Токтогул суу сактагычындагы суу азайып кеткен учурда

Суусу тартылган Токтогул суу сактагычынын түбүнөн эмнелер чыкты. Сүрөт, видео

1847
(жаңыланган 18:58 22.04.2021)
Учурда Токтогул суу сактагычындагы суунун көлөмү өтө аз, тагыраагы, 8,6 миллиард кубометр. Мындан улам президент электр кубатынын баасын карап чыгууну сунуштады.

БИШКЕК, 22-апр. — Sputnik. Кыргызстандагы Токтогул суу сактагычындагы суу өтө азайып кетти.

"Электр станциялары" ишканасынын маалыматына караганда, учурда суунун көлөмү 8,6 миллиард кубометрди түзөт. Агып кирген суунун орточо көлөмү секундасына 463 кубометрди, ал эми агып чыкканы 371 кубометрге жетүүдө.

Sputnik Кыргызстандын кабарчысы Токтогул суу сактагычында болуп, объектинин азыркы абалын сүрөткө тартып келди. Анын кургап калган бөлүктөрүндө мындан бир нече ондогон жыл мезгил мурун суу сактагыч курулганда суу алдында калган курулуштардын, тамдардын жерпайы, калдыктары көрүнүп калган. Ал тургай оргуп чыгып жаткан булакты байкоо кыйын эмес.

  • Обмелевший берег Токтогульского водохранилища в Джалал-Абадской области
    Кыргызстандагы Токтогул суу сактагычындагы суу өтө азайып кетти
    © Sputnik / Нуржан Найзабекова
  • Обмелевший берег Токтогульского водохранилища в Джалал-Абадской области
    "Электр станциялары" ишканасынын маалыматына караганда, учурда суунун көлөмү 8,6 миллиард кубометрди түзөт
    © Sputnik / Нуржан Найзабекова
  • Обмелевший берег Токтогульского водохранилища в Джалал-Абадской области
    Агып кирген суунун орточо көлөмү секундасына 463 кубометрди, ал эми агып чыкканы 371 кубометрге жетүүдө
    © Sputnik / Нуржан Найзабекова
  • Обмелевший берег Токтогульского водохранилища в Джалал-Абадской области
    Sputnik Кыргызстандын кабарчысы Токтогул суу сактагычында болуп, объектинин азыркы абалын сүрөткө тартып келди
    © Sputnik / Нуржан Найзабекова
  • Обмелевший берег Токтогульского водохранилища в Джалал-Абадской области
    Анын кургап калган бөлүктөрүндө мындан бир нече ондогон жыл мезгил мурун суу сактагыч курулганда суу алдында калган курулуштардын, тамдардын жерпайы, калдыктары көрүнүп калган
    © Sputnik / Нуржан Найзабекова
  • Обмелевший берег Токтогульского водохранилища в Джалал-Абадской области
    Ал тургай оргуп чыгып жаткан булакты байкоо кыйын эмес
    © Sputnik / Нуржан Найзабекова
  • Обмелевший берег Токтогульского водохранилища в Джалал-Абадской области
    Токтогул ГЭСин куруу үчүн 1974-жылдары 25 айылдагы 18 миң адамды көчүрүүгө туура келген
    © Sputnik / Нуржан Найзабекова
  • Обмелевший берег Токтогульского водохранилища в Джалал-Абадской области
    Ошондой эле кирпич заводу менен аэропорт суу алдында калган
    © Sputnik / Нуржан Найзабекова
1 / 8
© Sputnik / Нуржан Найзабекова
Кыргызстандагы Токтогул суу сактагычындагы суу өтө азайып кетти

Токтогул ГЭСин куруу үчүн 1974-жылдары 25 айылдагы 18 миң адамды көчүрүүгө туура келген. Ошондой эле кирпич заводу менен аэропорт суу алдында калган. Ал кезде 10 миңге чукул мүрзөдөгү сөөктү кайра көмүшкөнү менен алардын бир бөлүгүн таштоого аргасыз болушкан. Жакында эле Токтогул суу сактагычынын жээгине чыгып калган сөөктөр чогултулуп, жалпы 22 мүшөк менен Кара-Тектир айылындагы мүрзөгө көмүлгөнү айтылган болчу.

Эске салсак, суу сактагычтагы эң көп көлөм — 19,5 миллиард куб метр, минималдык деңгээл 5,5 миллиардды түзөт.

Токтогул ГЭСи — өлкөнүн ири станциясы жана энергетикалык кыркасы, Кыргызстандын энергетикалык кубаттуулугунун үчтөн бир бөлүгү. Жылытуу мезгилин өткөрүү көбүнесе ушундай эле аталыштагы суу сактагычтагы көлөмгө байланыштуу.

Жакында эле президент Садыр Жапаров электр кубатынын баасын карап чыгууну сунуштады.

Ал төмөнкүчө:

  • аз камсыз болгон үй-бүлөлөр үчүн төлөмдү 74 тыйынга чейин төмөндөтүп, турмушу начар болгон үй-бүлөлөр үчүн чекти алып салуу;
  • жашоо-шарты оор алыскы жана тоолуу аймактардын жашоочуларына электр энергиясын 1 сом 04 тыйындан сатуу;
  • жашоо-шарты жакшы үй-бүлөлөргө чектөөлөрдү алып салуу менен 1 сом 48 тыйындан сатуу;
  • суунун тартыштыгына байланыштуу колунда бар үй-бүлөлөргө кышкы мезгилде электр энергиясын пайдалануу 1000 кВт сааттан ашса, 2 сом 29 тыйындан эсептөө.

