Коронавируска каршы эмдөө иштери

Кыргызстанда 16,5 миң киши COVID-19га каршы вакцина алды. Аймактар

109
(жаңыланган 11:59 25.04.2021)
Учурда кыргызстандыктарга Кытайдын Sinopharm жана россиялык "Спутник V" вакциналары колдонулуп жатат.

БИШКЕК, 25-апр. — Sputnik. Өлкө боюнча коронавируска каршы препарат менен 16 653 киши эмделди. Алардын ичинен 587си дарыны акыркы суткада сайдыргандар. Бул тууралуу Саламаттык сактоо жана социалдык өнүктүрүү министрлигинен билдиришти.

Кайсы аймакта канча киши эмделди:

  • Бишкек шаары — 1 917;
  • Ош шаары — 1 501;
  • Чүй облусу — 2 071;
  • Ош облусу — 4 621;
  • Ысык-Көл облусу — 1 371;
  • Талас облусу — 656;
  • Нарын облусу — 723;
  • Жалал-Абад — 2 888;
  • Баткен — 905.

Эске салсак, Кыргызстан коронавируска каршы эмдөө 29-март күнү башталып, алгачкы этапта Кытайдын Sinopharm препараты колдонулуп жатат. 250 миң кишиге жете турган 500 миң дозаны Кытай гуманитардык жардам иретинде берген.

Ал эми 22-апрель күнү Кыргызстанга россиялык "Спутник V" вакцинасынын 20 миң дозасы жеткирилди. Анын 15 миң дозасын Кыргызстан сатып алды. Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет. Ал 65 жаштан жогоркуларга жана өнөкөт оорусу бар жарандарга сайылат.

109
Белгилер:
вакцина, коронавирус, Бишкек, Кыргызстан
Тема:
Коронавируска каршы эмдөө (71)
Тема боюнча
Сутка ичинде 228 кишиден дарт аныкталып, 4 киши көз жумду. COVID статистикасы
Нур-Султанда коронавирус менен ооруган балдардын саны өсүүдө
Министрлик: өлкөдө коронавирус штаммынын төрт түрү аныкталды
Президент Кыргызстана Садыр Жапаров. Архив

Садыр Жапаров банкирлерди куттуктап, жаңы милдеттерди такты

8
(жаңыланган 11:10 10.05.2021)
10-май — Кыргызстандын банк кызматкерлеринин күнү. Бул майрам 2003-жылы өкмөттүн токтому менен негизделген.

БИШКЕК, 10-май — Sputnik. Кыргызстандын банк системасы глобалдык экономикалык тоскоолдуктарга карабай стабилдүү иштеди, буга кызматкерлердин өз ишине берилгендиги түрткү болду. Бул тууралуу президент Садыр Жапаровдун банк кызматкерлерин кесиптик майрамы менен куттуктоосунда айтылды.

Ошону менен бирге өлкө башчы банкирлердин алдында жаңы милдеттер турганын айтты.

"Дүйнөдө финансылык технологиялардын динамикалык өнүгүшүн эске алуу менен банктык кызмат көрсөтүүлөрдүн санарип инфраструктурасын өнүктүрүүнү, инновациялык банк операцияларын жана санариптик төлөм технологияларын киргизүүнү тездетүү керек. Экономикалык активдүүлүктү тез арада калыбына келтирүү максатында жеңилдетилген каржылоо ишке ашышы зарыл", — деди президент.

Сөзүнүн аягында Жапаров банк кызматкерлерине ден соолук, үй-бүлөлүк бакубатчылык жана ийгилик каалады.

Эске салсак, 10-май — Кыргызстандын банк кызматкерлеринин күнү. Бул майрам 2003-жылы өкмөттүн токтому менен негизделген.

8
Белгилер:
Садыр Жапаров, куттуктоо, майрам, банк, Кыргызстан
Тема боюнча
9-май — каармандыктын символу. Жапаров кыргызстандыктарды Жеңиш күн менен куттуктады
Медициналык кызматкер COVID-19га тест даярдап жатат. Архив

Бир суткада коронавирус 254 кишиден табылып, 5 бейтап көз жумду

19
(жаңыланган 10:58 10.05.2021)
Кечээтен бери жети медиктен коронавирус аныкталган. Анын бирөө ооруну "кызыл зонадан" жуктуруп алганы айтылды.

БИШКЕК, 10-май — Sputnik. Өткөн суткада коронавирус 254 бейтаптан аныкталып, 257си айыкты. Бул тууралуу Саламаттык сактоо министрлигинин маалымат кызматы кабарлады.

Жуктургандар:

  • Бишкек – 195;
  • Ош шаары - 3;
  • Ош облусу -1;
  • Чүй облусу – 25;
  • Нарын облусу - 4;
  • Ысык-Көл облусу – 17;
  • Жалал-Абад облусу – 9.

Ушуну менен оору илештиргендердин жалпы саны 98 654кө жетти.

Айыккандар:

  • Бишкек – 187;
  • Ош шаары - 7;
  • Ош облусу -3;
  • Чүй облусу – 42;
  • Нарын облусу - 1;
  • Ысык-Көл облусу – 7;
  • Жалал-Абад облусу – 4;
  • Талас облусу - 6.

Жалпысынан 91 816 бейтап ооруну жеңген.

Тилекке каршы, өткөн суткада коронавирус беш адамдын өмүрүн алды. Анын ичинен үчөө Бишкекте, экөө Чүйдө көз жумган. Жалпы жонунан 1 660 киши коронавирустун курмандыгы болду.

Кечээтен бери жети медиктен коронавирус табылган. Анын бирөө ооруну "кызыл зонадан" жуктуруп алганы айтылды.

19
Белгилер:
өлүм, бейтап, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Айт намаздын Бишкекте окулушу боюнча мэрия пикирин билдирди
COVID-19: медиктерге компенсация төлөө үчүн 243 млн. сом бөлүндү