Коронавируска тест алып жаткан медицина кызматкери. Архив

Кош мутант. Кыргызстанда табылган COVID штаммдарына мүнөздөмө

236
Министрлик COVID-19дун чет жактардан чыккан штаммдары Кыргызстанда да табылгандыгын айтты. Ооругандардан британдык, түштүк африкалык, индиялык жана Россияда кездешкен штаммдар чыккан.

Мартта коронавирус менен ооруп калган кыргызстандыктардын биоматериалдары ар кыл штаммдардын бар-жогун аныктоо үчүн вирусология жана эпидемиология боюнча россиялык "Вектор" илимий борборуна жиберилген.

Кыргызстанда апрель айынан тарта коронавирус менен ооругандардын саны кайрадан өсө баштады. Өткөн суткада 272 адам аталган вируска кабылса, бейтаптардын ичинен жетөө көз жумган.

Sputnik редакциясы Кыргызстанда табылган коронавирустун штаммдары тууралуу билип көрдү.

Британдык штамм

Бул мутацияны декабрдын ортосунда Улуу Британиядан табышкан. Анда вирустун мурдагысына караганда 70 пайызга тез тарары жана андан көз жумуу кооптуулугу 30 пайызга жогору экендиги айтылган болчу. Бул кабардан кийин бир нече мамлекеттер аталган өлкө менен авиабайланышты дароо токтоткон. Анткен менен бул Европада ооруну арбытып, ал тургай кээ бир мамлекеттерде үчүнчү толкунду пайда кылды.

Дүйнөлүк саламаттык сактоо уюмунун апта сайын берген эпидемиологиялык бюллетенинде 13-апрелден тарта британдык штамм дагы беш өлкөдөн табылганы айтылган. Ошентип буга кабылган мамлекеттердин саны 137ге жетти.

Өткөн аптада Lancet илимий журналы илимий жаңы изилдөөлөргө таянып, британдык штаммдын мурда айтылгандай кооптуу эмес экендигин жазды.

Иликтөө ал COVID-19дун оор формаларына алып келбей тургандыгын жана азыркы вакциналардын ага алы жетерин аныктаган.

Бирок эксперттер британдык штамм балдарга да "кол сала" баштагандыгын билдирди. Акыркы учурда мындай тенденция Түркияда, АКШда жана европалык бир нече мамлекеттерде байкалган. Мутация кылган вирус тогуз жашка чейинки балдарга жугуп, мультисистемалык кабылдап кетүү (MIS-C) синдромун — коронавируска байланыштуу оор илдетти чакырат деп айтышты. Анын белгиси жүрөк, өпкө жана көз оорусун кабылдатып жиберген Кавасаки синдромуна окшош болуп чыккан.

Түштүк африкалык штамм

Муну былтыр октябрда Түштүк Африканын чыгыш тарабындагы Кейп провинциясынан табышкан. Окумуштуулардын айтымында, ал адамдын клеткасына оңой кирип кетүүгө жөндөмдүү. Жаштар арасында тез тарайт. Кээ бир вакциналардын бул мутациядан сактай албай турганы белгилүү болду.

Кийинчерээк Түштүк Африканын саламаттык сактоо министри коронавирустун экинчи толкуну дал ушул вирустун мутацияланган түрүнөн улам жаралышы мүмкүндүгүн билдирген.

Дүйнөлүк саламаттык сактоо уюмунун апта сайын берген эпидемиологиялык бюллетенинде акыркы жумада аталган штамм кеңири таралып, саны 85 мамлекетке жеткендиги айтылган.

Индия штаммы

Коронавирустун бул жаңы штаммы Индияда табылып, инфекционисттер аны "кош мутант" деп аташты. Ал биринчи ирет былтыр 5-октябрда Нагпур шаарында табылган. Вирустун 15 ирет өзгөргөн геномунун арасынан, керек болсо классикалык "ухань" вариантына салыштырмалуу бул штамм адистердин кооптонуусун жаратууда.

Индия штаммынын тарашы бир катар өлкөлөрдө калыптанып калган жамааттык иммунитетти жокко чыгарышы мүмкүндүгү айтылды. Себеби коронавируска каршы пайда болгон антителону жаңы штамм тоготпой коюшу мүмкүн дешти. Кептин баары РНК молекуласынын бир чынжырчада болуп жатканын билдиришүүдө. Индиялык вариантта ал эки жерде өзгөрүп кеткен, андыктан вектордук түрү да, ага кошумча РНК принцибине негизделген вакциналар да натыйжа бербей калышы мүмкүн.

Ал арада Индиядагы коронавирус масштабдуу мүшкүлгө айланды. Өлкөнүн түндүгү менен батышындагы ооруканалар бейтаптар үчүн кычкылтектин жетишпей жаткандыгын билдирсе, бийлик COVID-19дун төртүнчү толкуну тууралуу коңгуроо какты. Буга чейин өлкөдө суткада табылган оорулардын саны боюнча рекорд коюлду (314,8 миң учур). Ал эми кечээ, 23-апрелде, ооруп калгандар андан 18 миңге көп болуп, 332,73 миң адам ооруну жаңыдан жуктуруп алды. Буга чейин январда ооруп калгандардын саны суткасына 297,4 миңге жетип, рекордду АКШ койгон эле.

Россиялык штамм

Бул жуманын башында Роспотребнадзордун жетекчиси Анна Попова Россиянын Илимдер академиясынын медицина илимдери боюнча бөлүмүндөгү жыйында Россияда коронавирустун чет өлкөдөгүгө окшошпогон жаңы варианттары кездешип жатканын айтты.

