Ош шаарында акча талап кылууга жана пара алууга шектелип подполковник, милициянын капитаны менен жай жаран кармалды

Подполковник менен милициянын кызматкери пара боюнча кармалды

228
(жаңыланган 15:11 21.04.2021)
Кылмыш ишине ИИМге караштуу эки ири кызматтын офицерлери — подполковник менен капитандын катыштыгы бар экени айтылды.

БИШКЕК, 21-апр. — Sputnik. Ош шаарында акча талап кылууга жана пара алууга шектелип подполковник, милициянын капитаны менен жай жаран кармалды. Бул туурасында ИИМдин маалымат кызматынан кабаралашты.

  • Сотрудники МВД КР при изъятии взятки у подозреваемых в вымогательстве. 21 апреля 2021 года
    Ош шаарында акча талап кылууга жана пара алууга шектелип подполковник, милициянын капитаны менен жай жаран кармалды
    © Фото / пресс-служба МВД КР
  • Сотрудники МВД КР при изъятии взятки у подозреваемых в вымогательстве. 21 апреля 2021 года
    Бул факт Кылмыштар жана жоруктардын бирдиктүү реестрине катталып, Жазык кодексинин 326-беренесинин ("Опузалап пара талап кылуу") негизинде сотко чейинки өндүрүш башталган.
    © Фото / пресс-служба МВД КР
1 / 2
© Фото / пресс-служба МВД КР
Ош шаарында акча талап кылууга жана пара алууга шектелип подполковник, милициянын капитаны менен жай жаран кармалды

Жакында ИИМдин Ички иликтөө кызматына Ш.Х. аттуу жаран кайрылган. Ал тууганына козголгон кылмыш ишти токтотуп берүү үчүн 5000 доллар талап кылып жаткан Криминалдык милиция кызматынын жана КМКнын Аймактар аралык башкармалыгынын (Ош шаары) кызматкерлерине карата тиешелүү чара көрүп берүүнү суранган.

Бул факт Кылмыштар жана жоруктардын бирдиктүү реестрине катталып, Жазык кодексинин 326-беренесинин ("Опузалап пара талап кылуу") негизинде сотко чейинки өндүрүш башталган.

Тергөө үч адамдын арыздануучунун тергөө абагындагы тууганын бошотуп берүү үчүн пара катары 8000 доллар талап кылганын аныктаган. Алардын экөө орган кызматкерлери — КМКнын Аймактар аралык башкармалыгынын (Ош шаары) ыкчам ыйгарымдуу өкүлү, милициянын капитаны А.А., Баңгизаттарды мыйзамсыз айлантууга каршы күрөшүү кызматынын өзгөчө маанилүү иштер боюнча улук ыкчам ыйгарымдуу өкүлү, милициянын подполковниги А.Н. жана бирөө жай жаран Т.Б. болгон.

19-апрель күнү ИИМдин Ички иликтөө кызматынын кызматкерлери Баткен облусунун аймагында ыкчам-тергөө иш-чараларын жүргүзө башташкан. Иштин жыйынтыгында 3800 доллар жана 340 000 сом акча алуу учурунда милициянын подполковниги А.Н. жана жай жаран Т.Б. кармалган. Кийинчерээк Оштон милициянын капитаны А.Н. колго түшкөн.

Үч адам тең Бишкек шаардык милициясынын убактылуу кармоо жайына киргизилген.

ИИМден Тергөө кызматы тарабынан бул кылмыш ишине тиешеси бар башка жарандарды аныктоо боюнча сотко чейинки өндүрүш уланып жатканын билдиришти.

228
Белгилер:
арыз, пара, кылмыш, милиция, Ош, Кыргызстан
Тема боюнча
Аламүдүндө пара алган тергөөчү акчаны кайра кайтарып жатканда кармалды
Головной суу бөлүштүрүүсү

Жапаров “Головной” суу бөлүштүрүү жайын модернизациялоо тапшырмасын берди

155
(жаңыланган 22:59 06.05.2021)
Садыр Жапаров Баткен облусуна барып, чек арадагы жаңжалда жабыркаган эл менен жолукту. Ошондой эле зыянга учураган объектилерди көрдү.

БИШКЕК, 6-май — Sputnik. Президент Садыр Жапаров "Головной" суу бөлүштүрүү жайын модернизациялоону тапшырды. Бул тууралуу өлкө башчынын маалымат кызматынан билдиришти.

