Айт намаздын катышуучулары. Архив

Даават, жума жана айт намаздарын токтотуу сунушталды. Муфтият эмне дейт

280
(жаңыланган 16:16 23.04.2021)
Муфтият орозо башталганда эле мечиттерде ооз ачар өткөрүүнү жана намаз окууну чектегенин белгилеп өттү.

БИШКЕК, 23-апр. — Sputnik. Санэпидкөзөмөл борбору Бишкекте даават, ооз ачуу, жума жана айт намазды кырдаал турукташканга чейин токтото турууну сунуштап, муфтиятка кат жолдоду. Бул тууралуу борбор калаанын башкы санитардык дарыгери Кубан Кундашев кабарлады.

Ал эми муфтияттын маалымат кызматы бул сунушту карап, бүгүн кечке чейин бир чечим кабыл алынарын билдирди.

Ошондой эле муфтият орозо башталганда эле мечиттерде ооз ачар өткөрүүнү жана массалык түрдө намаз окууну чектегени кошумчаланат. Бардык аракеттер эпидемиологиялык кырдаалга жараша жасалары белгиленет.

280
Белгилер:
чектөө, сунуш, муфтият, Айт намаз
Тема:
Орозо-2021 (17)
Тема боюнча
Кадыр түн качан болору айтылды
Канча малы бар адам зекет бериши керек. Муфтияттын түшүндүрмөсү
Муфтият 2021-жылдагы битир-садаганын өлчөмүн жарыялады
Индияда COVID-19 өлгөн кишинин сөөгүн туугандары көтөрүп бара жатышат

Ганг дарыясынан коронавирустан көз жумган 30дай адамдын сөөгү табылды

0
Күбөлөрдүн айтымында, сууга ыргытылган адам сөөктөрү 100дөн көп болушу мүмкүн. Аталган окуя элди дүрбөлөңгө салып, жергиликтүү тургундар вирустун тарап кетүүсүнөн кооптонууда.

БИШКЕК, 11-май — Sputnik. Индиянын Буксар шаарында Ганг дарыясынан коронавирустан көз жумган 30дай адамдын сөөгү табылды. Бул тууралуу The Times of India басылмасына таянып, РИА Новости кабарлады.

Билдирмеге ылайык, аталган аймактын администрациясы кишилердин сөөктөрү коңшу штаттан агып келиши ыктымал деп божомолдогон. Бирок жергиликтүү тургундар журналисттерге дарыянын жээгинде жашагандар кремация акысы жана өрттөө кымбат болгондуктан өлгөндөрдү сууга ыргытып жатканын билдиришкен.

Күбөлөрдүн айтымында, сууга ыргытылган адам сөөктөрү 100дөн көп болушу мүмкүн. Аталган окуя элди дүрбөлөңгө салып, жергиликтүү тургундар вирустун тарап кетүүсүнөн кооптонууда.

Бийлик сууну тазалай баштаганын билдирген. Таанылбаган сөөктөр ырым-жырымы менен кремацияланып, чыгымын штаттын өкмөтү өзүнө алган.

Белгилей кетсек, Индия коронавирус жуктургандар боюнча дүйнөдө экинчи орунда турат. Оору илештиргендердин саны бул мамлекетте 22, 2 миллиондон ашты.

0
Белгилер:
Ганг дарыясы, коронавирус, сөөк, Индия
Тема:
Дүйнөгө жайылган коронавирус
Тема боюнча
COVID-19 жуктургандар жана көз жумгандар эң жогорку чегине жетти. ДССУ билдирүүсү
Индияда коронавирус аз келгенсип дагы бир инфекция күчөп жатат
ДССУнун башкы кеңсеси. Архив

COVID-19 жуктургандар жана көз жумгандар эң жогорку чегине жетти. ДССУ билдирүүсү

16
(жаңыланган 10:01 11.05.2021)
Эл аралык уюм дүйнө боюнча кырдаал кооптуу экенин айтты. Бөтөнчө адистерди Индиядагы коронавирустун жаңы түрү тынсыздантып жатат.

БИШКЕК, 11-май — Sputnik. Жер жүзүндө COVID-19 жуктургандар менен көз жумгандардын көрсөткүчү эң жогорку чегине келди. Бул тууралуу Дүйнөлүк саламаттык сактоо уюмунун башкы директору Тедрос Адханом Гебрейесус маалымат жыйында билдиргенин РИА Новости жазды.

"Илдеттин азая баштаганы бардык аймакта, анын ичинде Америка менен Европада да байкалууда. Анткен менен оорунун жогорку чегинде турабыз. Өткөн жумада коронавирус 5,4 миллион адамда аныкталып, 90 миң киши акка моюн сунду", — деди Гебрейесус.

ДССУ башчысынын айтымында, дүйнө боюнча кырдаал кооптуу. Ооругандар менен көз жумгандар Түштүк-Чыгыш Азияда тездик менен өсүүдө. Ошондой эле айрым мамлекеттердин шаарлары дартка туруштук бере албай жатат.

Эл аралык уюм Индиядагы коронавирустун жаңы түрүнө дыкат көз салып жатканын белгилеген. Адистер ал жактагы вирус дүйнө жүзүнө чоң коркунуч жаратарын айтууда.

16
Белгилер:
көрсөткүч, өлүм, оору, коронавирус, Дүйнөлүк саламаттыкты сактоо уюму
Тема:
Дүйнөгө жайылган коронавирус
Тема боюнча
Бишкекте COVID-19га каршы вакцинаны кайсы жерден алса болот. Номерлери
Келсеңер камайбыз! Австралия Индиядан келүүгө тыюу салды