Министр здравоохранения Алымкадыр Бейшеналиев показывает бутылку настойки иссык-кульского корня (ядовитое растение) на пресс-конференции в Бишкеке

Уу коргошун ичкендерден кагаз жүзүндө уруксат алган эмеспиз. Министрдин маеги

842
(жаңыланган 16:14 17.04.2021)
Ооруканаларда "Ысык-Көл тамырынын" кайнатмасы же уу коргошун бейтаптарга өзүнүн уруксаты менен берилип жатабы? Бул тууралуу Sputnik Кыргызстан агенттигинин кабарчысы саламаттык сактоо министри Алымкадыр Бейшеналиевден жооп алды.

Буга чейин Садыр Жапаровдун Instagram баракчасында дарыгерлер коронавирустун башталгыч стадиясындагы бейтаптарды айыктыруунун ыкмасын тапканы боюнча билдирүү таратылган. Кечээ саламаттык сактоо министри суюктук жөнүндө айтып, аны түз эфирден ичти.

Кыргызстандын президенти Садыр Жапаров. Архив
© Пресс-служба президента КР / Султан Досалиев
Ал арада ДССУнун Кыргызстандагы өкүлчүлүгү сыноодон өтпөгөн дарыны каттоо жана калкка кеңири колдонууга сунуштоо болбой турганын эскертти. Ал эми далилдүү медицина боюнча адис Бермет Барыктабасова "Ысык-Көл тамыры" Кыргызстандагы эң уулуу чөп экенин айтып, анын кайнатмасын пайдалануу элдин саламаттыгына коркунуч жаратарын билдирген.

Аталган чөптүн кайнатмасы 300дөй кишиге берилгени айтылууда. Кечээ кечинде интернетте Бишкектеги инфекциялык ооруканада жаткан бейтаптардын бири аларга аты-жыты белгисиз суюктукту макулдугу жок эле берип жатканын айтып чыкты.

— Социалдык тармактарда бейтаптарга уу коргошун берерде өздөрүнөн уруксат алган эмес, тагыраагы, бейтаптар эмне ичип жатканын билген эмес деп жатышат. Чын эле ошондой болдубу?

— Клиникалык сыноодо биз жарымына ошону (уу коргошунду), жарымына жөтөлгө каршы микстура берип, кандай натыйжа болорун аныктап жатабыз. Ошентип клиникалык сыноодон өтөт. Токмоктун ооруканасындагы бейтаптардын бардыгына бөтөлкөнү көрсөтүп берип жатабыз. Башкалары дагы жөтөлгө каршы микстура ичип жатканын билишет. Азыр кайсынысы жакшы экени тастыкталып калды. 

Мужчина наливает в чайник бутылку настойки иссык-кульского корня (ядовитое растение) на пресс-конференции в Бишкеке
© Sputnik / Жоомарт Ураимов
Ал арада медицина боюнча адис Бермет Барыктабасова "Ысык-Көл тамыры" Кыргызстандагы эң уулуу чөп экенин айтып, анын кайнатмасын пайдалануу элдин саламаттыгына коркунуч жаратарын билдирген. Аталган чөптүн кайнатмасы 300дөй кишиге берилгени айтылууда

— Микстура кадимки эле дары да?

— Ооба, дарыканада сатылган эле препарат. Биз уу коргошун экөөнүн натыйжасын салыштырып жатпайбызбы. Тамырдын тундурмасын ичкендердин эртеси какырыгы чыгып, канттын деңгээли түшүп жатат. Микстурада мындай жыйынтык жок. Ушунун бардыгын расмий протоколго киргизүү үчүн жасап жатабыз. Негизи эле азыр коронавирусту дарылоо боюнча төртүнчү протокол менен тамырдын кайнатмасынын эффективдүүлүгү салыштырылууда.

— Суроону тактап алсам, Бишкектеги инфекциялык ооруканада жаткан бейтаптардын бири "дарыгерлер чай сыяктуу суюктук берген, бирок ал уу коргошунбу же башка бир нерсеби айткан эмес" деп жатат. Ошондо сиздер Токмоктогу ооруканадагы эле бейтаптарга уу коргошун тууралуу айткансыздарбы?

