AstraZeneca логотиби фонунда шприц. Архив

Адис: Кыргызстанга AstraZeneca вакцинасы май айында келиши мүмкүн

42
(жаңыланган 15:32 14.04.2021)
Гүлбара Ишенапысованын айтымында, СOVAX программасы бардык өлкөлөргө AstraZeneca вакцинасын сунуштап жатат. Өзбекстан, Тажикстан жана Армения сыяктуу өлкөлөр биринчи партиясын алып коюшту.

БИШКЕК, 14-апр. — Sputnik. Май айында Кыргызстанга COVAX программасынын алкагында AstraZeneca вакцинасы келери күтүлүп жатат. Бул тууралуу Sputnik агенттигине Республикалык иммундук профилактика борборунун директору Гүлбара Ишенапысова билдирди.

Анын айтымында, COVAX демилгеси менен биринчи этапта 400 миң доза вакцина алуу сунушталган.

"COVAX программасы бардык өлкөлөргө AstraZeneca вакцинасын сунуштап жатат. Өзбекстан, Тажикстан жана Армения сыяктуу өлкөлөр биринчи партиясын алып коюшту. Өзбекстанга 660 миң доза, калгандарына 290 миң дозадан жиберилди. Келишимдин негизинде атайын шприцтер келе жаткан дүйшөмбү күнү Бишкекке жеткирилет", — деди ал.

Эске салсак, Кыргызстанда 29-марттан бери Кытайдын SinoРharm препаратын колдонуу менен коронавируска каршы эмдөө жүргүзүлүп жатат. Ушул күнгө чейин аны 2 705 киши алды.

AstraZeneca вакцинасынын тегерегиндеги чуу

Эске салсак, Европанын бир нече мамлекети AstraZeneca вакцинасын колдонууда кыйыр таасирлери чыгып жатканын айтып, эмдөөнү токтотушкан. Мындан улам КРдин Саламаттык сактоо министрлиги дагы убактылуу бул вакцинаны албай турганын билдирген.

Март айында ЕБде AstraZeneca вакцинасын алгандардын ичинен кээ биринде кооптуу учурлар байкалганы туурасында маалыматтар пайда боло баштаган. Биринчилерден болуп коңгуроону Австрия каккан. Алар эмделген адамда тромбоз пайда болуп 10 күндөн кийин көз жумгандыгын, ал эми өпкө тамырынын тромбоэмболиясы менен бир киши ооруканага түшкөндүгүн билдиришкен.

Кийин бир катар мамлекеттерде вакцинадан кийин тромбоз илдети пайда болуп жатканы айтылып, көпчүлүгү аталган вакцинадан убактылуу баш тартышкан.

42
Белгилер:
вакцина, AstraZeneca, Кыргызстан
Тема:
Коронавируска байланыштуу Кыргызстандагы кырдаал (2778)
Тема боюнча
Британияда AstraZeneca менен эмделген 7 киши тромбдон улам көз жумду
ЖМК: АКШда AstraZeneca вакцинасынын өндүрүшү токтотулду
"Спутник V" Pfizer вакцинасына караганда "түштүк африкалык" штаммдан жакшы сактайт
Массалык түрдө көмүлгөн балдардын сөөгү табылган Канададагы католиктердин мурдагы мектеп-интернатынын аймагы

Канаданын мектеп-интернатынын аймагынан 751 баланын сөөгү табылды

7
(жаңыланган 12:36 25.06.2021)
Буга чейин Канаданын Британия Колумбиясы провинциясында жайгашкан жергиликтүү элдин балдары үчүн курулган мурдагы мектеп-интернаттан 215 баланын сөөгү табылган.

БИШКЕК, 25-июн. — Sputnik. Канададагы католиктердин мурдагы мектеп-интернатынан массалык түрдө көмүлгөн балдардын сөөгү табылды. Бул тууралуу National Post басылмасы жазды.

