Мектептеги класс карантин учурунда. Архив

Бишкекте 15 мектеп карантинге жабылды. Канча баладан COVID чыкты

203
(жаңыланган 14:26 22.04.2021)
Акыркы эки күндө коронавирус менен тогуз окуучу жана беш мугалим ооруп калды. Карантинге жабылган мектептерде окуу аралыктан уланууда.

БИШКЕК, 22-апр. — Sputnik. Борбор калаада 15 мектеп карантинге жабылып, дагы 14үндө 11-класстын окуучулары аралыктан окууга өттү. Бул туурасында Бишкектин Билим берүү башкармалыгынын билим берүүнү өнүктүрүү бөлүмүнүн башчысы Гүлмира Акматова билдирди.

Эки жумалык карантин учурунда окуу аралыктан уланууда.

Акматованын айтымында, 21-апрелге карата 45 окуучудан коронавирус табылса, алардын бири пневмония менен ооруп калган. Мугалимдер арасынан COVID боюнча 24 учур катталса, алардын алтоо пневмонияга чалдыкканы айтылды.

Акматова 20-апрелден тарта мектеп окуучулары арасынан коронавирус жуктургандар 9га, ал эми мугалимдер бешке көбөйгөнүн маалымдады.

Башкармалыктын өкүлү 4-чейректен тарта 1, 2, 3, 4, 5, 9 жана 11-класстар мектептепке барып окуса, калгандары (6,7,8 жана 10-класстар) аралыктан билим алып жаткандыгын билдирди.

Алгоритм боюнча мектепке бара турган 1 607 окуучу ата-энелердин арызынан улам үйдөн окуп жатышат.

203
Белгилер:
коронавирус, окуучу, карантин, Бишкек, Кыргызстан
Тема:
Коронавируска байланыштуу Кыргызстандагы кырдаал (2702)
Тема боюнча
Өткөн суткада 380 кишиден COVID табылып, 5 адам каза болду. Статистика
COVID жуктургандарды кабыл алчу Бишкектин ооруканалары. Бош орундардын саны
Жүк ташуучу унаалар. Архив

Милиция: Баткенде кармалган Тажикстандын 3 фурасы кыргыздардыкына алмаштырылат

422
(жаңыланган 23:12 11.05.2021)
Үч фура 7-майдан бери чек ара тилкелериндеги окуяга байланыштуу коопсуздук үчүн милиция кызматкерлеринин карамагында болгон.

БИШКЕК, 11-май — Sputnik. Баткен облусунун кире бериш аймагынан токтотулган Тажикстандын жүк ташып бара жаткан унаалары милиция тарабынан кармалып турган. Бул тууралуу Баткен облустук милициянын маалымат кызматы кабарлады.

Билдирмеге караганда, үч фура 7-майдан бери чек ара тилкелериндеги окуяга байланыштуу коопсуздугун камсыздоо максатында милиция кызматкерлеринин карамагында болгон.

“Бүгүн, 11-майда, кармалган фураларды Баткен ОИИБдин унаа токтотуучу жайына Жол кыймылынын коопсуздугун камсыздоо кызматынын коштоосунда Баткен шаарына алып келе жаткан. Кыргыз жарандарынын жети фурасы Тажикстанда кармалып турат. Эки өлкөнүн ИИМ жетекчилеринин сүйлөшүүсүнүн натыйжасында жүк ташуучу унаалар алмаштырылат”, — деп айтылат маалыматта.

Буга чейин социалдык тармактарда Тажикстандын жүк ташуучу унааларын Кыргызстандын укук коргоо органдары коштоп чек арадан өткөрүүгө аракет кылган деген видео тараган.

422
Белгилер:
милиция, Тажикстан, алмашуу, фура, Баткен
Тема боюнча
УКМК Тажикстанга Баткен аркылуу бензин ташылууда деген маалыматты четке какты
Лейлекте чек ара чырында уурдалган 16 унаанын үчөө Тажикстандан кайтарылды
Кызгалдак гүлдөгөн талаа. Архив

Шаршембиге карата аба ырайы

47
12-майга караган түнү нөшөрлүү жаан-чачынга байланыштуу Ош, Жалал-Абад жана Баткен облустарынын дарыяларында суунун деңгээли көтөрүлүп, тоолуу райондордо сел жүрүшү мүмкүн.

БИШКЕК, 11-май — Sputnik. Шаршембиде күндүз туруксуз аба ырайы күтүлүп, көпчүлүк аймактарда мезгил-мезгили менен жаан жаап, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Абанын температурасы төмөндөйт. Чүй, Талас облустарында +18…+23, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +17…+22 градусту көрсөтөт.

Күндүн табы Бишкекте +21…+23, Ош шаарында +25…+27 градус болот.

47
Белгилер:
Кыргызстан, аба ырайы
Тема боюнча
Жаан жаап, күн күркүрөйт. Бир аптага карата аба ырайы