— Инфекциялык ооруканадагы айрым бейтаптарга эле берилген, себеби сыноо жүрүп жатпайбы. Мен өзүм окумуштуумун. Уу коргошун коронавирустан айыктырат деген тастыктама керек. Эгер натыйжасы аныкталып калса дүйнөлүк жетишкендик болмокчу. Азыр башка мамлекеттер биз сыяктуу бейтаптарга ар кандай дарыларды берип жатпайбы. Коронавирусту дарылоо боюнча биринчи жана экинчи протоколдо кишилер өлдү, үчүнчү протоколдо гана кан уюйт экен деп гепарин, клексан бере башташты. Клиникалык сыноо деген ушундай болот.

— Кечиресиз, Бишкектеги инфекциялык ооруканадагы айрым бейтаптарга гана уу коргошун берилгенин айттыңыз. Бейтаптар эмне ичип жатканын билди беле?

— Ооба, айтылган. Азыр бөтөлкөсүн көрсөтүп бере баштадык. 

Бутылка настойки иссык-кульского корня (ядовитое растение) на пресс-конференции в Бишкеке
© Sputnik / Жоомарт Ураимов
Министр: биз уу коргошун менен микстуранын натыйжасын салыштырып жатпайбызбы. Тамырдын тундурмасын ичкендердин эртеси какырыгы чыгып, канттын деңгээли түшүп жатат. Микстурада мындай жыйынтык жок

— Биз бардык бейтаптарга өзүнүн гана макулдугу менен тундурмалар берилген, эч кимисине айтпай ичирип койгон учур болгон жок деп ишенимдүү жаза алабызбы?

— Ооба, айта бергиле. Ошондой эле болгон.

— Бейтаптардын арасынан тундурманы ичүүдөн баш тарткандар болдубу?

— Болду, ичпей эле коёлу дешти. Ошондой эле дагы сурагандар болуп жатат. Бирок аны уу коргошун деп айтпайбыз. Аконит деген аты бар. Биз кыргызчалап "уу коргошун" деп жатабыз. Мен жадагалса "Ысык-Көл тамыры" дебей эле коёлу дегем. Бирок шеф (президентти айтышы мүмкүн — ред.) "кой, жазалы, ошол сөзгө көнүп калганбыз" деди. Аконит десек журналисттерде дагы суроолор аз болмок.

— Тамырдын кайнатмасын ичирүүдө бейтаптардан уруксатты кагаз жүзүндө алып жатасыздарбы же оозеки элеби?

— Мисалы, сага пенициллин берип жатканда кагазга кол коюп бересиңби? Ооруканага жаттың беле? Ал жактан ар бир алган дарыңды кагазга жазып бербейсиң да. Баары оорунун тарыхына жазылат. 

Министр здравоохранения Алымкадыр Бейшеналиев на пресс-конференции о лечении коронавируса настойкой иссык-кульского корня (ядовитое растение)
© Sputnik / Жоомарт Ураимов
Министр: биз кыргызчалап "уу коргошун" дебей "аконит" десек журналисттерде дагы суроолор аз болмок

— Бирок бул клиникалык сыноо болуп жатпайбы?

— Азыр коронавируска берилген ар бир таблетка, аралашма, вакцина сыноо болуп жатат. Эч ким оорунун себебин тапкан жок. Дүйнөлүк лабораториялар миллиарддаган доллар кетирип эксперимент жасоодо. Ал жактагы журналисттер мындай иштерге колдоо көрсөтүүдө. Ал эми биздин журналисттер жардамды 180 градус тескери буруп жатасыңар. Интернетте менин карикатураларым жүрөт. Дипломаттын өлүмүнө вакцина себеп болду деп жазып ийишти эле, эмдөөдөн өткөндөр азайып кетти.

— Коронавируска каршы вакцина алып келүү боюнча иштер жүрүп атабы?

— Токтобой эле аракеттер болуп жатат. Аны да тезирээк алышыбыз керек.

— Азыр уу коргошунду канча киши ичти?

