Өлбөс полк жүрүшү. Архив

"Өлбөс полк" жүрүшү Россияда качан өтөрү айтылды. Эки формат каралууда

71
Уюштуруучулар 1945-жылы 24-июнда Жеңиш парады өткөнүн белгилеп, бул күн фашизмди жеңгендердин жүрүшкө чыгышы үчүн ылайыктуу дата деп эсептейт.

БИШКЕК, 20-апр. — Sputnik. Салтка айланган "Өлбөс полк" жүрүшү 24-июнда өтүшү мүмкүн, ал эми 9-майда иш-чара онлайн-форматта өтөт. Бул тууралуу кыймылдын борбордук штабынын тең төрайымы Елена Цунаева МИА "Россия сегодня" агентигиндеги брифингде билдиргенин РИА Новости жазды.

Уюштуруучулар эпидемиологиялык кырдаал жакшырып, иш-чара кадимки форматта өтөт деп үмүттөнөт.

"Биз пандемияга байланыштуу абал жакшырат деп ишенип турабыз. Роспотребнадзор талаптарын өзгөртүп, "Россиянын өлбөс полку" жүрүшүн кадимки форматта өткөрүүгө мүмкүнчүлүк түзүлөт деп ойлойбуз", — деген ал.

Цунаева 1945-жылы 24-июнда Жеңиш парады өткөнүн, бул күн фашизмди жеңгендердин кайрадан жүрүшкө чыгышы үчүн ылайыктуу дата деп эсептейт.

Бүткүл россиялык "Өлбөс полк" коомдук кыймылы өлкө жарандарынын демилгеси менен уюшулган. 2015-жылы Смоленск облусунда өткөн съездде анын түзүлүшүн 60 аймактын өкүлү колдогон.

Кыймыл бүгүнкү күндө 78 аймактык бөлүмдүн башын бириктирет. Дүйнөнүн бардык континентинде 200дөн ашуун эл аралык координаторлору бар.

2020-жылы пандемиядан улам жүрүш өтпөй калган, уюштуруучулар аны онлайн-форматка которушкан. Анда транцляция 20 күн бою берилип, аны дүйнө жүзү боюнча 25 миллиондой киши көргөн.

71
Белгилер:
Жеңиш парады, Россия, "Өлбөс полк" акциясы
Тема боюнча
Путин "Өлбөс полк" жүрүшүн кийинки жылы өткөрүүгө макул болду
Индияда COVID-19 өлгөн кишинин сөөгүн туугандары көтөрүп бара жатышат

Ганг дарыясынан коронавирустан көз жумган 30дай адамдын сөөгү табылды

18
Күбөлөрдүн айтымында, сууга ыргытылган адам сөөктөрү 100дөн көп болушу мүмкүн. Аталган окуя элди дүрбөлөңгө салып, жергиликтүү тургундар вирустун тарап кетүүсүнөн кооптонууда.

БИШКЕК, 11-май — Sputnik. Индиянын Буксар шаарында Ганг дарыясынан коронавирустан көз жумган 30дай адамдын сөөгү табылды. Бул тууралуу The Times of India басылмасына таянып, РИА Новости кабарлады.

Билдирмеге ылайык, аталган аймактын администрациясы кишилердин сөөктөрү коңшу штаттан агып келиши ыктымал деп божомолдогон. Бирок жергиликтүү тургундар журналисттерге дарыянын жээгинде жашагандар кремация акысы жана өрттөө кымбат болгондуктан өлгөндөрдү сууга ыргытып жатканын билдиришкен.

Күбөлөрдүн айтымында, сууга ыргытылган адам сөөктөрү 100дөн көп болушу мүмкүн. Аталган окуя элди дүрбөлөңгө салып, жергиликтүү тургундар вирустун тарап кетүүсүнөн кооптонууда.

Бийлик сууну тазалай баштаганын билдирген. Таанылбаган сөөктөр ырым-жырымы менен кремацияланып, чыгымын штаттын өкмөтү өзүнө алган.

Белгилей кетсек, Индия коронавирус жуктургандар боюнча дүйнөдө экинчи орунда турат. Оору илештиргендердин саны бул мамлекетте 22, 2 миллиондон ашты.

18
Белгилер:
Ганг дарыясы, коронавирус, сөөк, Индия
Тема:
Дүйнөгө жайылган коронавирус
Тема боюнча
COVID-19 жуктургандар жана көз жумгандар эң жогорку чегине жетти. ДССУ билдирүүсү
Индияда коронавирус аз келгенсип дагы бир инфекция күчөп жатат
ДССУнун башкы кеңсеси. Архив

COVID-19 жуктургандар жана көз жумгандар эң жогорку чегине жетти. ДССУ билдирүүсү

25
(жаңыланган 10:01 11.05.2021)
Эл аралык уюм дүйнө боюнча кырдаал кооптуу экенин айтты. Бөтөнчө адистерди Индиядагы коронавирустун жаңы түрү тынсыздантып жатат.

БИШКЕК, 11-май — Sputnik. Жер жүзүндө COVID-19 жуктургандар менен көз жумгандардын көрсөткүчү эң жогорку чегине келди. Бул тууралуу Дүйнөлүк саламаттык сактоо уюмунун башкы директору Тедрос Адханом Гебрейесус маалымат жыйында билдиргенин РИА Новости жазды.

"Илдеттин азая баштаганы бардык аймакта, анын ичинде Америка менен Европада да байкалууда. Анткен менен оорунун жогорку чегинде турабыз. Өткөн жумада коронавирус 5,4 миллион адамда аныкталып, 90 миң киши акка моюн сунду", — деди Гебрейесус.

ДССУ башчысынын айтымында, дүйнө боюнча кырдаал кооптуу. Ооругандар менен көз жумгандар Түштүк-Чыгыш Азияда тездик менен өсүүдө. Ошондой эле айрым мамлекеттердин шаарлары дартка туруштук бере албай жатат.

Эл аралык уюм Индиядагы коронавирустун жаңы түрүнө дыкат көз салып жатканын белгилеген. Адистер ал жактагы вирус дүйнө жүзүнө чоң коркунуч жаратарын айтууда.

25
Белгилер:
көрсөткүч, өлүм, оору, коронавирус, Дүйнөлүк саламаттыкты сактоо уюму
Тема:
Дүйнөгө жайылган коронавирус
Тема боюнча
Бишкекте COVID-19га каршы вакцинаны кайсы жерден алса болот. Номерлери
Келсеңер камайбыз! Австралия Индиядан келүүгө тыюу салды