Раз счетчиги. Архив

Бишкекте үйлөргө коюлган газ жабдууларын текшерүү иштери башталды

51
(жаңыланган 13:34 19.04.2021)
Контролерлор турак жайларды кыдырып газ плиталары менен от казандардын коопсуздук талаптарына дал келерин текшерет.

БИШКЕК, 19-апр. — Sputnik. "Газпром Кыргызстан" ишканасы Бишкек шаарындагы жеке секторлорго инвентаризация жүргүзөрүн маалымдады.

Анын алкагында бүгүндөн баштап компаниянын контролерлору турак жайларды кыдырып, газ плиталары менен от казандарынын коопсуздук талаптарына дал келерин текшерет.

"Коопсуз колдонуу милдети газ жеткирген компанияга да, керектөөчүлөргө да жүктөлгөнүн белгилейбиз. Инвентаризация учурунда үй ээси алмашканын билүү үчүн абонент тууралуу маалыматты жаңылоо иштери жүргүзүлөт. Аны менен катар газ жабдуу системасына кошуу эрежелери жана нормалардын сакталышы, жаратылыш газын керектөөчүлөргө туура көлөмдө бөлүнүшү каралат", — деп айтылат маалыматта.

Ошондой эле компания текшерүүгө келген адамдын "Газпром Кыргызстандын" кызматкери экенине ынануу үчүн кызматтык күбөлүгүн, газ жабдууларын текшерүүгө берилген уруксат кагазын жана фирмалык формасын кароо керектигин эскертет. Болбосо контролердун аты-жөнүн Бирдиктүү маалымат кызматына 4444 номери (чалуу акысыз) аркылуу чалып, суроо сунушталат.

51
Белгилер:
жабдуу, ишкана, ОсОО "Газпром Кыргызстан", текшерүү, газ, Бишкек
Тема боюнча
"Коопсуз шаардын" айып пулу канчага азаят? ЖКККББнын жообу
Аткаминер. Архив

Эсен Шерботоев "Кыргыз почтасынын" башкы директору болуп дайындалды

6
(жаңыланган 22:54 18.05.2021)
Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

БИШКЕК, 18-май — Sputnik. Эсен Шерботоев "Кыргыз почтасы" ишканасынын башкы директору болуп дайындалганын аталган мекемеден билдиришти.

Тиешелүү буйрукка өкмөт башчы Улукбек Марипов кол койгон.

Бүгүн, 18-майда, министрлер кабинетинин төрагасынын орун басары жана санариптик өнүгүү министри Азамат Дыйканбаев Шерботоевди ишкананын жамаатына тааныштырды.

Министр жаңы директорго ийгилик каалап, почтанын ишине олуттуу колдоо көрсөтөрүнө ишене турганын айтты. Ал эми Шерботоев артылган ишеним үчүн ыраазычылык билдирди.

"Учурда байланыш жана коммуникация тармагынын санариптик трансформациялоо багытында динамикалык өзгөрүүлөр болуп жатат. Биргелешкен аракеттер менен почта ишин өркүндөтөбүз", — деди ал.

Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

6
Белгилер:
Эсен Шерботоев, жетекчи, "Кыргыз почтасы" мамлекеттик ишканасы
Тема боюнча
"Кумтөрдүн" убактылуу тышкы башкаруучусу жамаатка тааныштырылды. Сүрөт
"Кыргыз почтасы" элди алдамчылардан сак болууга чакырды
Автоунаа кум борошосун учурунда. Архив

Жүрөк үшүн алат! Чаңдуу бороон Казакстандын райондорун каптаган видео

52
(жаңыланган 22:18 18.05.2021)
Метеорологдор мындай жаратылыш кубулушу региондо көп убакыт жаан жаабай кургак болуп, температура кескин өзгөрүп кеткенде башталарын айткан.

БИШКЕК, 18-май — Sputnik. Түндүк Казакстан облусунун бир катар райондорунда бүгүн чаңдуу бороон болду. Бул тууралуу Sputnik Казакстан жазды.

Социалдык тармактын колдонуучулары муну "Күн тутулуп жаткандай" деп сүрөттөп, айланада эч нерсе көрүнбөй калганын жазышкан.

Агенттикке Казгидрометтин облустук филиалы чаңдуу бороон аймакта көп убакыт жаан жаабай кургак болуп, температура кескин өзгөрүп кеткенде башталарын айткан.

Посмотреть эту публикацию в Instagram

Публикация от Петропавловск Казахстан СКО (@sko_kz)

Ошондой эле метеорологдор Тайынша районунда шамалдын ылдамдыгы секундасына 33 метрге чейин жеткенин айтышкан. Жакынкы метеорологиялык станциялар дагы шамалдын ылдамдыгы секундасына 20 метрден ашканын каттаган.

52
Белгилер:
видео, аба ырайы, чаң, бороон, Казакстан
Тема боюнча
Индонезиядагы катуу торнадо шаарды жабыркатты. Алай-дүлөйдүн видеосу