Бишкектеги автоунаа трафиги. Архив

Кыргызстанда автоунааларды кайра каттоо арзандады. Акциянын мөөнөтү чектелүү

171
(жаңыланган 17:16 23.04.2021)
Автоунааларды кайра каттатуу акциясы белгилүү бир убакытка чейин гана жүргүзүлөт. Ведомство учурдан пайдаланып айдоочуларды транспортторун өз атына каттатууга чакырды.

БИШКЕК, 23-апр. — Sputnik. Автоунааларды кайра каттоо улуттук компаниясы 1-июнда башталат. Бул тууралуу Мамлекеттик каттоо кызматынан билдиришти.

Маалыматка караганда, автоунаанын рыноктогу орточо баасына жараша алынган 0,3 пайыздык жыйымды жокко чыгарган токтомго кол коюлду.

0,3 пайыздык жыйым унаа сатылып жана сатылып алынганда алынат. Ал эми Кыргызстандын аймагына чет өлкөдөн киргизилген транспортту каттоо үчүн беш пайыздык жыйым төлөнөт.

"Автоунааларды кайра каттатуу арзан болот. Бул акция убактылуу гана, тагыраагы, 1-июндан 31-декабрга чейин уланат. Мындан улам өкмөт айдоочуларды мүмкүнчүлүктөн пайдаланып машиналарын жеңилдетилген тартипте кайра каттатып алууга чакырат", — деп айтылат маалыматта.

Автотранспорт каражатын ишеним кат боюнча сатып алууда жана сатууда ээси төмөнкүдөй терс кесепеттерге туш болот:

  • менчик ээси транспорттун салыгына жана жол кыймылынын эрежелерин бузгандыгы үчүн айып пулдарды төлөөгө жооптуу;
  • автотранспорт катышкан кылмыш же жол кырсыгы катталса, унаа ээси жооптуу;
  • ишеним кат менен автоунаа алуучу аны өзүнүн атына кайра каттата албайт;
  • мыйзамдуу ээси каза болгон учурда ишеним кат күчүн жоготуп, мурастоо учурунда көйгөйлөр келип чыгышы мүмкүн.

Мындан тышкары, жол эрежесин бузгандыгы үчүн айып пулду төлөө боюнча жоопкерчиликти унутпашыбыз керек. Ошондой эле сатып алууда чыр чыкса, сатуучу тарабынан унаага берилген ишеним кат жокко чыгарылышы мүмкүн.

171
Белгилер:
Улукбек Марипов, акция, каттоо, автоунаа, Кыргызстан
Тема боюнча
Негиздеме талап кылынбайт! Жалпы жарандык паспорт берүүгө чектөө алынды
Аткаминер. Архив

Эсен Шерботоев "Кыргыз почтасынын" башкы директору болуп дайындалды

6
(жаңыланган 22:54 18.05.2021)
Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

БИШКЕК, 18-май — Sputnik. Эсен Шерботоев "Кыргыз почтасы" ишканасынын башкы директору болуп дайындалганын аталган мекемеден билдиришти.

Тиешелүү буйрукка өкмөт башчы Улукбек Марипов кол койгон.

Бүгүн, 18-майда, министрлер кабинетинин төрагасынын орун басары жана санариптик өнүгүү министри Азамат Дыйканбаев Шерботоевди ишкананын жамаатына тааныштырды.

Министр жаңы директорго ийгилик каалап, почтанын ишине олуттуу колдоо көрсөтөрүнө ишене турганын айтты. Ал эми Шерботоев артылган ишеним үчүн ыраазычылык билдирди.

"Учурда байланыш жана коммуникация тармагынын санариптик трансформациялоо багытында динамикалык өзгөрүүлөр болуп жатат. Биргелешкен аракеттер менен почта ишин өркүндөтөбүз", — деди ал.

Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

6
Белгилер:
Эсен Шерботоев, жетекчи, "Кыргыз почтасы" мамлекеттик ишканасы
Тема боюнча
"Кумтөрдүн" убактылуу тышкы башкаруучусу жамаатка тааныштырылды. Сүрөт
"Кыргыз почтасы" элди алдамчылардан сак болууга чакырды
Автоунаа кум борошосун учурунда. Архив

Жүрөк үшүн алат! Чаңдуу бороон Казакстандын райондорун каптаган видео

52
(жаңыланган 22:18 18.05.2021)
Метеорологдор мындай жаратылыш кубулушу региондо көп убакыт жаан жаабай кургак болуп, температура кескин өзгөрүп кеткенде башталарын айткан.

БИШКЕК, 18-май — Sputnik. Түндүк Казакстан облусунун бир катар райондорунда бүгүн чаңдуу бороон болду. Бул тууралуу Sputnik Казакстан жазды.

Социалдык тармактын колдонуучулары муну "Күн тутулуп жаткандай" деп сүрөттөп, айланада эч нерсе көрүнбөй калганын жазышкан.

Агенттикке Казгидрометтин облустук филиалы чаңдуу бороон аймакта көп убакыт жаан жаабай кургак болуп, температура кескин өзгөрүп кеткенде башталарын айткан.

Посмотреть эту публикацию в Instagram

Публикация от Петропавловск Казахстан СКО (@sko_kz)

Ошондой эле метеорологдор Тайынша районунда шамалдын ылдамдыгы секундасына 33 метрге чейин жеткенин айтышкан. Жакынкы метеорологиялык станциялар дагы шамалдын ылдамдыгы секундасына 20 метрден ашканын каттаган.

52
Белгилер:
видео, аба ырайы, чаң, бороон, Казакстан
Тема боюнча
Индонезиядагы катуу торнадо шаарды жабыркатты. Алай-дүлөйдүн видеосу