Ала-Тоо аянтынданы тарых музейи. Архив

Беш жыл болду. Тарых музейи качан ачылары дагы деле белгисиз

59
(жаңыланган 18:13 14.04.2021)
Тарых музейин реконструкциялоо иштери беш жыл мурда башталганы менен али күнгө чейин ачыла элек.

БИШКЕК, 14-апр. — Sputnik. Мамлекеттик тарых музейинин жетекчиси Кеңешбек Алмакүчүков сот иштери аягына чыгып, карыз төлөнмөйүн маданий жай ачылбай турганын Sputnik Кыргызстан агенттигинин кабарчысына билдирди.

Директор 2020-жылы да музей ушул эки себептен улам ачылбай калганын айтып, азыр ошол боюнча жылыш жок экенин белгиледи.

"Жылыш жок, баягыдай эле. Тарых музейи боюнча козголгон кылмыш иши Жогорку соттон кайра Биринчи май райондук сотуна өткөн. Бул иш аягына чыкмайын музей ачылбайт өңдүү. Мындан тышкары, музейди реконструкциялаган башкы буюртмачы менен аткаруучу компаниянын ортосундагы каржы маселеси чечиле элек. Качан ачыларын билбейбиз", — деди Алмакүчүков.

Ал музей жабык болгону менен кызматкерлери иштеп жатканын белгиледи.

Реконструкцияланган тарых музейинин таржымалы

Эске салсак, Мамлекеттик тарых музейин оңдоо 2016-жылы 25-мартта башталган. Иштери аяктап калганда, 2018-жылдын май айында, ЖК депутаттары музейди реконструкциялоодо сатып алынган эмеректердин кымбат баасына нааразы болуп чыгып, "Ата Мекен" фракциясынын депутаттары наркын ачыктаган. Музейди реконструкциялоодон чыккан чырдан улам Улуттук коопсуздук мамлекеттик комитети Тарых музейин реконструкциялоого кеткен бюджеттик каражат боюнча териштирүү баштап, июлда Башкы прокуратура имаратты оңдоого жана жабдуу сатып алуу үчүн бюджеттен бөлүнгөн каражаттын мыйзамсыз колдонулушу боюнча кылмыш ишин козгоп, иш сотко өткөн.

Дал ошол сот иштери али күнгө чейин аягына чыга элек. Бул ишке катыштыгы бар делген Сапар Исаковго карата Жогорку сот жакында эле Тарых музейи менен Чолпон-Атадагы ипподромдун реконструкциясы боюнча чыккан өкүмдү жокко чыгарды. Иш кайра кароо үчүн Биринчи май райондук сотуна жөнөтүлдү.

Музей жетекчиси сот иштеринен сырткары маданий жайдын ачылбай жаткандыгына башкы буюртмачы менен аткаруучу компаниянын ортосундагы каржы маселеси да себеп экенин Sputnik Кыргызстан агенттигине буга чейин айткан.

Анда музейди реконструкциялоо иштери толугу менен Архитектура, курулуш жана турак жай-коммуналдык чарба мамлекеттик агенттигине жүктөлгөнү, алар маданий жайдын ичин жасап, оңдоо иштерине немец компаниясын дагы тартып, ортодо чет өлкөлүк компанияга 19 миллион сомдун тегерегинде карыз болуп калганы маалымдалган. Карызды төлөмөйүн чет элдик компания музейдин ичиндеги мультимедиалык жабдуулардын паролу менен ачкычын бербей турганын айтышкан. Белгилей кетсек, маданий жайдын ичинде жалаң мультимедиалык жабдуулар коюлган.

Бирок карызды ким төлөрү белгисиз. Мамкурулуш агенттиги жоопкерчиликти аткаруучу компания болгон СМУ-3кө жүктөгөн. Ал компания да жоопкерчиликти мойнуна алган эмес.

