Акча жана лампочка. Архив

Жапаров айткан тариф боюнча жарык үчүн канча төлөйсүз? Калькулятор

8664
(жаңыланган 19:24 21.04.2021)
Садыр Жапаров калк үчүн электр энергиянын тарифин жогорулатууну сунуштады. Биз жаңы баа менен жарык үчүн канча төлөшүңүз керек болорун санаганга ыңгайлуу болсун деп калькулятор жасадык.

Төлөм канчага өзгөрөрүн билүү үчүн "Бир айда сарптаган электр энергиясы" деген жерге колдонулган киловатт/сааттын өлчөмүн жазып, "эсептөө" дегенди басыңыз.

Кымбат тариф баарына тиешелүү эмес. Мисалы, эгер сиздин үй-бүлөңүз аз камсыз болсо, анда, тескерисинче, баа арзандайт. Тагыраагы, Жапаровдун божомолу боюнча бир киловатт/саат 74 тыйынды түзөт. Бул азыркыга салыштырмалуу үч тыйынга аз.

Эгер сиз жашоо-шарты оор алыскы жана тоолуу аймактардын жашоочуларынын катарына кирсеңиз, анда электр энергиясына болгон баа өсүп, бир киловатт/саат 1,04 сомду түзөт.

Калган жашоочулардын бардыгы колдонулган электр энергиясынын көлөмүнө карабастан 1,48 сомдон төлөшөт. Ал эми кышында 1000 киловаттан ашса, электр энергиясы 2,29 сомдон эсептеле баштайт.

Жайында электр энергиясына азыркыга салыштырмалуу эки эсе көп төлөймүнбү?

Эгер сиздин азыркы чегиңиз 300 сом болсо, өзгөртүүлөр киргизилгенден кийин 576 сомго чыгат.

Кышында үч эсе көп төлөймүнбү?

Азыркы тариф боюнча, эгер сиз кышында колдонгон электр энергиянын көлөмү 700 киловатт/сааттан ашып кетсе, анда 2,16 сомдон төлөшүңүз керек болот.

Ал эми Жапаровдун сунушу боюнча, электр энергиясы кымбаттайт. Бирок ошол эле учурда лимит дагы жогорулайт. Башкача айтканда, сиз жарык үчүн 1,48 сомдон төлөйсүз. Бирок 1000 киловаттан ашып кетсе, 2,29 сомдон эсептеле баштайт.

8664
Белгилер:
калькулятор, тариф, электр энергиясы, Садыр Жапаров
Тема:
Жапаров электр кубатынын баасын көтөрүүнү сунуштады (12)
Тема боюнча
Жапаров электр кубатынын тарифин эки эсеге көтөрүүнү сунуштоодо
Айыл жергеси. Архив

Жума күнгө карата аба ырайы

47
14-майга караган түнү республиканын тоолуу жана тоо этектериндеги райондорунда аба ырайынын бузулушунан улам сел жүрүшү, дарыяларда суунун деңгээли көтөрүлүшү мүмкүн.

БИШКЕК, 13-май — Sputnik. Жума күнү Кыргызстандын бир катар аймактарында күндүн ысыгы 29 градуска жетсе, кээ бир жерлеринде жамгыр жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас облустарында +22…+27, Ош, Жалал-Абад, Баткен аймактарында +24…+29, Ысык-Көл, Нарын өрөөндөрүндө +15…+20 градус болот.

Күндүн табы Бишкекте +23…+25, Ош шаарында +27…+29 градусту көрсөтөт.

47
Белгилер:
Кыргызстан, аба ырайы
Тема боюнча
Чаткалда алтын казган компания экологиялык зыяны үчүн 103 млн. сомдук доого жыгылды
Автотыгын. Архив

Автоунаалардын аягы көрүнбөйт. Бишкекке тоо тараптан келе жаткандардын видеосу

133
(жаңыланган 21:17 13.05.2021)
Окуянын күбөлөрү бүгүн шаар четине эс алганы чыккандар көп экенин, кайтканда бир нече чакырымга созулган жол тыгын болгонун айтышты.

БИШКЕК, 13-май — Sputnik. Бишкекке тоо тараптан эс алып келе жаткандар узун автотыгынды жаратты. Бул тууралуу Sputnik Кыргызстан агенттигине окуянын күбөсү билдирип, видеосун жиберди.

Кадрдан автоунаалар бир топ чакырымга тизилип, айрымдары эки-үч катар болуп токтоп калганын көрүүгө болот. Кишилердин сыртка чыгып алганы да байкалат.

Жол тыгын Ала-Арча жана Аламүдүн капчыгайларындагы жолдо болгон. Кырдаалды Кайгуул милициясынын кызматкерлери жөнгө салган. Жол кырсыгы байкалган эмес.

Видеону тарткан адам бүгүн шаар четине эс алганы чыккандар абдан көп болгонун айтты.

133
Белгилер:
видео, унаа, тыгын, жол, Чоң-Арык айылы, Байтик айылы
Тема боюнча
Бишкектеги автотыгынды азайтуу үчүн асма көпүрөлөр курулат
 Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты

Сокулуктагы дүкөндүн өрттөнгөн видеосу

89
(жаңыланган 22:51 13.05.2021)
Тилсиз жоо менен күрөшүүгө ӨКМден эки бөлүм жана өрт өчүрүүчү-куткаруучулардын бир штабы тартылды. Ал саат 20:43тө чектөөгө алынды.

БИШКЕК, 13-май — Sputnik. Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты. Бул тууралуу ӨКМдин маалымат кызматы кабарлады.

Дүкөн Новопавловка айылынын Киров көчөсүндө жайгашкан. Тилсиз жоо менен күрөшүүгө саат 19:54тө эки бөлүм, ал эми саат 20:14тө өрт өчүрүүчү-куткаруучулардын штабы тартылган.

Өрт саат 20:43тө чектөөгө алынган. Учурда толук өчүрүү иш-чаралары жүргүзүлүгөн.

Ал эми саат 21:56да толугу менен өчүрүлдү.

89
Белгилер:
видео, дүкөн, өрт, Новопавловка
Тема боюнча
Алайда үй өрттөнүп, 56 жаштагы киши каза болду. Сүрөттөр