Балдар мүрзөсү Саскачеван штатындагы Мариеваль шаарында жайгашкан индейлердин балдарынын мектеп-интернатынан табылган. Окуу жай 1899-1997-жылдары иштеген.

Артиллеристы готовятся к боям на Орловской и Курской дугах. Орловско-Курская дуга. Июль 1943 год. Репродукция
© Фото / Центральный Государственный архив кинофотодокументов КР
Маалыматка караганда, балдардын сөөгү табылган мүрзөлөрдүн ичинен мунусу рекорд койду. Расмий маалымат боюнча, мында 751 баланын сөөгү көмүлгөн.

Бул жер Реджайна шаарына караштуу Саскачеван провинциясынын борборунан 140 чакырым алыстыкта жайгашкан жер алдындагы радардын жардамы менен табылган.

Май айынын соңунда Канаданын Британия Колумбиясы провинциясында жайгашкан жергиликтүү элдин балдары үчүн курулган мурдагы мектеп-интернаттан 215 баланын сөөгү аныкталган. Түрдүү маалыматтар боюнча, Канаданын түпкү жашоочуларынын мектеп-интернаттарында (XIX кылымдын ортосунан 1960-жылдардын соңуна чейин) балдардын 3,2 миңден 6 миңге чейин сөөгү табылган.

7
Белгилер:
мүрзө, сөөк, бала, Канада
Тема боюнча
Жалал-Абадда изделген аялды өлтүрүп, таштандыга көмүп коюшкан. Видео
Жогорку Кеңештин депутаты Шайлообек Атазов. Архив

Депутат Атазов: Мамашова менен эмес, башка эл өкүлү менен урушкам

53
(жаңыланган 11:51 25.06.2021)
Жогорку Кеңештин 23-июндагы жыйынында "Ата Мекен" фракциясынын депутаттары кайым айтышкан. Бул окуядан кийин социалдык тармактын колдонуучулары аял кишиге атырылды деп Шайлообек Атазовду сындап чыгышкан.

БИШКЕК, 25-июн. — Sputnik. Жогорку Кеңештин депутаты Шайлообек Атазов парламенттин жыйынында кесиптеши Айсулуу Мамашова менен урушпаганын айтып чыкты. Бул тууралуу ал Facebook баракчасына жазды.

23-июнда Жогорку Кеңештин жыйынында "Ата Мекен" фракциясынын депутаттары кайым айтышкан. Анын алдында депутат Наталья Никитенко фракциянын лидери алмашканын, Сайдулла Нышановдун ордуна Шералы Абдылдаев дайындалганын жарыялаган. Буга Атазов өзүнүн каршы пикирин билдиргенден кийин кайым айтыша кетишкен. Мындан улам жыйында танапис жарыяланган.

Бул окуядан кийин социалдык тармактын колдонуучулары аял кишиге атырылды деп Шайлообек Атазовду сындап чыгышкан.

Атазов бул окуяга комментарий берип, жыйында Айсулуу Мамашова менен эмес, башка депутат менен пикир келишпестик болгонун жазды.

"Мен Айсулуу Турусбековна менен эч кандай урушкан жокмун! Биздин ортобузда эч кандай талаш жок. Кечээ күнү парламентте биз урушуп жаткандай видео болуп калыптыр. Бул жерде Айсулуу Турусбековнанын артына бекинген депутаттар менен пикир келишпестик болуп кеткен. Ошол учурда арачалоо максатында мага келип, колун булгап сүйлөп жаткан учуру видеого түшүптүр", ― деп жазган ал.

Атазов ошондой эле бул окуядан кийин фракция мүчөлөрү чогулуп, меселени чечип, бири-бирин кечиришкенин кошумчалаган.

53
Белгилер:
Айсулуу Мамашова, Жогорку Кеңеш, Шайлообек Атазов
Тема боюнча
Этика менен сураңыз! Догоев кабагын салып депутат Атазовду чычалатты