— 350 киши ичип жатат. Токмокто, Бишкектеги жана Оштогу инфекциялык ооруканада, Улуттук госпиталда колдонуп жатышат. Дагы башка ооруканаларга жиберилет. 

Министр здравоохранения Алымкадыр Бейшеналиев на пресс-конференции о лечении коронавируса настойкой иссык-кульского корня (ядовитое растение)
© Sputnik / Жоомарт Ураимов
Министр: коронавируска берилген ар бир таблетка, аралашма, вакцина сыноо болуп жатат. Эч ким оорунун себебин тапкан жок. Дүйнөлүк лабораториялар миллиарддаган доллар кетирип эксперимент жасоодо

— Ал жактагылар деле бейтаптан оозеки сурап бере беришет да?

— Оозеки эле алат да. Журналисттер айтты деп анда кагазга кол койдуруп уруксат алайын.

— Негизи кагаз жүзүндө уруксат алынса туура болмок болуш керек...

— Анда журналисттердин сунушу деп коронавирус боюнча дарылоодо ар бир таблеткага, аралашмага кагаз жүзүндө уруксат алгыла деп буйрук берейинби? Анда алар отуруп алып эле кагаз толтурушат да. Медиктер да, оорулуулар да кагаз эле толтурат экен.

— Тундурма ичкен бейтаптардын абалы кандай?

— Жалпысынан жакшы. Уйкулары жакшырды, көңүлдөрү ачылып, тамакка табити тартып калды. Эң башкысы, какырык чыгып жатат. Ал чыкпаса дем алуу кыйындайт.

P.S. Тажрыйбалуу медиктер коронавирустан мурда бекитилген протоколдун негизинде дарыланууну сунушташууда.

842
Белгилер:
уруксат, бейтап, дарылоо, коронавирус, кан тамыр, уу коргошун, Алымкадыр Бейшеналиев, КР Саламаттык сактоо министрлиги, Кыргызстан
Тема:
Уу коргошун чуусу (22)
Тема боюнча
Министр: уу коргошунду туура эмес ичкен адам беш мүнөткө жетпей өлөт
Акониттин кайнатмасы мамлекеттик резиденцияда жасалат. Видео
Кыргызстан менен Тажикстандын чек арасындагы кыргыз аскер кызматкери

Лейлекте чек арада жүргөн тажик аскерлери боюнча милиция түшүндүрмө берди

417
(жаңыланган 00:11 08.05.2021)
Милициянын айтымында, бул маалыматтар тиешелүү кызматтар тарабынан ыкчам текшерилген. Кырдаал туруктуу. Күч түзүмдөрү күчөтүлгөн тартипте иш алып барууда.

БИШКЕК, 8-май — Sputnik. Лейлек районунун Арка айылына тажик чек ара аскерлери келди деген маалымат боюнча облустук милиция билдирүү таратты.

Бүгүн түштөн кийин социалдык тармактарда “Арка айылына тажик аскерлери кайра келе баштады...” деген видеолор тараган. Анда чек арага жакын жерде автомат асынган эки аскер турганын көрүүгө болот.

Милициянын айтымында, бул маалыматтар тиешелүү кызматтар тарабынан ыкчам текшерилген.

“Бүгүн мамлекеттик чек ара аймагынын Баткен облусунун Лейлек районуна караштуу Арка-1 аймагында тажик тарап чек ара кезметин коюуга аракет кылган. Кыргызстандын чек арачылары тез арада буга чара көрүп, мамлекеттик чек аранын такталбаган аймагында чек ара кезметин алуу талабын койгон. Тажик тарап ошол эле замат бул талапты аткарган”, — деп айтылат билдирүүдө.

Саат 23.15ке карата берилген маалымат боюнча, Лейлек районунун Арка, Достук, Борбордук, Жаштык, Максат, Интернационал, Саада, Кулунду, Эски-Оочу айылдарында коомдук жана ыкчам кырдаал туруктуу. Коомдук коопсуздук ички иштер органдарынын кызматкерлери тарабынан көзөмөлдөнүүдө. Кыргыз-тажик мамлекеттик чек ара аймагындагы кырдаал туруктуу.

