Кене. Архив

Кенеден кантип сактануу керектигин терапевт айтып берди

94
Кыргызстандын түштүк аймактарында кене чагуу коркунучу мартта, апрелдин башында, түндүк аймактарда апрелдин ортосунда же майдын башында күч алат.

БИШКЕК, 12-апр. — Sputnik. Кенеден сактаныш үчүн жазында тоого, токойго чыкканда ачык түстөгү кийим кийип, ачык жер калтырбаганга аракет кылуу керек. РИА Новости терапевт Николай Долдонун кеңештерине таянып коопсуздук чараларын жазды.

"Андан сырткары, багелекти байпакка киргизип алуу зарыл. Ачык кийимдин жеңдери бүйрүлүп, моюнду коргоп турган капюшон болгону жакшы. Мүмкүн болсо кенеге каршы чыгарылган аэрозоль-чачкычтарды ала жүргөн пайдалуу", — деген дарыгер.

Киши жаратылышка чыкканда ар бир 15 мүнөттө кийимдери менен денесине көз салып турушу шарт. Тагыраагы, колтукту, моюнду, кулактын артын, чурай жактарды карап койгон оң. Үйгө келгенден кийин чечинип алып денени жана кийимди дагы бир ирет тыкыр текшерип чыгыш керек.

"Кененин уусунан коргонуш үчүн эмдөө алса болот. Тилекке каршы, кене баары бир жабышып калса, дарыгерге кайрылган жакшы же өтө абайлап алуу зарыл. Киши андан өз алдынча кутулам десе, чукул кыймылдарды жасабай жана кененин өзүн бекем баспай, кылдаттык менен сууруп алганы туура болот. Андан соң чаккан жерге спирт же йод сүрүп койгула", — деген Долдо.

Дарыгер кенени денеден сууруп алгандан кийин кишини жабыркатар же жабыркатпастыгын билиш үчүн лабораториядан текшерттирсе болорун айткан.

"Ал үчүн айнек идишке салып, үстүнө кебез таштап, капкак менен бекем жаап жеткириш керек. Эгерде бир нече убакыттан кийин алып бара турган болсоңуз, муздаткычта кармап туруңуз", — деп кеңеш берген дарыгер.

Кене жаз мезгилинде абанын температурасы 10 градустан жогорулаганда жандана баштайт.

Кыргызстандын түштүк аймактарында кене чагуу коркунучу мартта, апрелдин башында, түндүк аймактарда апрелдин ортосунда же майдын башында күч алат.

94
Белгилер:
эскертүү, дарыгер, кене, Кыргызстан
Тема боюнча
Тоо менен шиберге эмне жетсин! Бирок кенеден сак болгула
Кыргызстан менен Тажикстандын чек арасындагы кыргыз аскер кызматкери

Лейлекте чек арада жүргөн тажик аскерлери боюнча милиция түшүндүрмө берди

360
(жаңыланган 00:11 08.05.2021)
Милициянын айтымында, бул маалыматтар тиешелүү кызматтар тарабынан ыкчам текшерилген. Кырдаал туруктуу. Күч түзүмдөрү күчөтүлгөн тартипте иш алып барууда.

БИШКЕК, 8-май — Sputnik. Лейлек районунун Арка айылына тажик чек ара аскерлери келди деген маалымат боюнча облустук милиция билдирүү таратты.

Бүгүн түштөн кийин социалдык тармактарда “Арка айылына тажик аскерлери кайра келе баштады...” деген видеолор тараган. Анда чек арага жакын жерде автомат асынган эки аскер турганын көрүүгө болот.

Милициянын айтымында, бул маалыматтар тиешелүү кызматтар тарабынан ыкчам текшерилген.

“Бүгүн мамлекеттик чек ара аймагынын Баткен облусунун Лейлек районуна караштуу Арка-1 аймагында тажик тарап чек ара кезметин коюуга аракет кылган. Кыргызстандын чек арачылары тез арада буга чара көрүп, мамлекеттик чек аранын такталбаган аймагында чек ара кезметин алуу талабын койгон. Тажик тарап ошол эле замат бул талапты аткарган”, — деп айтылат билдирүүдө.