59
Белгилер:
Сапар Исаков, курулуш, реконструкция, карыз, сот, жетекчилик, Тарых музейи
Тема боюнча
Иштебеген Тарых музейинин айланасына тосмо эмне үчүн коюлган? Расмий жооп
Оорукананын бөлүмүндөгү медициналык кызматкер

Пандемия мындан 23 жыл мурдагы Азия кризисинен кем калышкан жок

7
(жаңыланган 17:40 18.06.2021)
Статистика боюнча бардык адистер пандемиянын экономикалык жана социалдык көрсөткүчтөргө тийгизген терс таасирин чагылдырганга аракет кылып жатышат. Муну менен БУУнун бир уюму да иштей баштаган.

БИШКЕК, 18-июн. — Sputnik. Пандемиянын дүйнөлүк экономикага жана социалдык багытка тийгизген таасири 1998-жылы болгон Азия кризиси менен бир деңгээлге коюлуп жатат. Бул тууралуу КМШнын Статистика боюнча мамлекет аралык комитетинин башчысы Владимир Соколин Экономикалык кеңештин жүрүшүндө айтты.

Анын пикирине караганда, статистика боюнча иштеген бардык адистер пандемиянын экономикалык жана социалдык көрсөткүчтөргө тийгизген терс таасирин чагылдырганга аракет кылууда. БУУнун бөлүктөрүнүн бири муну изилдеп, ал үч том болду.

"Үчүнчү томдо эксперттер пандемия 1998-жылы болгон Азия кризиси сыяктуу эле өзгөчө социалдык багытка катуу таасир эткендигин айтышууда. Эске сала кетсем, ал каатчылык Россияга чейин жетип, дефолт жарыяланган эле", — деди Соколин.

Азия финансылык кризиси 1997-1998-жылы дүйнөлүк экономиканы аңтар-теңтер кылып кеткен. Ага "Азия арстандарынын" экономикасынын ыкчам өсүшү жана корпоративдик, мамлекеттик карыздардын арбышы себеп болгон. Жыйынтыгында бир катар мамлекеттердин валюталарынын куну түшкөн. Кризистин кесепети 2001-жылдан тартып азая баштаган.

7
Белгилер:
пандемия, кризис, Азия, Россия, КМШ
Тема:
Дүйнөгө жайылган коронавирус
Тема боюнча
КМШ өлкөлөрүнүн ортосундагы өз ара соода калыбына келе баштады
Пандемия Европа үчүн бороон-чапкынга айланууда. Туруштук бере алабы?
Заводдо сагыз өндүрүү линиясынын жумушчусу. Архив

ЖМК: Россиянын Коргонуу министрлиги вакцинаны сагыз түрүндө чыгарууга киришти

14
(жаңыланган 17:37 18.06.2021)
Колдонуу үчүн ыңгайлуу формада чыгарылган препарат коронавирус инфекциясы менен күрөшүүдө жакшы натыйжа берет деген ишенич бар экени айтылды.

БИШКЕК, 18-июн. — Sputnik. Россиянын Коргонуу министрлиги коронавируска каршы жаңы препарат даярдоого киришти. Ал сагыз түрүндө болмокчу. Бул тууралуу РИА Новости агенттиги ишенимдүү маалымат булагына таянып жазды.

Агенттиктин маектеши иш № 48 Борбордук илимий-изилдөө институтунда жүрүп жатканын билдирген.

"Колдонуу үчүн ыңгайлуу формада чыгарылган препарат коронавирус инфекциясы менен күрөшүүдө жакшы натыйжа берет", — деген ал.

Белгилей кетсек, 2020-жылы Коргонуу министрлиги Гамалея атындагы эпидемиология жана микробиология улуттук изилдөө борбору менен биргеликте "Спутник V" вакцинасын чыгарган.

14
Белгилер:
вакцина, коронавирус, Коргоо министрлиги, Россия
Тема:
Дүйнөгө жайылган коронавирус
Тема боюнча
Собянин: Москвада мигранттарды эмдөө июлда башталышы мүмкүн
Өткөн суткада 653 киши COVID-19 жуктуруп, 4 бейтап акка моюн сунду