  • Президент КР Садыр Жапаров во время выступления на военном полигоне Бужум в Баткенской области. 06 мая 2021 года
    Президент Садыр Жапаров "Головной" суу бөлүштүрүү жайын модернизациялоону тапшырды
    © Пресс-служба президента КР / Султан Досалиев
  • Военный полигон Бужум в Баткенской области во время визита президента КР. 06 мая 2021 года
    Баткен облусуна болгон сапарында президент Садыр Жапаров бүгүн, 6-майда, “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Садыр Жапаров "Головной" суу бөлүштүрүү жайын модернизациялоону тапшырды

Баткен облусуна болгон сапарында президент Садыр Жапаров “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды.

“Мамлекет башчы суу бөлүштүрүүчү жайды жана объектти кайтарган аскердик бөлүк турган аймакты көрүп чыгып, тийиштүү мамлекеттик органдарга суу бөлүштүрүүчү жайды модернизациялоону тапшырды”, — деп айтылат билдирүүдө.

Ошондой эле Жапаров “Бужум” полигонундагы аскер кызматкерлеринин алдында сүйлөп жатып, мамлекет Куралдуу Күчтөрдүн алдындагы социалдык милдеттенмелеринин бардыгын аткара турганын жана күч түзүмдөрүнүн көйгөйлөрүн чечүүгө өлкө жетекчилиги тарабынан өзгөчө көңүл буруларын белгиледи.

155
Белгилер:
модернизациялоо, Садыр Жапаров, "Головной" суу бөлүштүрүүчү, Баткен
Тема:
Баткендеги кыргыз-тажик жаңжалы
Тема боюнча
Чек арадагы жаңжалдын кесепети. Баткендин жүрөктү тилген сүрөттөрү
Бир айыл 5 уулун жоготту. Турдубайдын чек арада окко учканын 4 баласы биле элек
Спутник Лайт вакцинасы. Архив

Россия коронавируска каршы дагы бир вакцинаны каттоодон өткөрдү

51
(жаңыланган 23:00 06.05.2021)
Бир компоненттүү "Спутник Лайт" вакцинасынын эффективдүүлүгү эмдөөнүн 28 күнүнөн тарта 79,4 пайызга жетери айтылды.

БИШКЕК, 6-май — Sputnik. Россиянын Саламаттык сактоо министрлиги коронавируска каршы "Спутник Лайт" вакцинасын каттоодон өткөрдү. Бул тууралуу РИА Новости жазды.

"Бир компоненттүү "Спутник Лайт" вакцинасынын эффективдүүлүгү эмдөөнүн 28 күнүнөн тарта 79,4 пайызга жетет. Бул учурда текшерилгендердин 96.6 пайызында IgG антителосу, 91,67 пайызында вирусту алсыздандыра турган антитело пайда болорун аныкталды. 80 пайыз учурда анын таасири эки компоненттүү вакциналардан дагы күчтүү экени белгилүү болду”, — деп айтылат билдирүүдө.

Учурда анын клиникалык сыноосунун үчүнчү фазасы өтүп, ага Россия, БАЭ, Гана сыяктуу мамлекеттерден 7 миң киши катышып жатат. Жыйынтыгы ушул айда белгилүү болот.

"Спутник Лайт" Гамалея борбору менен Россиянын Түз инвестициялар фонду (РФПИ) биргеликте иштеп чыккан "Спутник" вакцина топтомуна кирет.

Буга чейин Гамалея атындагы борбордун директору Александр Гинцбург "Спутник Лайт" аталган мамлекеттерде оорунун мизин кайтарып, жергиликтүү саламаттык сактоо тармагына сезилерлик колдоо болорун белгилеген.

51
Белгилер:
вакцина, коронавирус, Россия
Тема:
Дүйнөгө жайылган коронавирус
Тема боюнча
Майдын ортосунда "Спутник V" вакцинасынын дагы бир партиясы келери күтүлүүдө
Рио-де-Жанейро шаарында метродо атышуу

Бразилияда метродо атышуу болуп, 25 киши көз жумду. Видео

0
(жаңыланган 00:31 07.05.2021)
Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

БИШКЕК, 7-май — Sputnik. Бразилиянын Рио-де-Жанейро шаарында метродо полиция менен баңгизат сатуучулардын арасында атышуу болуп, 25 киши каза болду. Бул тууралуу РИА Новости агенттиги жазды.

Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

Маалыматка караганда, шаар полициясы баңгизат сатуучуларды кармоо үчүн атайын операция жүргүзгөн. Жыйынтыгында 24 шектүү жана полициянын бир офицери каза болгону айтылат. Алардан тышкары төрт адам жаракат алган. Экөө жай тургун экени кошумчаланды.

0
Белгилер:
өлүм, видео, атышуу, полиция, Бразилия
Тема боюнча
Баткендеги үйдөн Ми-24 тик учагынан атылган авиаракета табылды. Видео