Аэропортто конокторду тозуу. Архив

ТИМ Кыргызстанга 9 өлкөнүн жарандарын визасыз киргизүүнү демилгеледи. Тизме

226
Мыйзам долбоорунун максаты — туризм тармагын өнүктүрүү, экономиканы колдоо боюнча чет элдик инвестициялык агымды жакшыртуу.

БИШКЕК, 15-апр. — Sputnik. Кыргызстанга тогуз өлкөнүн жаранын 60 күнгө чейин визасыз режим менен киргизүү сунушталууда.

Аталган мыйзам долбоорун Тышкы иштер министрлиги демилгелеп, парламентте биринчи окууда каралды.

ТИМ башчынын орун басары Азизбек Мадмаров документтин максаты туризм тармагын өнүктүрүү, экономиканы колдоо боюнча чет элдик инвестициялык агымды көбөйтүү экенин белгиледи.

"Бүгүнкү күндө Кыргызстан инвестицияга муктаж өлкөлөрдүн катарында. Бул мыйзам кабыл алынса жакшы таасирин берет деп ойлойбуз. Албания, Болгария, Вьетнам, Израиль, Кипр, Македония, Румыния, Таиланд, Мексика өлкөлөрүнүн жарандарын визасыз киргизүүнү сунуштап жатабыз", — деди Мадмаров.

Аны менен катар Бириккен Улуттар Уюмунун кызыл паспортун алгандарды да 60 күнгө визасыз киргизүү сунушталып жатканын айтты.

Премьер-министр Улукбек Марипов бүгүн авиабилеттерге бааны төмөндөтүү жана COVID-19 жок саякатта долбоорун ишке ашыруу маселеси боюнча кеңешме өткөргөн.
© Фото / Пресс-служба правительства / Алишер Алиев
Мадмаровдун айтымында, аталган паспорттор БУУнун жогорку кызматтагы адамдарына берилет. Бул Кыргызстан менен БУУнун ортосунда кызматташтыкты өнүктүрүү жана жогорку деңгээлге көтөрүү максатында сунушталууда.

Мындан сырткары, дүйнөдөгү кырдаал өзгөргөн учурда визасыз режимге укуктуу чет өлкөнүн жарандарынын өлкөгө келишине чектөө киргизүү демилгеленүүдө. ТИМ мындай муктаждык былтыр коронавирус жайылган учурда жаралганын белгилейт. Себеби ал маалда өз убагында ыкчам аракет көрүүгө мүмкүнчүлүк болбой калган.

Бүгүнкү күндө Кыргызстанга 53 өлкөнүн жарандары визасыз келе алат.

226
Белгилер:
режим, чет өлкө, виза
Тема боюнча
Жапаров Ирандын тышкы иштер министрин кабыл алды. Талкууланган маселелер
Конго, Ливия, Израиль... Кыргызстанда кайсы мамлекеттен келген студенттер көп
Индияда COVID-19 өлгөн кишинин сөөгүн туугандары көтөрүп бара жатышат

Ганг дарыясынан коронавирустан көз жумган 30дай адамдын сөөгү табылды

8
Күбөлөрдүн айтымында, сууга ыргытылган адам сөөктөрү 100дөн көп болушу мүмкүн. Аталган окуя элди дүрбөлөңгө салып, жергиликтүү тургундар вирустун тарап кетүүсүнөн кооптонууда.

БИШКЕК, 11-май — Sputnik. Индиянын Буксар шаарында Ганг дарыясынан коронавирустан көз жумган 30дай адамдын сөөгү табылды. Бул тууралуу The Times of India басылмасына таянып, РИА Новости кабарлады.

Билдирмеге ылайык, аталган аймактын администрациясы кишилердин сөөктөрү коңшу штаттан агып келиши ыктымал деп божомолдогон. Бирок жергиликтүү тургундар журналисттерге дарыянын жээгинде жашагандар кремация акысы жана өрттөө кымбат болгондуктан өлгөндөрдү сууга ыргытып жатканын билдиришкен.

Күбөлөрдүн айтымында, сууга ыргытылган адам сөөктөрү 100дөн көп болушу мүмкүн. Аталган окуя элди дүрбөлөңгө салып, жергиликтүү тургундар вирустун тарап кетүүсүнөн кооптонууда.

Бийлик сууну тазалай баштаганын билдирген. Таанылбаган сөөктөр ырым-жырымы менен кремацияланып, чыгымын штаттын өкмөтү өзүнө алган.

Белгилей кетсек, Индия коронавирус жуктургандар боюнча дүйнөдө экинчи орунда турат. Оору илештиргендердин саны бул мамлекетте 22, 2 миллиондон ашты.

8
Белгилер:
Ганг дарыясы, коронавирус, сөөк, Индия
Тема:
Дүйнөгө жайылган коронавирус
Тема боюнча
COVID-19 жуктургандар жана көз жумгандар эң жогорку чегине жетти. ДССУ билдирүүсү
Индияда коронавирус аз келгенсип дагы бир инфекция күчөп жатат
ДССУнун башкы кеңсеси. Архив

COVID-19 жуктургандар жана көз жумгандар эң жогорку чегине жетти. ДССУ билдирүүсү

19
(жаңыланган 10:01 11.05.2021)
Эл аралык уюм дүйнө боюнча кырдаал кооптуу экенин айтты. Бөтөнчө адистерди Индиядагы коронавирустун жаңы түрү тынсыздантып жатат.

БИШКЕК, 11-май — Sputnik. Жер жүзүндө COVID-19 жуктургандар менен көз жумгандардын көрсөткүчү эң жогорку чегине келди. Бул тууралуу Дүйнөлүк саламаттык сактоо уюмунун башкы директору Тедрос Адханом Гебрейесус маалымат жыйында билдиргенин РИА Новости жазды.

"Илдеттин азая баштаганы бардык аймакта, анын ичинде Америка менен Европада да байкалууда. Анткен менен оорунун жогорку чегинде турабыз. Өткөн жумада коронавирус 5,4 миллион адамда аныкталып, 90 миң киши акка моюн сунду", — деди Гебрейесус.

ДССУ башчысынын айтымында, дүйнө боюнча кырдаал кооптуу. Ооругандар менен көз жумгандар Түштүк-Чыгыш Азияда тездик менен өсүүдө. Ошондой эле айрым мамлекеттердин шаарлары дартка туруштук бере албай жатат.

Эл аралык уюм Индиядагы коронавирустун жаңы түрүнө дыкат көз салып жатканын белгилеген. Адистер ал жактагы вирус дүйнө жүзүнө чоң коркунуч жаратарын айтууда.

19
Белгилер:
көрсөткүч, өлүм, оору, коронавирус, Дүйнөлүк саламаттыкты сактоо уюму
Тема:
Дүйнөгө жайылган коронавирус
Тема боюнча
Бишкекте COVID-19га каршы вакцинаны кайсы жерден алса болот. Номерлери
Келсеңер камайбыз! Австралия Индиядан келүүгө тыюу салды