Медициналык кызматкер ооруканада COVID-19дун үлгүлөрү менен

Бир күндө 325 адамдан COVID аныкталып, 5 бейтап каза болду. Статистика

149
(жаңыланган 12:05 24.04.2021)
Учурда ооруканаларда вируска чалдыккан 1 417 бейтап жатат. Жуктургандар Бишкек, Чүйдө, андан кийин Ысык-Көлдө көп катталууда.

БИШКЕК, 24-апр. — Sputnik. Соңку бир сутканын ичинде өлкөдө 325 адамдан коронавирус аныкталып, ошол эле учурда оору жуктурган 163 киши айыгып чыкты. Бул туурасында Республикалык штаб билдирди.

Ал эми илдетти жеңе албай Бишкек шаарында төрт, Ысык-Көл облусунда бир адам каза болду. Ушуну менен COVID-19дан ажал тапкандардын саны 1 578ге жетти.

Коронавирус катталган аймактар:

  • Бишкек – 194 адам;
  • Чүй облусу – 90;
  • Ысык-Көл облусу – 20;
  • Жалал-Абад облусу – 6;
  • Ош облусу – 6;
  • Нарын облусу – 5;
  • Ош шаары – 2;
  • Талас облусу – 1;
  • Баткен облусу – 1.

Бүгүнкү статистиканы кошкондо пандемия башталгандан бери 93 603 кыргызстандык COVID-19 жуктурганы белгилүү болду.

Сакайып чыккандар:

  • Бишкек – 84 адам;
  • Чүй облусу – 54;
  • Нарын облусу – 8;
  • Ысык-Көл облусу – 8;
  • Жалал-Абад облусу – 5;
  • Ош шаары – 2;
  • Ош облусу – 1;
  • Баткен облусу – 1.

Жалпысынан 87 880 киши ооруну жеңип чыкты.

Учурда ооруканаларда 1 417 бейтап жатат. Алардын ичинен:

  • Өтө оор абалда – 58:
  • Оор абалда – 332;
  • Орточо оордукта – 1011;
  • Канааттандырарлык абалда – 16.

Ал эми 1 753 бейтап үй шартында дарыгерлердин көзөмөлүндө дарыланууда.

Акыркы бир сутканын ичинде 4 593 адамга ПЦР-тест жүргүзүлгөн.

149
Белгилер:
айыгуу, жуктуруу, коронавирус, оорукана
Тема:
Кыргызстандагы коронавирус жуктуруп алгандар (1625)
Тема боюнча
Кош мутант. Кыргызстанда табылган COVID штаммдарына мүнөздөмө
COVID жуктургандарды дарылаган Бишкектеги ооруканалар. Канча бош орун бар?
Алдан тайдырып, жөтөлтөт. Коронавирустун "британиялык" штаммынын белгилери
Аткаминер. Архив

Эсен Шерботоев "Кыргыз почтасынын" башкы директору болуп дайындалды

7
(жаңыланган 22:54 18.05.2021)
Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

БИШКЕК, 18-май — Sputnik. Эсен Шерботоев "Кыргыз почтасы" ишканасынын башкы директору болуп дайындалганын аталган мекемеден билдиришти.

Тиешелүү буйрукка өкмөт башчы Улукбек Марипов кол койгон.

Бүгүн, 18-майда, министрлер кабинетинин төрагасынын орун басары жана санариптик өнүгүү министри Азамат Дыйканбаев Шерботоевди ишкананын жамаатына тааныштырды.

Министр жаңы директорго ийгилик каалап, почтанын ишине олуттуу колдоо көрсөтөрүнө ишене турганын айтты. Ал эми Шерботоев артылган ишеним үчүн ыраазычылык билдирди.

"Учурда байланыш жана коммуникация тармагынын санариптик трансформациялоо багытында динамикалык өзгөрүүлөр болуп жатат. Биргелешкен аракеттер менен почта ишин өркүндөтөбүз", — деди ал.

Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

7
Белгилер:
Эсен Шерботоев, жетекчи, "Кыргыз почтасы" мамлекеттик ишканасы
Тема боюнча
"Кумтөрдүн" убактылуу тышкы башкаруучусу жамаатка тааныштырылды. Сүрөт
"Кыргыз почтасы" элди алдамчылардан сак болууга чакырды
Автоунаа кум борошосун учурунда. Архив

Жүрөк үшүн алат! Чаңдуу бороон Казакстандын райондорун каптаган видео

59
(жаңыланган 22:18 18.05.2021)
Метеорологдор мындай жаратылыш кубулушу региондо көп убакыт жаан жаабай кургак болуп, температура кескин өзгөрүп кеткенде башталарын айткан.

БИШКЕК, 18-май — Sputnik. Түндүк Казакстан облусунун бир катар райондорунда бүгүн чаңдуу бороон болду. Бул тууралуу Sputnik Казакстан жазды.

Социалдык тармактын колдонуучулары муну "Күн тутулуп жаткандай" деп сүрөттөп, айланада эч нерсе көрүнбөй калганын жазышкан.

Агенттикке Казгидрометтин облустук филиалы чаңдуу бороон аймакта көп убакыт жаан жаабай кургак болуп, температура кескин өзгөрүп кеткенде башталарын айткан.

Посмотреть эту публикацию в Instagram

Публикация от Петропавловск Казахстан СКО (@sko_kz)

Ошондой эле метеорологдор Тайынша районунда шамалдын ылдамдыгы секундасына 33 метрге чейин жеткенин айтышкан. Жакынкы метеорологиялык станциялар дагы шамалдын ылдамдыгы секундасына 20 метрден ашканын каттаган.

59
Белгилер:
видео, аба ырайы, чаң, бороон, Казакстан
Тема боюнча
Индонезиядагы катуу торнадо шаарды жабыркатты. Алай-дүлөйдүн видеосу