Бугу-Эне коомдук фондунун жетекчиси Салтанат Сеитова

УКМК беш элик боюнча жаңылышкан. "Бугу-Эне" фондунун түшүндүрмөсү

250
(жаңыланган 23:08 24.04.2021)
Ветеринардын айтымында, эликтердин ургаачыларынын мүйүзү болбойт. Ал эми эркектери жыл сайын мүйүзүн өздөрү таштайт.

БИШКЕК, 25-апр. — Sputnik. Кыргызстандан чыгарып кетүүгө аракет жасалган эликтердин мүйүзү кесилген эмес. Бул тууралуу Sputnik агенттигине "Бугу-Эне" коомдук фондунун (Караколдогу зоопарк) жетекчиси Салтанат Сеитова билдирди.

Эске салсак, кечээ күнү УКМК Баткендеги Айдаркен чек ара отрядынын чек арачылары сейрек кездешкен беш эликти алып өтүүгө аракет кылган кыргызстандык менен өзбекстандык киши кармалганын кабарлаган. Маалыматта төрт эликтин мүйүзү кесилгени айтылган.

Сеитова бул эликтер Караколдогу зоопаркта багылганын, алар 2012-жылы Казакстандан алып келингенин билдирди. Анын айтымында, тийиштүү документтер дагы сакталган.

"Биз бул эликтерди эч кимге берген эмеспиз. Бирок бизге төө куш баккан кыргызстандык кайрылып, төө кушка эликтерди алмаштырууну сунуштаган. Ал бул жаныбарларды расмий түрдө алган. Ортодо келишим түзүлгөн, ага ылайык, эликтерди багышы керек болчу. Алдап койгон окшойт, бирок колго түшкөндөр башкалар болуп калышы дагы мүмкүн", - деди Сеитова.

Ошондой эле ал жаныбарларды ташуу эрежеси бузулганын билдирип, эликтердин үчөө ургаачы, экөө эркек экенин кошумчалады.

"Ургаачыларынын мүйүзү болбойт. Ал эми эркектери жыл сайын мүйүзүн өздөрү таштайт. Сүрөттөрдү көрдүм, анда капиллярлар гана жарылып кеткен окшойт, мындай нерсе кадыресе көрүнүш. Бул жаныбарлар Кызыл китепке кирген эмес", - деди ветеринар.

Ал кармалгандар кылмыш эмес, административдик жоопкерчиликке тартылышы керектигин белгиледи.

250
Белгилер:
мүйүз, элик, Каракол, Баткен
Тема боюнча
Мамалак менен достошкон шимпанзенин видеосу элди элжиретти
Айыл жергеси. Архив

Жума күнгө карата аба ырайы

47
14-майга караган түнү республиканын тоолуу жана тоо этектериндеги райондорунда аба ырайынын бузулушунан улам сел жүрүшү, дарыяларда суунун деңгээли көтөрүлүшү мүмкүн.

БИШКЕК, 13-май — Sputnik. Жума күнү Кыргызстандын бир катар аймактарында күндүн ысыгы 29 градуска жетсе, кээ бир жерлеринде жамгыр жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас облустарында +22…+27, Ош, Жалал-Абад, Баткен аймактарында +24…+29, Ысык-Көл, Нарын өрөөндөрүндө +15…+20 градус болот.

Күндүн табы Бишкекте +23…+25, Ош шаарында +27…+29 градусту көрсөтөт.

47
Белгилер:
Кыргызстан, аба ырайы
Тема боюнча
Чаткалда алтын казган компания экологиялык зыяны үчүн 103 млн. сомдук доого жыгылды
Автотыгын. Архив

Автоунаалардын аягы көрүнбөйт. Бишкекке тоо тараптан келе жаткандардын видеосу

134
(жаңыланган 21:17 13.05.2021)
Окуянын күбөлөрү бүгүн шаар четине эс алганы чыккандар көп экенин, кайтканда бир нече чакырымга созулган жол тыгын болгонун айтышты.

БИШКЕК, 13-май — Sputnik. Бишкекке тоо тараптан эс алып келе жаткандар узун автотыгынды жаратты. Бул тууралуу Sputnik Кыргызстан агенттигине окуянын күбөсү билдирип, видеосун жиберди.

Кадрдан автоунаалар бир топ чакырымга тизилип, айрымдары эки-үч катар болуп токтоп калганын көрүүгө болот. Кишилердин сыртка чыгып алганы да байкалат.

Жол тыгын Ала-Арча жана Аламүдүн капчыгайларындагы жолдо болгон. Кырдаалды Кайгуул милициясынын кызматкерлери жөнгө салган. Жол кырсыгы байкалган эмес.

Видеону тарткан адам бүгүн шаар четине эс алганы чыккандар абдан көп болгонун айтты.

134
Белгилер:
видео, унаа, тыгын, жол, Чоң-Арык айылы, Байтик айылы
Тема боюнча
Бишкектеги автотыгынды азайтуу үчүн асма көпүрөлөр курулат
 Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты

Сокулуктагы дүкөндүн өрттөнгөн видеосу

90
(жаңыланган 22:51 13.05.2021)
Тилсиз жоо менен күрөшүүгө ӨКМден эки бөлүм жана өрт өчүрүүчү-куткаруучулардын бир штабы тартылды. Ал саат 20:43тө чектөөгө алынды.

БИШКЕК, 13-май — Sputnik. Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты. Бул тууралуу ӨКМдин маалымат кызматы кабарлады.

Дүкөн Новопавловка айылынын Киров көчөсүндө жайгашкан. Тилсиз жоо менен күрөшүүгө саат 19:54тө эки бөлүм, ал эми саат 20:14тө өрт өчүрүүчү-куткаруучулардын штабы тартылган.

Өрт саат 20:43тө чектөөгө алынган. Учурда толук өчүрүү иш-чаралары жүргүзүлүгөн.

Ал эми саат 21:56да толугу менен өчүрүлдү.

90
Белгилер:
видео, дүкөн, өрт, Новопавловка
Тема боюнча
Алайда үй өрттөнүп, 56 жаштагы киши каза болду. Сүрөттөр