"Биз Сибирь жана Түндүк-Батыш варианттарынын калыптанып жаткандыгын көрүүдөбүз. Материалдар жарыялаганга даяр болору менен штаммдарды сүрөттөгөн маалыматтар чыгат", — деген ал.

Попова аны менен кошо эле Россияда коронавирустун алты штаммы бар экендигин, бирок аны россиялык деп атоого болбой тургандыгын кошумчалады.

236
Белгилер:
илимий изилдөө, штамм, коронавирус, Россия, Кыргызстан
Тема:
Коронавируска байланыштуу Кыргызстандагы кырдаал (2710)
Тема боюнча
Министрлик: өлкөдө коронавирус штаммынын төрт түрү аныкталды
Алдан тайдырып, жөтөлтөт. Коронавирустун "британиялык" штаммынын белгилери
Жүргүнчүлөр жамгыр учурунда. Архив

Ишембиге карата аба ырайы

23
15-майга караган түнү температуранын жогорулашына жана күтүлүп жаткан нөшөрлүү жаан-чачынга байланыштуу суунун деңгээли кескин көтөрүлүп, тоолуу жана тоо этектериндеги райондордо сел жүрүү коркунучу бар.

БИШКЕК, 14-май — Sputnik. Ишембиде күндүз республика аймагында жамгыр жаап, күн күркүрөшү мүмкүн. Бул тууралуу Кыргызгидромет билдирди.

Абанын температурасы Чүй, Талас облустарында +19…+24, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +13…+18 градус болот.

Бишкек жана Ош шаарларында жамгыр жаап, күн күркүрөшү күтүлөт. Күндүн табы борбордо +22…+24, Ош шаарында +25…+27 градусту көрсөтөт.

23
Белгилер:
Кыргызстан, май, аба ырайы
Тема боюнча
Жакында "Супер Ай" толугу менен тутулат. Кубулушту кимдер көрө алат
Медициналык кызматкер лабораторияда

Германия коронавирустун Кыргызстандагы штаммдарын аныктаган реагенттерди берди

28
(жаңыланган 19:40 14.05.2021)
Коронавирустун штаммдарынан сырткары, Кыргызстандын лабораторияларына 50 миң ПЦР-тест тапшырылганы белгиленди.

БИШКЕК, 14-май — Sputnik. Германия коронавирустун Кыргызстандагы штаммдарын аныктоо үчүн реагенттерди алып берди. Бул тууралуу Саламаттык сактоо министрлигинен билдиришти.

Маалыматка караганда, бүгүн, 14-майда, саламаттык сактоо жана социалдык өнүктүрүү министри Алымкадыр Бейшеналиев Германиянын Кыргызстандагы элчиси Моника Иверсен, Германия менен Россиянын эл аралык адистери менен жолуккан.

"Үстүбүздөгү жылдын 10-майында Кыргызстанга германиялык бир нече окуу жайлардын медицина өкүлдөрү келишкен. Адистер Кыргызстандын лабораторияларынын кызматкерлерин штаммдарды аныктоого окутуп жатышат. Эми жардам катары берилген реагенттер Кыргызстандын аймагында коронавирустун штаммдарын аныктоого жардам берет", — деп айтылат маалыматта.

Жабдыктан сырткары, лабораторияга 50 миң ПЦР-тест тапшырылган. Министр Алымкадыр Бейшеналиев Германиянын элчиси менен эл аралык адистерге Кыргызстандын саламаттык сактоо системасына көрсөткөн колдоосуна ыраазычылык билдирди.

28
Тема:
Коронавируска байланыштуу Кыргызстандагы кырдаал (2710)
Тема боюнча
Өткөн суткада 200 кишиден коронавирус табылып, 6 бейтап көз жумду
ТИМ Түркияга бара турчуларга сактык полисин алууну эскертти. Артыкчылыгы
УКМК имараты. Архив

Жээнбеков генерал наамдарын мыйзамсыз ыйгарганбы? УКМК текшере баштады

0
(жаңыланган 22:55 14.05.2021)
Интернетте экс-президент Сооронбай Жээнбеков генерал наамдарын мыйзамсыз берген деген маалыматтар тарап жатат.

БИШКЕК, 14-май — Sputnik. Улуттук коопсуздук мамлекеттик комитети мурдагы ички иштер министринин орун басарлары менен УКМК төрагасынын мурдагы орун басарына генерал наамдары ыйгарылган деген маалыматты текшерип жатат. Бул тууралуу атайын органдын маалымат кызматы кабарлады.

Буга чейин интернетте экс-президент Сооронбай Жээнбеков иштен кетер алдында өткөн дата менен ошол кездеги ички иштер министринин орун басарлары Мирлан Канимет менен  Алмазбек Орозалиевге жана УКМК төрагасынын биринчи орун басары Талант Салиевге генерал наамдарын тапшырып кеткен деген маалымат тараган.

Орозалиев кызматынан 21-октябрда кол жууса, Каниметов 3-апрелде кеткен. Ал эми Салиев жумуштан 16-октябрда бошотулган.

Кыргызстанда канча генерал бар экенин Sputnik Кыргызстан агенттиги даярдаган материалдан окуй аласыздар

0
Белгилер:
УКМК, текшерүү, наам, генерал
Тема боюнча
Садыр Жапаров дагы бир жетекчиге генерал наамын берди