Энергетика жана өнөр жай министри Кубанычбек Турдубаев лимит жана 1000 киловатт-сааттан ашкандан кийин төлөй турган электр кубатынын жогорку баасы колдонууну көбөйтүп жибербей кармап туруу үчүн сунушталганын айтты.

1847
Белгилер:
баа, тариф, Токтогул суу сактагычы, Кыргызстан
Тема:
Жапаров электр кубатынын баасын көтөрүүнү сунуштады (12)
Тема боюнча
Ишканалар канча сомдон төлөйт? Электр кубаты үчүн сунушталган бардык тарифтер
Турдубаев: электр кубаты үчүн жаңы тарифтер сентябрга чейин күчүнө кирбейт
Жүргүнчүлөр жамгыр учурунда. Архив

Ишембиге карата аба ырайы

24
15-майга караган түнү температуранын жогорулашына жана күтүлүп жаткан нөшөрлүү жаан-чачынга байланыштуу суунун деңгээли кескин көтөрүлүп, тоолуу жана тоо этектериндеги райондордо сел жүрүү коркунучу бар.

БИШКЕК, 14-май — Sputnik. Ишембиде күндүз республика аймагында жамгыр жаап, күн күркүрөшү мүмкүн. Бул тууралуу Кыргызгидромет билдирди.

Абанын температурасы Чүй, Талас облустарында +19…+24, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +13…+18 градус болот.

Бишкек жана Ош шаарларында жамгыр жаап, күн күркүрөшү күтүлөт. Күндүн табы борбордо +22…+24, Ош шаарында +25…+27 градусту көрсөтөт.

24
Белгилер:
Кыргызстан, май, аба ырайы
Тема боюнча
Жакында "Супер Ай" толугу менен тутулат. Кубулушту кимдер көрө алат
Медициналык кызматкер лабораторияда

Германия коронавирустун Кыргызстандагы штаммдарын аныктаган реагенттерди берди

28
(жаңыланган 19:40 14.05.2021)
Коронавирустун штаммдарынан сырткары, Кыргызстандын лабораторияларына 50 миң ПЦР-тест тапшырылганы белгиленди.

БИШКЕК, 14-май — Sputnik. Германия коронавирустун Кыргызстандагы штаммдарын аныктоо үчүн реагенттерди алып берди. Бул тууралуу Саламаттык сактоо министрлигинен билдиришти.

Маалыматка караганда, бүгүн, 14-майда, саламаттык сактоо жана социалдык өнүктүрүү министри Алымкадыр Бейшеналиев Германиянын Кыргызстандагы элчиси Моника Иверсен, Германия менен Россиянын эл аралык адистери менен жолуккан.

"Үстүбүздөгү жылдын 10-майында Кыргызстанга германиялык бир нече окуу жайлардын медицина өкүлдөрү келишкен. Адистер Кыргызстандын лабораторияларынын кызматкерлерин штаммдарды аныктоого окутуп жатышат. Эми жардам катары берилген реагенттер Кыргызстандын аймагында коронавирустун штаммдарын аныктоого жардам берет", — деп айтылат маалыматта.

Жабдыктан сырткары, лабораторияга 50 миң ПЦР-тест тапшырылган. Министр Алымкадыр Бейшеналиев Германиянын элчиси менен эл аралык адистерге Кыргызстандын саламаттык сактоо системасына көрсөткөн колдоосуна ыраазычылык билдирди.

28
Тема:
Коронавируска байланыштуу Кыргызстандагы кырдаал
Тема боюнча
Өткөн суткада 200 кишиден коронавирус табылып, 6 бейтап көз жумду
ТИМ Түркияга бара турчуларга сактык полисин алууну эскертти. Артыкчылыгы
УКМК имараты. Архив

Жээнбеков генерал наамдарын мыйзамсыз ыйгарганбы? УКМК текшере баштады

0
(жаңыланган 22:55 14.05.2021)
Интернетте экс-президент Сооронбай Жээнбеков генерал наамдарын мыйзамсыз берген деген маалыматтар тарап жатат.

БИШКЕК, 14-май — Sputnik. Улуттук коопсуздук мамлекеттик комитети мурдагы ички иштер министринин орун басарлары менен УКМК төрагасынын мурдагы орун басарына генерал наамдары ыйгарылган деген маалыматты текшерип жатат. Бул тууралуу атайын органдын маалымат кызматы кабарлады.

Буга чейин интернетте экс-президент Сооронбай Жээнбеков иштен кетер алдында өткөн дата менен ошол кездеги ички иштер министринин орун басарлары Мирлан Канимет менен  Алмазбек Орозалиевге жана УКМК төрагасынын биринчи орун басары Талант Салиевге генерал наамдарын тапшырып кеткен деген маалымат тараган.

Орозалиев кызматынан 21-октябрда кол жууса, Каниметов 3-апрелде кеткен. Ал эми Салиев жумуштан 16-октябрда бошотулган.

Кыргызстанда канча генерал бар экенин Sputnik Кыргызстан агенттиги даярдаган материалдан окуй аласыздар

0
Белгилер:
УКМК, текшерүү, наам, генерал
Тема боюнча
Садыр Жапаров дагы бир жетекчиге генерал наамын берди