УКМК төрагасы Камчыбек Ташиевдин Савай айылынын тургундары менен болгон жолугушуу учурунда

Ташиев өзбек тарап менен Кемпир-Абаддын 30 гектарын алып калууну сүйлөшөт

143
(жаңыланган 11:46 20.04.2021)
Шарихансай каналынын баш жагынан 50 гектар жерди алмаштыруу мүмкүнчүлүгүн кароо чечими кабыл алынган.

БИШКЕК, 20-апр. — Sputnik. Өкмөттүн маалымат кызматы УКМК төрагасы Камчыбек Ташиевдин Савай айылынын тургундары менен болгон жолугушуусунун жыйынтыгы тууралуу билдирүү таратты.

  • Председатель ГКНБ Камчыбек Ташиев во время встречи с жителями Кара-Сууйского района
    Өкмөттүн маалымат кызматы УКМК төрагасы Камчыбек Ташиевдин Савай айылынын тургундары менен болгон жолугушуусунун жыйынтыгы тууралуу билдирүү таратты
    © Фото / пресс-служба полпредства правительства в Ошской области
  • Жители Кара-Суйского района во время встречи с председателем ГКНБ Камчыбеком Ташиевым
    Кечээ, 19-апрелде, кыргыз-өзбек чек арасын делимитациялоо жана демаркациялоо боюнча өкмөттүк делегациянын башчысы Кара-Суу районундагы Савай айыл округунун Ынтымак айылынын калкы менен жолугушкан
    © Фото / пресс-служба полпредства правительства в Ошской области
  • Кемпир-Абадское водохранилище в Ошской области
    Ошондой эле Ташиев суу ресурсу тургундарга толук жеткиликтүү болорун убадалаган
    © Фото / пресс-служба полпредства правительства в Ошской области
  • Жители Кара-Суйского района держат карту меняемых земель во время встречи с председателем ГКНБ Камчыбеком Ташиевым
    Тагыраак айтканда, жергиликтүү тургундар балык уулап, суу алып, мал сугара алышат. Бул протоколдо өзүнчө пункт менен бекитилген.
    © Фото / пресс-служба полпредства правительства в Ошской области
1 / 4
© Фото / пресс-служба полпредства правительства в Ошской области
Өкмөттүн маалымат кызматы УКМК төрагасы Камчыбек Ташиевдин Савай айылынын тургундары менен болгон жолугушуусунун жыйынтыгы тууралуу билдирүү таратты

Кечээ, 19-апрелде, кыргыз-өзбек чек арасын делимитациялоо жана демаркациялоо боюнча өкмөттүк делегациянын башчысы Кара-Суу районундагы Савай айыл округунун Ынтымак айылынын калкы менен жолугушкан.

"Жолугушуунун жыйынтыгы боюнча Кемпир-Абад суу сактагычынын жанындагы Шарихансай каналынын башталышындагы 20 гектар жерди №34 протоколдо көрсөтүлгөн 50 гектар жер менен алмаштыруу мүмкүнчүлүгүн кароо чечими кабыл алынды. Камчыбек Ташиев өзбек тарап менен кезектеги сүйлөшүүлөрдүн жүрүшүндө Ынтымак айылында калган 30 гектар жерди өзүбүздө сактап калуу маселесин талкууламакчы", — деп айтылат маалыматта.

Ошондой эле Ташиев суу ресурсу тургундарга толук жеткиликтүү болорун убадалаган. Тагыраак айтканда, жергиликтүү тургундар балык уулап, суу алып, мал сугара алышат. Бул протоколдо өзүнчө пункт менен бекитилген.

Эске салсак, Савай айыл өкмөтүнүн тургундары Кемпир-Абад суу сактагычынын айланасынан 50 гектар жердин Өзбекстанга берилишине макул болбой бир нече күндөн бер нааразычылык акциясын өткөрүп келген. Жергиликтүүлөр ал тилке суунун башы экенин, жайыт катары колдонуларын айтып, боз үйлөрдү тигип отуруп алышкан.

