Кемпир-Абад суу сактагычына караштуу жердин Өзбекстанга берилишине каршы болуп акцияга чыккан Өзгөн районунун жашоочулары

Ташиев Кемпир-Абад боюнча Өзгөн эли менен жолугуп жатат. Сүрөттөр

262
(жаңыланган 13:06 25.04.2021)
Өзгөн районунун Куршаб айыл өкмөтүндөгү стадиондо өтүп жаткан жыйынга 2 миңге чукул жергиликтүү жашоочу чогулду.

БИШКЕК, 25-апр. — Sputnik. Кемпир-Абад суу сактагычына караштуу жердин Өзбекстанга берилишине каршы болуп акцияга чыккан Өзгөн районунун жашоочулары менен УКМКнын төрагасы Камчыбек Ташиев жолугушуу өткөрүп жатат. Бул тууралуу аймактык кабарчы билдирди.

  • Местные жители на митинге против передачи земли вокруг Кемпир-Абадского водохранилища Узбекистану в Узгенском районе
    Кемпир-Абад суу сактагычына караштуу жердин Өзбекстанга берилишине каршы болуп акцияга чыккан Өзгөн районунун жашоочулары менен УКМКнын төрагасы Камчыбек Ташиев жолугушуу өткөрүп жатат.
    © Фото / Зульфия Тургунова
  • Местные жители на митинге против передачи земли вокруг Кемпир-Абадского водохранилища Узбекистану в Узгенском районе
    Эске салсак, Өзгөн районунун жашоочулары суу сактагычка караштуу жердин Өзбекстанга берилишине каршы болуп акцияга чыгып, суу жегине боз үйлөрдү тигип алышкан.
    © Фото / Зульфия Тургунова
1 / 2
© Фото / Зульфия Тургунова
Кемпир-Абад суу сактагычына караштуу жердин Өзбекстанга берилишине каршы болуп акцияга чыккан Өзгөн районунун жашоочулары менен УКМКнын төрагасы Камчыбек Ташиев жолугушуу өткөрүп жатат.

Эске салсак, Өзгөн районунун жашоочулары суу сактагычка караштуу жердин Өзбекстанга берилишине каршы болуп акцияга чыгып, суу жээгине боз үйлөрдү тигип алышкан. Анда элдин талабын угуу үчүн өкмөттүн Ош облусундагы өкүлүнүн орун басары Бактыбек Алайчиев барган. Бирок чогулгандар анын жообуна канааттанбай, Мамлекеттик чек араны делимитация жана демаркациялоо боюнча өкмөттүк комиссиянын жетекчиси, УКМК төрагасы Камчыбек Ташиевдин келишин талап кылышкан эле.

"Өзгөн районунун Куршаб айыл өкмөтүндөгү стадиондо өтүп жаткан жыйынга 2 миңге чукул жергиликтүү жашоочу чогулду. Келгендер колдоруна "Ата конуш, ата бейит, ыйык мурас жер-суулар элге таандык. Эч кимге бербейбиз", "Кыргыздын жер-суулары мамлекетке керек болбосо, элге керек", "Протокол жокко чыксын", "Кемпир-Абад элдики", "Жер-сууларыбызды берип чечкен чек ара маселеси бул чечим эмес!" деп жазылган плакаттарды көтөрүп турушат", — деди кабарчы.

Ташиев сөз алып, жыйынды тынч өткөрүүгө, чогулган элди сабырдуулукка чакырды. Ал Өзбекстан менен чек арага байланыштуу сүйлөшүүлөрдүн чоо-жайын түшүндүрүп берүү үчүн Өзгөнгө келгендигин айтты.

Буга чейин УКМК төрагасы ушул эле маселе боюнча Кара-Суу районундагы Савай айыл аймагынын Ынтымак айылынын эли менен жолугушкан

262
Белгилер:
Кемпир-Абад суу сактагычы, жолугушуу, эл, Камчыбек Ташиев, Өзгөн
Тема боюнча
Ташиев Савайга барып жер берүүгө каршы чыккан эл менен жолукту
Ташиев өзбек тарап менен Кемпир-Абаддын 30 гектарын алып калууну сүйлөшөт
Айыл жергеси. Архив

Жума күнгө карата аба ырайы

48
14-майга караган түнү республиканын тоолуу жана тоо этектериндеги райондорунда аба ырайынын бузулушунан улам сел жүрүшү, дарыяларда суунун деңгээли көтөрүлүшү мүмкүн.

БИШКЕК, 13-май — Sputnik. Жума күнү Кыргызстандын бир катар аймактарында күндүн ысыгы 29 градуска жетсе, кээ бир жерлеринде жамгыр жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас облустарында +22…+27, Ош, Жалал-Абад, Баткен аймактарында +24…+29, Ысык-Көл, Нарын өрөөндөрүндө +15…+20 градус болот.

Күндүн табы Бишкекте +23…+25, Ош шаарында +27…+29 градусту көрсөтөт.

48
Белгилер:
Кыргызстан, аба ырайы
Тема боюнча
Чаткалда алтын казган компания экологиялык зыяны үчүн 103 млн. сомдук доого жыгылды
Автотыгын. Архив

Автоунаалардын аягы көрүнбөйт. Бишкекке тоо тараптан келе жаткандардын видеосу

136
(жаңыланган 21:17 13.05.2021)
Окуянын күбөлөрү бүгүн шаар четине эс алганы чыккандар көп экенин, кайтканда бир нече чакырымга созулган жол тыгын болгонун айтышты.

БИШКЕК, 13-май — Sputnik. Бишкекке тоо тараптан эс алып келе жаткандар узун автотыгынды жаратты. Бул тууралуу Sputnik Кыргызстан агенттигине окуянын күбөсү билдирип, видеосун жиберди.

Кадрдан автоунаалар бир топ чакырымга тизилип, айрымдары эки-үч катар болуп токтоп калганын көрүүгө болот. Кишилердин сыртка чыгып алганы да байкалат.

Жол тыгын Ала-Арча жана Аламүдүн капчыгайларындагы жолдо болгон. Кырдаалды Кайгуул милициясынын кызматкерлери жөнгө салган. Жол кырсыгы байкалган эмес.

Видеону тарткан адам бүгүн шаар четине эс алганы чыккандар абдан көп болгонун айтты.

136
Белгилер:
видео, унаа, тыгын, жол, Чоң-Арык айылы, Байтик айылы
Тема боюнча
Бишкектеги автотыгынды азайтуу үчүн асма көпүрөлөр курулат
 Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты

Сокулуктагы дүкөндүн өрттөнгөн видеосу

90
(жаңыланган 22:51 13.05.2021)
Тилсиз жоо менен күрөшүүгө ӨКМден эки бөлүм жана өрт өчүрүүчү-куткаруучулардын бир штабы тартылды. Ал саат 20:43тө чектөөгө алынды.

БИШКЕК, 13-май — Sputnik. Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты. Бул тууралуу ӨКМдин маалымат кызматы кабарлады.

Дүкөн Новопавловка айылынын Киров көчөсүндө жайгашкан. Тилсиз жоо менен күрөшүүгө саат 19:54тө эки бөлүм, ал эми саат 20:14тө өрт өчүрүүчү-куткаруучулардын штабы тартылган.

Өрт саат 20:43тө чектөөгө алынган. Учурда толук өчүрүү иш-чаралары жүргүзүлүгөн.

Ал эми саат 21:56да толугу менен өчүрүлдү.

90
Белгилер:
видео, дүкөн, өрт, Новопавловка
Тема боюнча
Алайда үй өрттөнүп, 56 жаштагы киши каза болду. Сүрөттөр