Бишкектеги маршруткалар. Архив

Бишкектеги маршрутка айдоочулар жол кирени токтоосуз көтөрүүнү талап кылышты

163
(жаңыланган 11:26 24.04.2021)
Вице-мэр суроолордун баары мыйзам жолу менен чечилиш керектигин, бул маселе боюнча мэрия иштеп жаткандыгын билдирген.

БИШКЕК, 24-апр. — Sputnik. Бишкектеги маршруткалардын айдоочулары кечээ калаанын вице-мэри Русланбек Акылбеков менен жолукканда жол кирени токтоосуз жогорулатууну талап кылып, эгер ал аткарылбаса ишке чыкпай кое тургандыктарын айтышты. Бул туурасында мэриянын маалымат кызматы кабарлады.

Вице-мэр менен жолугушууга транспорт компанияларынын жетекчилери, Бишкектеги жүргүнчүлөрдү ташуучулар ассоциацияларынын төрагалары жана машруткалардын айдоочулары келген.

Анда жол кире маселеси жана айдоочулар төлөп жаткан салыктын пайызын азайтуу талкууланган.

"Өз кезегинде айдоочулар жол кирени токтоосуз көтөрүүнү талап кылып, эгерде андай болбосо, эл ташыганга чыкпай кое тургандыктарын билдиришти", — деп айтылат маалыматта.

Вице-мэр суроолордун баары мыйзам жолу менен чечилиш керектигин, бул маселе боюнча мэрия иштеп жаткандыгын билдирген. Ал эми айдоочулардын ишке чыкпай коюшу коомдук транспорттун ишин үзгүлтүккө учуратып, шаар бийлиги менен эл ташыган фирмалардын ортосундагы келишимди бузгандык болорун эскерткен.

УКМКнын Бишкек боюнча башкармалыгынын кызматкери Санжар Канаев транспорт боюнча шаардык кызматка саботаж кылып, "коомдук терс пикир жаратуу максатын көздөгөн деструктивдүү күчтөрдү" табууга көмөк көрсөтүлөрүн жана бул боюнча мыйзам чегинде чара колдонуларын айткан.

Вице-мэрдин айтымында, тарифтерди көтөрүү боюнча чечимди Бишкек шаардык кеңеши кабыл алат. Депутаттар бул маселени карашы үчүн документтер мыйзамга ылайык тиешелүү регламенттин бардык этаптарынан өтүшү керек.

Жол кирени көтөрүү маселеси жылдын башында, тагыраагы, январь айында да көтөрүлүп, айдоочулар иш таштап, эл ташыганга чыкпай койгон.

Эл ташыган жеке компаниялардын жетекчилери Бишкектеги кичи автобустарда жол кирени 19-20 сомго чейин көтөрүүнү талап кылган. Ал кездеги мэр Балбак Түлөбаев маршруткалардын жол киресин көтөрүү боюнча сүйлөшүүлөр болгонун, бирок ага убакыт керектигин айткан.

Ал эми жол кирени кымбаттатуу боюнча соңку ирет маселе көтөрүлгөндө кечээ, 23-апрелде, Sputnik Кыргызстан агенттигине "Альянс бус" жүргүнчү ташуучулар ассоциациясынын төрагасы Григорий Николаиди Бишкекте маршрутка айдоочуларынын иш таштоо ниети жок экендигин билдирген эле.

163
Белгилер:
кымбаттоо, жол кире, маршрутка, коомдук транспорт, Бишкек
Тема боюнча
Ош шаарынын мэриясы асфальт чыгаруучу завод курат

Исландияда жанар тоо жайгашкан жерди сатыкка коюшту. Видео

10
Фаградальсфьядль вулканы жайгашкан жерге жергиликтүү үй-бүлө ээлик кылат. Алар аймакты бөлүп же толугу менен сатканга макул.

Исландияда Фаградальсфьядль вулканы ойгонуп жаткан жер сатыла тургандыгын Bloomberg агенттиги жазды.

Аймак Храун дыйкан чарбасына тиешелүү. Анна Тордис Гудмундсдоттир бул жер алардын ата-бабасынан калганын айтып, "кимдир бирөөлөр эл келип, кызыгып карай турган жай курса" деген ниетин билдирген.

Тилкенин бөлүгү же баары толугу менен сатылмакчы. Анна эки кардар чыгып, жакшы баа сунуштаганын да айтып берген.

"Бул аймак өзүнө ылайык баага сатылат, бизге кеминде эки кишиден сунуш түштү", — деген ал.

