Министр МВД КР Кашкар Джунушалиев на презентации пилотного проекта Патрульной службы милиции по Бишкеку

Кашкар Жунушалиев менен Орозбек Опумбаев издөөгө алынбаганы белгилүү болду

1115
(жаңыланган 15:26 21.04.2021)
Президент Садыр Жапаров буга чейин эл менен жолукканда укук коргоо органдарынын жетекчилери изделип жатканын билдирген.

БИШКЕК, 21-апр. — Sputnik. Жогорку Кеңештин депутаты мурдагы ички иштер министри Кашкар Жунушалиев менен УКМКнын экс-төрагасы Орозбек Опумбаевге кылмыш иши козголуп же козголбогонун сурады.

Буга башкы прокурор Курманкул Зулушев жооп берип, жеке өзүлөрүнө карата иш козголбогонун, бирок октябрь окуясы боюнча ачылган өндүрүштүн алкагында тергелип, аларга юридикалык баа берилерин айтты.

Ал эми УКМКнын Тергөө башкармалыгынын жетекчиси Сагын Самидин уулу "атайын каражаттарды колдонуу мыйзамдуулугу" боюнча бир иш козголуп, ошонун негизинде кызматтык адамдар тергелип жатканын билдирди.

Мындан улам Момбеков бир адамдын өлүмүнө, канчалаган кишинин жаракат алышына кимдир бирөө жооп бериши керектигин белгилеп, Жунушалиев менен Опумбаев учурда Москвада жүргөнүн айтты.

"Азырынча эч бир кызмат адамына айыбын угуза элекпиз. Тергөө жыйынтыкталганда маалымат беребиз. Ал адамдын өлүмүнүн себебин изилдеп жатабыз. Кулак тундуруучу гранатадан каза болдубу, ал каражат каяктан келип тийди, далилдешибиз керек", — деди Самидин уулу.

Белгилей кетсек, Садыр Жапаров президенттин милдетин аткарып турган чагында Жунушалиев менен Опумбаев изделип жатканын билдирген.

5-6-октябрдагы элдик толкундоо маалында 1 250 киши ооруканага кайрылган. Анын 279у дарыланууга жаткырылып, бир киши каза болгон.

1115
Белгилер:
Курманкул Зулушев, издөө, Орозбек Опумбаев, Кашкар Жунушалиев
Тема боюнча
Ташиев Кашкар Жунушалиев менен Орозбек Опумбаевдин иши тууралуу айтты
Айыл жергеси. Архив

Жума күнгө карата аба ырайы

48
14-майга караган түнү республиканын тоолуу жана тоо этектериндеги райондорунда аба ырайынын бузулушунан улам сел жүрүшү, дарыяларда суунун деңгээли көтөрүлүшү мүмкүн.

БИШКЕК, 13-май — Sputnik. Жума күнү Кыргызстандын бир катар аймактарында күндүн ысыгы 29 градуска жетсе, кээ бир жерлеринде жамгыр жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас облустарында +22…+27, Ош, Жалал-Абад, Баткен аймактарында +24…+29, Ысык-Көл, Нарын өрөөндөрүндө +15…+20 градус болот.

Күндүн табы Бишкекте +23…+25, Ош шаарында +27…+29 градусту көрсөтөт.

48
Белгилер:
Кыргызстан, аба ырайы
Тема боюнча
Чаткалда алтын казган компания экологиялык зыяны үчүн 103 млн. сомдук доого жыгылды
Автотыгын. Архив

Автоунаалардын аягы көрүнбөйт. Бишкекке тоо тараптан келе жаткандардын видеосу

135
(жаңыланган 21:17 13.05.2021)
Окуянын күбөлөрү бүгүн шаар четине эс алганы чыккандар көп экенин, кайтканда бир нече чакырымга созулган жол тыгын болгонун айтышты.

БИШКЕК, 13-май — Sputnik. Бишкекке тоо тараптан эс алып келе жаткандар узун автотыгынды жаратты. Бул тууралуу Sputnik Кыргызстан агенттигине окуянын күбөсү билдирип, видеосун жиберди.

Кадрдан автоунаалар бир топ чакырымга тизилип, айрымдары эки-үч катар болуп токтоп калганын көрүүгө болот. Кишилердин сыртка чыгып алганы да байкалат.

Жол тыгын Ала-Арча жана Аламүдүн капчыгайларындагы жолдо болгон. Кырдаалды Кайгуул милициясынын кызматкерлери жөнгө салган. Жол кырсыгы байкалган эмес.

Видеону тарткан адам бүгүн шаар четине эс алганы чыккандар абдан көп болгонун айтты.

135
Белгилер:
видео, унаа, тыгын, жол, Чоң-Арык айылы, Байтик айылы
Тема боюнча
Бишкектеги автотыгынды азайтуу үчүн асма көпүрөлөр курулат
 Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты

Сокулуктагы дүкөндүн өрттөнгөн видеосу

90
(жаңыланган 22:51 13.05.2021)
Тилсиз жоо менен күрөшүүгө ӨКМден эки бөлүм жана өрт өчүрүүчү-куткаруучулардын бир штабы тартылды. Ал саат 20:43тө чектөөгө алынды.

БИШКЕК, 13-май — Sputnik. Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты. Бул тууралуу ӨКМдин маалымат кызматы кабарлады.

Дүкөн Новопавловка айылынын Киров көчөсүндө жайгашкан. Тилсиз жоо менен күрөшүүгө саат 19:54тө эки бөлүм, ал эми саат 20:14тө өрт өчүрүүчү-куткаруучулардын штабы тартылган.

Өрт саат 20:43тө чектөөгө алынган. Учурда толук өчүрүү иш-чаралары жүргүзүлүгөн.

Ал эми саат 21:56да толугу менен өчүрүлдү.

90
Белгилер:
видео, дүкөн, өрт, Новопавловка
Тема боюнча
Алайда үй өрттөнүп, 56 жаштагы киши каза болду. Сүрөттөр