Бишкектеги ИИМдин имараты. Архив

Айзаданын өлүмү. ИИМ алдындагы митингчилерди 50дөй киши кубалап таратты. Видео

334
(жаңыланган 13:45 15.04.2021)
Митингге кийин келгендер бейөкмөт уюмдардын Кыргызстанга кереги жок экенин айтып, кыйкырып, ага чейин чогулгандарды кубалашкан.

БИШКЕК, 15-апр. — Sputnik. Бишкекте Айзада Канатбекованын өлүмүнө байланыштуу ИИМдин алдында митинг өткөрүп жаткандарды 50дөй киши келип кубалады.

Окуянын видеосу Sputnik Кыргызстан агенттигинин Telegram каналына жарыяланды.

Видеодон көрүнүп тургандай, митингге кийин келгендер бейөкмөт уюмдардын Кыргызстанга кереги жок экенин айтып, кыйкырып, ага чейин чогулгандарды кубалашкан. Жеринде милиция кызматкерлери да иштеп жатышат.

Эске салсак, буга чейин уурдалып киши колдуу болгон 27 жаштагы Айзада Канатбекованын сөөгү эки күндөн кийин табылганына нааразы болгондор өткөн бейшемби күнү ИИМ, Өкмөт үйүнүн алдына митингге чыккан. Алар милициянын шалаакылыгына нааразы болуп, ИИМ жетекчилигинин кызматтан кетүүсүн талап кылышууда.

Sputnik Кыргызстан агенттигинин кабарчысы митингчилерге каршы чыккан эркектердин жоон тобу Өкмөт үйүнө бара жатканын айтты.

334
Белгилер:
бейөкмөт уюму, кагылыш, митинг, ИИМ, Бишкек
Тема:
Бишкекте 27 жаштагы кыздын уурдалып, өлтүрүлүшү (46)
Тема боюнча
Айзаданын өлүмү боюнча 44 милиционер жазаланып, жетекчилер кызматтан алынды
Пригородноенин айыл өкмөтүн басып алган аялдар. Онлайн-репортаж
Казино мыйзамына каршы болгондор Ак үйдүн алдына митингге чыгышты. Сүрөттөр
Пустая улица села Ак-Сай во время военного конфликта с Таджикистаном

Чек арадагы Аксай менен Ворух айылдарына милициянын посттору коюлду

1 / 3
1
(жаңыланган 10:27 18.05.2021)
Эртең мененки жетиден тартып автоунаалар Ходжаи-Аъло — Ворух жана Ак-Сай — Тамдык багыты боюнча жүрүп жатканы айтылды.

БИШКЕК, 18-май — Sputnik. Баткендин Аксай жана Тажикстандын Ворух айылдарынын чек араларына эки тараптан тең милициянын посттору коюлду. Бул тууралуу УКМКга караган Чек ара кызматы кабарлады.

Бүгүн эки мамлекеттин чек ара өкүлдөрү жолугуп, буга чейинки макулдашуулардын аткарылышын талкуулашты.

Маалыматка ылайык, саат 07:30дан баштап автоунаалар Ходжаи-Аъло — Ворух жана Ак-Сай — Тамдык багыты боюнча жүрүп атат. Мындан сырткары, тараптар саат 08:00дөн баштап кыргыз-тажик чек арасында биргелешкен күзөттөрдү уюштурууда.

Кечээ, 17-майда, укук коргоо органдары Тажикстан менен чектешкен Ак-Сай айылында транзиттик жолдон өтүүнүн эрежелерин бузгандыгы үчүн үч тажикстандыкты кармаган. Териштирүүдө алардын бири Тажикстандын УКМКсынын кызматкери, экинчиси Чек ара күчтөрүнүн аскер кызматкери экендиги аныкталган. Ошол эле учурда Баткендин Ворух анклавы аркылуу Ак-Сай айылына бара жаткан кыргызстандык үч кишини коңшу өлкөнүн 30-40 адамдан турган тобу кармап, сабап салган. Эки тараптын тиешелүү жактарынын сүйлөшүүсү менен кармалгандар бошотулуп, абал турукташкан.

1
Белгилер:
пост, милиция, чек ара, Баткен, Кыргызстан, Тажикстан
Тема:
Баткендеги кыргыз-тажик жаңжалы
Тема боюнча
Кыргыз-тажик чек арасында эки тарап тең кишилерди барымтага алып, кайра бошотту
Кыргыз-тажик чек арасында чырды ким баштаганын космостон тартылган сүрөт көрсөтөт
Жалал-Абад шаары. Архив

Жалал-Абадда 25 жыл мурун менчикке берилген жер мамлекетке кайтарылды

6
(жаңыланган 10:18 18.05.2021)
Шаардык прокуратура жүргүзгөн териштирүүнүн жүрүшүндө, жер тилке ишкерлер ассоциациясына берилип кеткендиги аныкталган.

БИШКЕК, 18-май — Sputnik. Жалал-Абад шаардык мэрия тарабынан мындан 25 жыл мурун менчикке берилип кеткен төрт гектар жер тилке мамлекетке кайтарылды. Бул тууралуу Башкы прокуратуранын маалымат кызматы билдирди.

Шаардык прокуратура териштирүү жүргүзүп, жер тилке 1996-жылдын 22-августунда "А" аталышындагы ишкерлер ассоциациясына автосервис куруу үчүн берилип кеткендигин аныктаган.

Текшерүүнүн жыйынтыгы менен жогоруда көрсөтүлгөн буйрукту жараксыз деп табуу жөнүндөгү шаардык прокуратуранын доо арызы бардык соттук инстанциялар тарабынан канааттандырылган.

Прокурордук чара көрүү актысынын негизинде жогорудагы жер тилке Жалал-Абад шаардык мэриянын балансына өткөрүлгөн. Жер тилкенин баасы 98 миллион 160 миң сомду түзөт.

6
Белгилер:
Жалал-Абад, прокуратура, сот, жер, чечим, менчиктештирүү
Тема боюнча
Прокуратура: Таластагы жайыт, Нарындагы жер тилке мамлекетке кайтарылды