Кишилер көчөдө бара жатат. Архив

"Кудайга шүгүр" жашаган элдин санын кантип билебиз? Абоненттердин статистикасы

344
Аз камсыз болгон жана бийик тоолуу аймактарда жашаган үй-бүлөлөрдүн расмий санын билүүгө мүмкүн болду. Ага таянып эсептегенде "кудайга шүгүр" жашагандар электр энергиясын керектөөчү калктын 79,2 пайызын түзүүдө.

БИШКЕК, 22-апр. — Sputnik. Президент Садыр Жапаров электр кубаты үчүн тарифти өзгөртүп, үч категория боюнча төлөм киргизүүнү сунуштады. Мындан улам бул категорияга кирген калктын санын билүү кызыгуу жаратты.

Мамлекет башчы бул категорияларды "аз камсыз болгон үй-бүлөлөр", "бийик тоолуу аймактардын жашоочулары" жана "жашоо-шарты кудайга шүгүр үй-бүлөлөр" деп бөлгөн.

Энергетика жана өнөр жай министрлигине караштуу Отун-энергетикалык комплексин жөнгө салуу агенттигинин маалыматына ылайык, Кыргызстанда 1 миллион 366,9 миң абонент бар. Буга электр энергиясын коммерциялык багытта колдонгондор кошулбайт.

Саламаттык сактоо жана социалдык өнүктүрүү министрлиги учурда өлкөдө аз камсыз болгон үй-бүлө катары 109 436 түтүн каттоодо турганын билдирди. Мындай цифра балдарына жөлөк пул алган үй-бүлөлөргө карап чыгарылары айтылды. Бул категориядагы абоненттер үчүн төлөмдү 74 тыйынга чейин төмөндөтүп, чекти алып салуу сунушталды.

Отун-энергетикалык комплексин жөнгө салуу агенттигинин маалыматына ылайык, бийик тоолуу аймактарда 187 498 үй-бүлө жашайт. Бул региондун жашоочуларына электр кубаты 1 сом 04 тыйындан сатылат.

Ал эми жашоо-шарты "кудайга шүгүр" же колунда бар үй-бүлөлөрдүн санын эч бир орган эсептеп көргөн эмес. Улуттук статистика комитети, Саламаттык сактоо жана социалдык өнүктүрүү министрлиги менен Жергиликтүү өз алдынча башкаруу иштери жана этностор аралык мамилелер агенттиги мындай статистика жүргүзүлбөй турганын билдиришти.

Мындан улам биринчи, экинчи категорияга кирбеген абоненттерди колунда бар үй-бүлөгө кошсо болот. Мындай жол менен эсептей келгенде болжолдуу түрдө 1 миллион 70 миң абонент чыгууда. Бул электр энергиясын керектөөчү калктын 79,2 пайызын түзөт.

Белгилей кетсек, аталган категориядагыларга суунун тартыштыгына байланыштуу кышкы мезгилде электр энергиясын пайдалануу 1000 кВт сааттан ашса, 2 сом 29 тыйындан эсептелет.

Кыргызстанда учурда калк үчүн бирдиктүү 700 кВт/с лимит бекитилген. Анын алкагында электр кубатынын бир киловатт сааты 77 тыйын, ал эми андан ашып кетсе 2 сом 16 тыйын турат.

344
Белгилер:
аймак, Садыр Жапаров, абонент, үй-бүлө, тариф, электр энергиясы
Тема:
Жапаров электр кубатынын баасын көтөрүүнү сунуштады (12)
Тема боюнча
Канча миң абонент жетиштүү жашагандардын тизмесине кирген жок. Сандар
Аткаминер. Архив

Эсен Шерботоев "Кыргыз почтасынын" башкы директору болуп дайындалды

4
(жаңыланган 22:54 18.05.2021)
Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

БИШКЕК, 18-май — Sputnik. Эсен Шерботоев "Кыргыз почтасы" ишканасынын башкы директору болуп дайындалганын аталган мекемеден билдиришти.

Тиешелүү буйрукка өкмөт башчы Улукбек Марипов кол койгон.

Бүгүн, 18-майда, министрлер кабинетинин төрагасынын орун басары жана санариптик өнүгүү министри Азамат Дыйканбаев Шерботоевди ишкананын жамаатына тааныштырды.

Министр жаңы директорго ийгилик каалап, почтанын ишине олуттуу колдоо көрсөтөрүнө ишене турганын айтты. Ал эми Шерботоев артылган ишеним үчүн ыраазычылык билдирди.

"Учурда байланыш жана коммуникация тармагынын санариптик трансформациялоо багытында динамикалык өзгөрүүлөр болуп жатат. Биргелешкен аракеттер менен почта ишин өркүндөтөбүз", — деди ал.

Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

4
Белгилер:
Эсен Шерботоев, жетекчи, "Кыргыз почтасы" мамлекеттик ишканасы
Тема боюнча
"Кумтөрдүн" убактылуу тышкы башкаруучусу жамаатка тааныштырылды. Сүрөт
"Кыргыз почтасы" элди алдамчылардан сак болууга чакырды
Автоунаа кум борошосун учурунда. Архив

Жүрөк үшүн алат! Чаңдуу бороон Казакстандын райондорун каптаган видео

48
(жаңыланган 22:18 18.05.2021)
Метеорологдор мындай жаратылыш кубулушу региондо көп убакыт жаан жаабай кургак болуп, температура кескин өзгөрүп кеткенде башталарын айткан.

БИШКЕК, 18-май — Sputnik. Түндүк Казакстан облусунун бир катар райондорунда бүгүн чаңдуу бороон болду. Бул тууралуу Sputnik Казакстан жазды.

Социалдык тармактын колдонуучулары муну "Күн тутулуп жаткандай" деп сүрөттөп, айланада эч нерсе көрүнбөй калганын жазышкан.

Агенттикке Казгидрометтин облустук филиалы чаңдуу бороон аймакта көп убакыт жаан жаабай кургак болуп, температура кескин өзгөрүп кеткенде башталарын айткан.

Посмотреть эту публикацию в Instagram

Публикация от Петропавловск Казахстан СКО (@sko_kz)

Ошондой эле метеорологдор Тайынша районунда шамалдын ылдамдыгы секундасына 33 метрге чейин жеткенин айтышкан. Жакынкы метеорологиялык станциялар дагы шамалдын ылдамдыгы секундасына 20 метрден ашканын каттаган.

48
Белгилер:
видео, аба ырайы, чаң, бороон, Казакстан
Тема боюнча
Индонезиядагы катуу торнадо шаарды жабыркатты. Алай-дүлөйдүн видеосу