Адистер жанар тоонун атылышы бир нече жылдарга созулушу мүмкүн экендигин айтып, бул жерге болгон кызыгуу барган сайын артарын кошумчалашкан.

Исландиянын бийлиги ал тилкени сатып алуугу ашыккан жок. Бирок автоунаалар токтоочу жай, тик учак конуучу аянтча жана туристтерди тейлей турган борбор курууга жарым миллион доллар бөлүп берүүгө даяр экендигин айткан.

Маалымат үчүн айтсак, Фаградальсфьядли 2021-жылдын март айынан тарта ойгоно баштаган. Жанар тоо Рейкьявиктиен түштүк-батышты карай 30 чакырым аралыкта жайгашкан.

10
Белгилер:
аукцион, сатык, жанар тоо, Исландия
Тема боюнча
Жалын шыркырап агып. Исландияда тынч жаткан жанар тоонун ойгонгон видеосу
Муздаткыч. Архив

Кайсы азыктарды муздаткычка салбаш керек? Адистин кеңеши

31
Нымдуу, муздак жерде сактабай турчу азык, жашылчалардын арасында сарымсак, пияз, зайтун майы дагы бар.

БИШКЕК, 18-май — Sputnik. Айрым азыктарды муздаткычта сактоого таптакыр болбойт. Себеби төмөнкү температура жана нымдуулуктан алар тез көгөрүп, пайдалуулугун жана даамын жоготуп коет. Бул тууралуу My Health Reads басылмасынын туура тамактануу жаатындагы адистери айтканын РИА Новости жазды.

Адистер картошканы жуубай, кургак, күн тийбеген жерге сакташ керектигин эскертишкен. Эгер бул жашылчаны тоңдуруп койсо даамы өзгөрүп, крахмалы таттуу болуп, өсүмдүктүн түсүн жоготуп коет.

"Муздаткычка эч качан пияз менен сарымсакты сактабагыла. Нымдуу жерден алар бат чирийт. Тазаланган сарымсак бир аз турушу ыктымал, бирок жыты тез эле жоголуп кетет", — деп айтылат маалыматта.

Муздаткычта көпкө сакталбаган азыктар:

  • Бал. Катуу болуп, тоголоктошуп калат;
  • Зайтун майы. Муздаткычта туруп калса даамын жана жытын жоготуп, тунук болбой калат;
  • Жаңгак, кургатылган жемиштер. Даамын жоготуп, катуу болуп калат;
  • Нан. Анын курамындагы крахмал катуу болуп, жыйынтыгында нан көгөрүп, бат бузулуп кетет.
31
Белгилер:
кеңеш, азык, жашылча, муздаткыч
Тема боюнча
Диетолог жумуртканы эртең мененки тамакка колдонбой эле коюуга чакырды
Дүйшөнкулова: адам күн сайын 400 граммдай жашылча-жемиш жеши керек
ТИМ башчысы Руслан Казакбаев. Архив

Душанбеде өтө турчу ЖККУ жыйынына ТИМ башчысы Руслан Казакбаев катышат

0
(жаңыланган 09:41 18.05.2021)
Тышкы саясий ведомстволордун башчылары актуалдуу эл аралык маселелер, регионалдык кырдаалдын абалын жана өнүктүрүүнүн келечегин талкууламакчы.

БИШКЕК, 18-май — Sputnik. ТИМ башчысы Руслан Казакбаев Тажикстанда өтө турчу ЖККУга мүчө мамлекеттердин тышкы иштер министрлеринин кеңешинин кезектеги жыйынына катышат. Бул тууралуу мекеменин маалымат кызматы кабарлады.

Жыйын эртең, 19-майда, Тажикстандын борбор калаасы Душанбе шаарында өтөт.

Иш-чаранын жүрүшүндө тышкы саясий ведомстволордун башчылары актуалдуу эл аралык маселелер, регионалдык кырдаалдын абалын жана өнүктүрүүнүн келечегин талкуулайт.

Ошондой эле ЖККУнун алкагында тышкы саясатты координациялоону күчөтүү маселелери боюнча пикир алышуу, ушул жылдын экинчи жарымында Душанбе шаарында өткөрүүнү пландаштырып жаткан Жамааттык коопсуздук кеңешинин сессиясына даярдыктын жүрүшүн талкуулоо пландалып жатат.

0
Белгилер:
Руслан Казакбаев, ТИМ, Душанбе, Тажикстан
Тема боюнча
Путин Кыргызстан менен Тажикстанга ортомчу болууга даяр