143
Белгилер:
чек ара, жер, Камчыбек Ташиев
Тема боюнча
Савайга барган Ташиев: жер алмашуу боюнча протоколду бузбаш керек
Айыл жергеси. Архив

Жума күнгө карата аба ырайы

48
14-майга караган түнү республиканын тоолуу жана тоо этектериндеги райондорунда аба ырайынын бузулушунан улам сел жүрүшү, дарыяларда суунун деңгээли көтөрүлүшү мүмкүн.

БИШКЕК, 13-май — Sputnik. Жума күнү Кыргызстандын бир катар аймактарында күндүн ысыгы 29 градуска жетсе, кээ бир жерлеринде жамгыр жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас облустарында +22…+27, Ош, Жалал-Абад, Баткен аймактарында +24…+29, Ысык-Көл, Нарын өрөөндөрүндө +15…+20 градус болот.

Күндүн табы Бишкекте +23…+25, Ош шаарында +27…+29 градусту көрсөтөт.

48
Белгилер:
Кыргызстан, аба ырайы
Тема боюнча
Чаткалда алтын казган компания экологиялык зыяны үчүн 103 млн. сомдук доого жыгылды
Автотыгын. Архив

Автоунаалардын аягы көрүнбөйт. Бишкекке тоо тараптан келе жаткандардын видеосу

135
(жаңыланган 21:17 13.05.2021)
Окуянын күбөлөрү бүгүн шаар четине эс алганы чыккандар көп экенин, кайтканда бир нече чакырымга созулган жол тыгын болгонун айтышты.

БИШКЕК, 13-май — Sputnik. Бишкекке тоо тараптан эс алып келе жаткандар узун автотыгынды жаратты. Бул тууралуу Sputnik Кыргызстан агенттигине окуянын күбөсү билдирип, видеосун жиберди.

Кадрдан автоунаалар бир топ чакырымга тизилип, айрымдары эки-үч катар болуп токтоп калганын көрүүгө болот. Кишилердин сыртка чыгып алганы да байкалат.

Жол тыгын Ала-Арча жана Аламүдүн капчыгайларындагы жолдо болгон. Кырдаалды Кайгуул милициясынын кызматкерлери жөнгө салган. Жол кырсыгы байкалган эмес.

Видеону тарткан адам бүгүн шаар четине эс алганы чыккандар абдан көп болгонун айтты.

135
Белгилер:
видео, унаа, тыгын, жол, Чоң-Арык айылы, Байтик айылы
Тема боюнча
Бишкектеги автотыгынды азайтуу үчүн асма көпүрөлөр курулат
 Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты

Сокулуктагы дүкөндүн өрттөнгөн видеосу

90
(жаңыланган 22:51 13.05.2021)
Тилсиз жоо менен күрөшүүгө ӨКМден эки бөлүм жана өрт өчүрүүчү-куткаруучулардын бир штабы тартылды. Ал саат 20:43тө чектөөгө алынды.

БИШКЕК, 13-май — Sputnik. Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты. Бул тууралуу ӨКМдин маалымат кызматы кабарлады.

Дүкөн Новопавловка айылынын Киров көчөсүндө жайгашкан. Тилсиз жоо менен күрөшүүгө саат 19:54тө эки бөлүм, ал эми саат 20:14тө өрт өчүрүүчү-куткаруучулардын штабы тартылган.

Өрт саат 20:43тө чектөөгө алынган. Учурда толук өчүрүү иш-чаралары жүргүзүлүгөн.

Ал эми саат 21:56да толугу менен өчүрүлдү.

90
Белгилер:
видео, дүкөн, өрт, Новопавловка
Тема боюнча
Алайда үй өрттөнүп, 56 жаштагы киши каза болду. Сүрөттөр