Милиция тараткан маалыматта, азыркы учурда кыргыз-тажик мамлекеттик чек ара аймагында ар бир мамлекеттик органдар өз милдеттеринин алкагында коомдук коопсуздукту камсыз кылуу боюнча тийиштүү иш-чараларды жүргүзүп жатканы айтылды.

417
Белгилер:
Дамира Юсупова, кыргыз-тажик чек арасы, Баткен
Тема:
Баткендеги кыргыз-тажик жаңжалы
Тема боюнча
Лейлектеги бир катар жолдорду оңдоо жана куруу иштери башталды
Ташиев: бир дагы метр жерибизди бербейбиз, Ворухка коридор ачылбайт
Рух-Ордо комплекси. Архив

Ташкул Керексизов дүйнө салды

219
(жаңыланган 21:36 07.05.2021)
Керексизов Бишкектеги ооруканада дарыланып жаткан. Маркумдун сөөгү "Ала-Арча" көрүстөнүнө коюлат.

БИШКЕК, 7-май — Sputnik. Коомдук ишмер, айтылуу "Рух-Ордо" комплексинин негиздөөчүсү Ташкул Керексизов 73 жашында каза болду. Кабарды маркумдун жакындары тастыктады.

Керексизов Бишкектеги жугуштуу илдеттер ооруканасында дарыланып жаткан.

Ташкул Керексизов 1948-жылы Ысык-Көлдүн Балыкчы шаарында туулган. 1972-жылы Кыргыз мамлекеттик университетин аяктап, жогорку билимге ээ болгон. Райондук акимчиликтеги кызматкерден тартып президенттин кеңешчисине чейин жеткен. Талас облусунун губернатору, Мамлекеттик мүлк фондунун, Бажы кызматынын башчысы кызматтарын аркалаган.

Маркумдун сөөгү 9-майда Бишкектеги "Ала-Арча" көрүстөнүнө коюлат.

219
Белгилер:
Ташкул Керексизов, илдет, оору, өлүм
Тема боюнча
Футболдук союз чек арада көз жумган футзалчы Султанбектин жакындарына көңүл айтты
Кумтөр алтын кени. Архив

Сот "Кумтөр" компаниясын мамлекетке 262 млрд. сом төлөөгө милдеттендирди

81
(жаңыланган 00:20 08.05.2021)
Жергиликтүү тургундар чет өлкөлүк компания экологияга зыян келтирди деген доомат менен сотко кайрылган.

БИШКЕК, 8-май — Sputnik. Бишкектин Октябрь райондук соту "Кумтөр Голд Компани" компаниясын мамлекетке 261 миллиард 719 миллион 674 сом төлөөгө милдеттендирди. Бул тууралуу Жогорку соттун маалымат кызматы кабарлады.

Сот "Кумтөр Голд Компани" ишканасынын Кумтөр кенин иштетүүдөн чыккан калдыктарды Давыдов жана Лысый мөңгүлөрүнө жыйып келгенин мыйзамсыз деп тапкан. Дээрлик 262 миллиард сомго жеткен негизги суммадан тышкары сот компаниядан 1 миллиард 308 миллион 653 миң 370 сом мамлекеттик алым өндүрүүнү чечкен.

Маалыматта ишкананын үстүнөн сотко Ысык-Көлдүн тургундары арызданганы айтылат. Жергиликтүү жашоочулар "Кумтөр Голд Компани" Кыргызстандын экологиялык мыйзамдарын бузду деп даттанган. Мөңгүлөргө чыгарылган 1 миллиард 200 миллион тонна калдыктан 183 миллион куб муз талкаланганы белгиленди.

Доого жыгылган тарап 30 күндүн ичинде Бишкек шаардык сотуна кайрылса болот.

81
Белгилер:
токтом, чечим, сот, айып, компания, Кумтөр
Тема боюнча
"Кумтөрдү" Акылбек Жапаров жетектеген мамлекеттик комиссия текшермей болду
Үч милдет бар. Президент Жапаров экономика кандай реформаланарын айтты