыздалды", — деген ал жерде сүйлөгөн Марипов.

Мариповдун айтымында, өкмөттүн алгачкы пландарынын бирине мамлекеттик тейлөөлөрдүн сапатын жогорулатуу, тейлөө көрсөтүүдө жагымдуу шарттардын түзүлүшү жана "open space" форматындагы бир катар жаңы Калкты тейлөө борборлорун ачуу милдети коюлган.

"Учурда Ысык-Көл облусунун Ак-Суу районундагы Теплоключенка айылында, Нарын облусунун Ат-Башы районунун Ат-Башы айылында ушундай эле Калкты тейлөө борборлору, ошондой эле Чүй облусунун Жайыл районундагы Кара-Балта шаарында Автоунаа каражаттарын тейлөө борбору өз ишин баштады. Үстүбүздөгү жылдын 1-июнуна чейин дагы калкты тейлөөчү тогуз борбор  ачылат", — премьер-министр.

Ал кошумчалагандай, Бишкекте жаңы ачылган Калкты тейлөө борборунун экинчи кабатында жакында Ишкерлерди тейлөө борбору ачылат, анда 12 мамлекеттик орган кызмат көрсөтөт.

Маалымдама

Жаңы Калкты тейлөө борбору заманбап жабдуулар, ыңгайлуу жумушчу орундар жана маалымдама зонасы менен камсыздалып, электрондук кезек жана видеокөзөмөл камералары орнотулган. Ошондой эле мүмкүнчүлүгү чектелген жактар үчүн шарттар түзүлүп, эне-бала бөлмөсү каралган. Порталды толук кандуу пайдалануу мүмкүнчүлүгү үчүн зарыл жабдуулар орнотулган өзүн-өзү тейлөө зонасы иштейт, анда тейлөөнүн 29 түрү көрсөтүлөт. Шаардыктар жана меймандар мында мамлекеттик тейлөөнүн кеңири чөйрөсү боюнча кызмат көрсөтүүлөрдү ала алат. Маселен, баланын туулгандыгын, никеге тургандыгын каттоо, паспорт алууга, "балага сүйүнчү" жөлөк пулун алууга арыз жазуу жана башкалар.

Калкты тейлөө борборунун жалпы аянты 1200 чарчы метрден ашуун. Күнүнө ал 1500гө чейин адамды тейлей алат.

Жарандардын ыңгайлуулугу үчүн аталган Калкты тейлөө борбору Бишкекте алгачкылардан болуп саат 9.00дөн кечки 22.00гө чейин кабыл аларын белгилеген.

Белгилей кетсек, мекеме Бажы кызматынын мурдагы орун басары Райымбек Матраимов мамлекетке өткөрүп берген "Эльдорадо" соода борборунун ичинде ачылды

161
Белгилер:
документ, ачылыш, Калкты тейлөө борбору, Улукбек Марипов
Тема боюнча
Марипов Бишкектин суу каптаган жолдору боюнча аткаминерлерди зекиди
Марипов: автоунаалардын терезесин акы төлөп караңгылатууга уруксат беребиз
Суу аз, электр энергиясын үнөмдөш керек. Марипов тапшырма берди
Кыргызстан менен Тажикстандын чек арасындагы кыргыз аскер кызматкери

Лейлекте чек арада жүргөн тажик аскерлери боюнча милиция түшүндүрмө берди

429
(жаңыланган 00:11 08.05.2021)
Милициянын айтымында, бул маалыматтар тиешелүү кызматтар тарабынан ыкчам текшерилген. Кырдаал туруктуу. Күч түзүмдөрү күчөтүлгөн тартипте иш алып барууда.

БИШКЕК, 8-май — Sputnik. Лейлек районунун Арка айылына тажик чек ара аскерлери келди деген маалымат боюнча облустук милиция билдирүү таратты.

Бүгүн түштөн кийин социалдык тармактарда “Арка айылына тажик аскерлери кайра келе баштады...” деген видеолор тараган. Анда чек арага жакын жерде автомат асынган эки аскер турганын көрүүгө болот.

Милициянын айтымында, бул маалыматтар тиешелүү кызматтар тарабынан ыкчам текшерилген.

“Бүгүн мамлекеттик чек ара аймагынын Баткен облусунун Лейлек районуна караштуу Арка-1 аймагында тажик тарап чек ара кезметин коюуга аракет кылган. Кыргызстандын чек арачылары тез арада буга чара көрүп, мамлекеттик чек аранын такталбаган аймагында чек ара кезметин алуу талабын койгон. Тажик тарап ошол эле замат бул талапты аткарган”, — деп айтылат билдирүүдө.

