Медициналык кызматкер COVID-19ка тест алган учурунда

Акыркы суткада 227 адамдан COVID аныкталып, төрт киши көз жумду. Статистика

234
(жаңыланган 11:32 13.04.2021)
Жуктургандар мурдагыдай эле Бишкек шаары менен Чүй облусунда көп. Бирок бүгүн алардан кийин эле Ысык-Көл облусу турат. Көлдө бир сутка ичинде 9 адамдан вирус табылды.

БИШКЕК, 13-апр. — Sputnik. Бир сутка ичинде өлкө боюнча коронавирус 227 кишиден табылып, 124 бейтап айыкты. Бул тууралуу Саламаттык сактоо жана социалдык өнүктүрүү министрлиги кабарлады.

Айыккандар:

  • Бишкек шаары – 81;
  • Ош шаары – 1;
  • Чүй облусу – 30;
  • Ош облусу – 1;
  • Ысык-Көл облусу – 8;
  • Жалал-Абад облусу – 1;
  • Баткен облусу – 2.

Жуктургандар:

  • Бишкек шаары – 141;
  • Ош шаары – 6;
  • Чүй облусу – 64;
  • Ош облусу — 2;
  • Талас облусу – 1;
  • Нарын облусу – 1;
  • Ысык-Көл облусу – 9;
  • Жалал-Абад облусу – 1;
  • Баткен облусу – 2.

Акыркы 24 саат ичинде төрт киши коронавирустун курмандыгы болду. Бири Чүй облусунун тургуну болсо, үчөө Бишкектин жашоочулары эле. Аларды кошкондо пандемия башталгандан бери Кыргызстанда вирустан көз жумгандардын саны 1532ге жетти.

Азыркы тапта 932 бейтап ооруканаларда дарыланууда. Анын ичинен 213ү оор абалда болсо, 33 бейтаптын абалы өтө оор деп бааланды. Ал эми 1017 кыргызстандык үй шартында дарыланууда.

234
Белгилер:
статистика, коронавирус, Кыргызстан
Тема:
Кыргызстандагы коронавирус жуктуруп алгандар (1667)
Тема боюнча
11 миңдей орун даяр турат. Өкмөт COVID-19дун үчүнчү толкунунан кантип өтөт
Коронавирустун жаңы штаммынын өлүмгө жеткирери далилденген эмес. Изилдөө
ПЦР-тест менен компьютердик томография арзандайт. Үчүнчү толкунга даярдык
Экзамен тапшырып жаткан бүтүрүүчү. Архив

Министрлик жогорку окуу жайга тапшыруунун босого баллын белгиледи

10
(жаңыланган 13:54 25.06.2021)
Бул жылы ЖРТны 44 416 бүтүрүүчү тапшырган. Тесттин катышуучуларынын орточо упайы 120,5 баллды түздү.

БИШКЕК, 25-июн. — Sputnik. Жалпы республикалык тестирлөөнүн жыйынтыгы (ЖРТ) менен окуу жайларга тапшыруунун босого баллы аныкталды. Бул тууралуу Бишкектеги маалымат жыйында билим берүү жана илим министринин орун басары Нурлан Өмүров билдирди.

Анын айтымында, бюджеттик формадагыларга 110 балл, келишимдик негизде окуй тургандарга босого балл 105 деп белгиленди. Бул жылы ЖРТны 44 416 окуучу тапшырган. Тесттин катышуучуларынын орточо упайы 120,5ти түзгөн.

"25 284 киши же бүтүрүүчүлөрдүн 60 пайызы 110дон жогору балл алды. 105тен ашык упайга 28 143 бала же абитуриенттердин 63 пайызы ээ болду. Башкача айтканда, бүтүрүүчүлөрдүн 63 пайызынын дагы окуу жайга тапшырууга мүмкүнчүлүгү бар", — деди министрдин орун басары.

Оморов бул жылы да бүтүрүүчүлөр окууга онлайн тапшырарын эске салды. Кенен маалыматты 2020.edu.gov.kg сайтынан алууга болот. Ошондой эле суроолор боюнча 1818 тынымсыз байланыш номери кызмат көрсөтөт. Адаттагыдай окуу жайлар үч тур менен кабыл алат.

10
Белгилер:
бүтүрүүчү, балл, упай, Билим берүү жана илим министрлиги, Кыргызстан
Тема боюнча
ЖРТдан эң көп баллга татыган Жайдар: Гонконгдогу окуу жайга тапшырып койгом
Кыргызстандын 10 мыкты бүтүрүүчүсү тандап алган окуу жайлар
Кыргызстандын мотоциклисттер коомунун төрагасы Асхат Сеитбеков

Сеитбеков: өлкө боюнча 1000ден ашуун байкер бар

8
(жаңыланган 13:10 25.06.2021)
Кыргызстандын мотоциклисттер коомунун төрагасы Асхат Сеитбеков Кыргызстанда мотоцикл айдоого кызыккандар көбөйүп, бул тармактын өнүгүшүнө чоң салым кошуп жатышканын айтты.

Мотоциклисттердин саны өлкө боюнча 1000ден ашат. Алар түрдүү категориялар боюнча мотожүрүштөрдү уюштурушат. Мындай маалыматты Асхат Сеитбеков Sputnik Кыргызстан радиосунун эфиринде маек куруп жатып билдирди.

Сеитбеков: өлкө боюнча 1000ден ашуун байкер бар

Анын айтымында, буга чейин Бишкекте гана аталган транспортко кызыккандар болсо, эми аймактарда да мотожүрүштөргө чыга башташты.

"Кыргызстандын мотоциклисттер коому 2014-жылы расмий түзүлгөн. Андан бери көп адамдын башын бириктирип, түрдүү иш-чараларды уюштуруп келебиз. Мотоциклисттер арасында тажрыйбасына жараша наамдар ыйгарылат. Мисалы, бир суткада 1000 миль аралыкты басып өткөндө тиешелүү критерийлердин негизинде статус берилет. Кыргызстанда да байкерлер үчүн атайын наамдарды түзгөнбүз. Алсак, "Беш ашуу", "Үч көл", "Жети жер" деген категориялар каралган. 3500 чакырымды үч күндө мотоцикл менен өткөн адамдарга"Беш ашуу" наамы тагылат. Муну менен кооз жерлерди кыдырып, туризмди өнүктүрүү максатын койгонбуз. Чет өлкөдөн келип, биздеги наамдарды алып кетишет. Учурда байкерлердин саны жалпы өлкө боюнча 1000ден ашат. Алар түрдүү категориялар боюнча мотожүрүштөрдү уюштуруп, чогулуп турушат", — деди Сеитбеков.

Ошондой эле байкер Кыргызстандын кооз жерлерин, маданиятын дүйнөгө таанытуу максатында мототуризмге көңүл буруу керектигин кошумчалады.

8
Белгилер:
Асхат Сеитбеков, мотоцикл, байкер
Тема боюнча
Казыбаев: кышында Сочиге барып дрифт боюнча мелдешке катышабыз