Саат 23.15ке карата берилген маалымат боюнча, Лейлек районунун Арка, Достук, Борбордук, Жаштык, Максат, Интернационал, Саада, Кулунду, Эски-Оочу айылдарында коомдук жана ыкчам кырдаал туруктуу. Коомдук коопсуздук ички иштер органдарынын кызматкерлери тарабынан көзөмөлдөнүүдө. Кыргыз-тажик мамлекеттик чек ара аймагындагы кырдаал туруктуу.

Милиция тараткан маалыматта, азыркы учурда кыргыз-тажик мамлекеттик чек ара аймагында ар бир мамлекеттик органдар өз милдеттеринин алкагында коомдук коопсуздукту камсыз кылуу боюнча тийиштүү иш-чараларды жүргүзүп жатканы айтылды.

360
Белгилер:
Дамира Юсупова, кыргыз-тажик чек арасы, Баткен
Тема:
Баткендеги кыргыз-тажик жаңжалы
Тема боюнча
Лейлектеги бир катар жолдорду оңдоо жана куруу иштери башталды
Ташиев: бир дагы метр жерибизди бербейбиз, Ворухка коридор ачылбайт
Рух-Ордо комплекси. Архив

Ташкул Керексизов дүйнө салды

204
(жаңыланган 21:36 07.05.2021)
Керексизов Бишкектеги ооруканада дарыланып жаткан. Маркумдун сөөгү "Ала-Арча" көрүстөнүнө коюлат.

БИШКЕК, 7-май — Sputnik. Коомдук ишмер, айтылуу "Рух-Ордо" комплексинин негиздөөчүсү Ташкул Керексизов 73 жашында каза болду. Кабарды маркумдун жакындары тастыктады.

Керексизов Бишкектеги жугуштуу илдеттер ооруканасында дарыланып жаткан.

Ташкул Керексизов 1948-жылы Ысык-Көлдүн Балыкчы шаарында туулган. 1972-жылы Кыргыз мамлекеттик университетин аяктап, жогорку билимге ээ болгон. Райондук акимчиликтеги кызматкерден тартып президенттин кеңешчисине чейин жеткен. Талас облусунун губернатору, Мамлекеттик мүлк фондунун, Бажы кызматынын башчысы кызматтарын аркалаган.

Маркумдун сөөгү 9-майда Бишкектеги "Ала-Арча" көрүстөнүнө коюлат.

204
Белгилер:
Ташкул Керексизов, илдет, оору, өлүм
Тема боюнча
Футболдук союз чек арада көз жумган футзалчы Султанбектин жакындарына көңүл айтты
Кумтөр алтын кени. Архив

Сот "Кумтөр" компаниясын мамлекетке 262 млрд. сом төлөөгө милдеттендирди

63
(жаңыланган 00:20 08.05.2021)
Жергиликтүү тургундар чет өлкөлүк компания экологияга зыян келтирди деген доомат менен сотко кайрылган.

БИШКЕК, 8-май — Sputnik. Бишкектин Октябрь райондук соту "Кумтөр Голд Компани" компаниясын мамлекетке 261 миллиард 719 миллион 674 сом төлөөгө милдеттендирди. Бул тууралуу Жогорку соттун маалымат кызматы кабарлады.

Сот "Кумтөр Голд Компани" ишканасынын Кумтөр кенин иштетүүдөн чыккан калдыктарды Давыдов жана Лысый мөңгүлөрүнө жыйып келгенин мыйзамсыз деп тапкан. Дээрлик 262 миллиард сомго жеткен негизги суммадан тышкары сот компаниядан 1 миллиард 308 миллион 653 миң 370 сом мамлекеттик алым өндүрүүнү чечкен.

Маалыматта ишкананын үстүнөн сотко Ысык-Көлдүн тургундары арызданганы айтылат. Жергиликтүү жашоочулар "Кумтөр Голд Компани" Кыргызстандын экологиялык мыйзамдарын бузду деп даттанган. Мөңгүлөргө чыгарылган 1 миллиард 200 миллион тонна калдыктан 183 миллион куб муз талкаланганы белгиленди.

Доого жыгылган тарап 30 күндүн ичинде Бишкек шаардык сотуна кайрылса болот.

63
Белгилер:
токтом, чечим, сот, айып, компания, Кумтөр
Тема боюнча
"Кумтөрдү" Акылбек Жапаров жетектеген мамлекеттик комиссия текшермей болду
Үч милдет бар. Президент Жапаров экономика кандай реформаланарын айтты