Саат 23.15ке карата берилген маалымат боюнча, Лейлек районунун Арка, Достук, Борбордук, Жаштык, Максат, Интернационал, Саада, Кулунду, Эски-Оочу айылдарында коомдук жана ыкчам кырдаал туруктуу. Коомдук коопсуздук ички иштер органдарынын кызматкерлери тарабынан көзөмөлдөнүүдө. Кыргыз-тажик мамлекеттик чек ара аймагындагы кырдаал туруктуу.

Милиция тараткан маалыматта, азыркы учурда кыргыз-тажик мамлекеттик чек ара аймагында ар бир мамлекеттик органдар өз милдеттеринин алкагында коомдук коопсуздукту камсыз кылуу боюнча тийиштүү иш-чараларды жүргүзүп жатканы айтылды.

429
Белгилер:
Дамира Юсупова, кыргыз-тажик чек арасы, Баткен
Тема:
Баткендеги кыргыз-тажик жаңжалы
Тема боюнча
Лейлектеги бир катар жолдорду оңдоо жана куруу иштери башталды
Ташиев: бир дагы метр жерибизди бербейбиз, Ворухка коридор ачылбайт
Рух-Ордо комплекси. Архив

Ташкул Керексизов дүйнө салды

222
(жаңыланган 21:36 07.05.2021)
Керексизов Бишкектеги ооруканада дарыланып жаткан. Маркумдун сөөгү "Ала-Арча" көрүстөнүнө коюлат.

БИШКЕК, 7-май — Sputnik. Коомдук ишмер, айтылуу "Рух-Ордо" комплексинин негиздөөчүсү Ташкул Керексизов 73 жашында каза болду. Кабарды маркумдун жакындары тастыктады.

Керексизов Бишкектеги жугуштуу илдеттер ооруканасында дарыланып жаткан.

Ташкул Керексизов 1948-жылы Ысык-Көлдүн Балыкчы шаарында туулган. 1972-жылы Кыргыз мамлекеттик университетин аяктап, жогорку билимге ээ болгон. Райондук акимчиликтеги кызматкерден тартып президенттин кеңешчисине чейин жеткен. Талас облусунун губернатору, Мамлекеттик мүлк фондунун, Бажы кызматынын башчысы кызматтарын аркалаган.

Маркумдун сөөгү 9-майда Бишкектеги "Ала-Арча" көрүстөнүнө коюлат.

222
Белгилер:
Ташкул Керексизов, илдет, оору, өлүм
Тема боюнча
Футболдук союз чек арада көз жумган футзалчы Султанбектин жакындарына көңүл айтты
Кумтөр алтын кени. Архив

Сот "Кумтөр" компаниясын мамлекетке 262 млрд. сом төлөөгө милдеттендирди

85
(жаңыланган 00:20 08.05.2021)
Жергиликтүү тургундар чет өлкөлүк компания экологияга зыян келтирди деген доомат менен сотко кайрылган.

БИШКЕК, 8-май — Sputnik. Бишкектин Октябрь райондук соту "Кумтөр Голд Компани" компаниясын мамлекетке 261 миллиард 719 миллион 674 сом төлөөгө милдеттендирди. Бул тууралуу Жогорку соттун маалымат кызматы кабарлады.

Сот "Кумтөр Голд Компани" ишканасынын Кумтөр кенин иштетүүдөн чыккан калдыктарды Давыдов жана Лысый мөңгүлөрүнө жыйып келгенин мыйзамсыз деп тапкан. Дээрлик 262 миллиард сомго жеткен негизги суммадан тышкары сот компаниядан 1 миллиард 308 миллион 653 миң 370 сом мамлекеттик алым өндүрүүнү чечкен.

Маалыматта ишкананын үстүнөн сотко Ысык-Көлдүн тургундары арызданганы айтылат. Жергиликтүү жашоочулар "Кумтөр Голд Компани" Кыргызстандын экологиялык мыйзамдарын бузду деп даттанган. Мөңгүлөргө чыгарылган 1 миллиард 200 миллион тонна калдыктан 183 миллион куб муз талкаланганы белгиленди.

Доого жыгылган тарап 30 күндүн ичинде Бишкек шаардык сотуна кайрылса болот.

85
Белгилер:
токтом, чечим, сот, айып, компания, Кумтөр
Тема боюнча
"Кумтөрдү" Акылбек Жапаров жетектеген мамлекеттик комиссия текшермей болду
Үч милдет бар. Президент Жапаров экономика кандай реформаланарын айтты