Рыбные стейки. Архивное фото

Организмди жаш бойдон сактаган 10 азык. Тизме

573
Адистер лосось балыгын көп жегенди, ал жүрөктүн согушу бузулган дарттан коргонууга жардам берет деп кеңеш айтышат.

БИШКЕК, 26-апр. — Sputnik. Түркиялык диетологдор адамдын организмин жашарта турган 10 азыкты атады. Бул тууралуу Milliyet маалымат булагы жазганын "Известия" билдирди. 

Адистер омега-3 кислотасы көп болгон грек жаңгагын тизмеге биринчи коюшкан. Ал организмдеги холестерол деңгээлин жөнгө салуучу жана жүрөк оорусуна чалдыгуу тобокелдигин төмөндөтүүчү касиетке ээ. Жаңгак кишинин мээсинин сезгенүүсүн азайтып, анын иштешине көмөк берет.

Омега-3 лосось балыгында да кездешет. Бул кан тамырлардагы холестериндин көбөйүшүн басаңдатып, жүрөк ритминин бузулушунан коргойт жана адамдын акылынын тунук бойдон калышына жардам берет.

Зайтун майы тери үчүн абдан пайдалуу. Ал эми анын курамында каныкпаган май кислотасы жүрөккө пайдалуу болуп, кандагы канттын деңгээлин жөнгө салууга жардам берет.

Курамында протанцианин жана антоцианин көп болгон карагат да күчтүү антиоксидант.

Антиоксиданттар организмдеги зыяндуу заттар менен күрөшүп, жаш куракка байланыштуу жабыркаган органдарды калыбына келтирүүгө жардам берет.

Антиоксидант шпинатта да көп. Бул адамдын акыл-эсин тунук кылып, көздүн, сөөктөрдүн бузулушун алдын алат. Ал эми андагы A, C жана E витаминдери жана бета-каротин күндүн ультра-түс нурундагы зыяндардан коргойт.

Көк чай териге пайдалуу болуп, экинчи типтеги кант диабети жана жүрөк оорусу сыяктуу бир катар илдеттердин өрчүп кетүү коркунучун азайтат.

Помидордун курамында ликопен бар. Ал организмди жаш бойдон сактоочу касиетке ээ жана териге жакшы таасир берет. Помидор адамга жүрөк ооруларынан жана ар кандай рак илдеттеринен арылууга көмөкчү.

Кызыл болгар калемпиринде коллагенди өндүрүү үчүн пайдалуу С витамини, ошондой эле бир катар күчтүү антиоксиданттар бар. Брокколи, сульфорафан жана индол кошулмалары аркылуу клеткаларды кычкылдануу стрессинен келип чыккан зыяндардан коргоп, рак оорусун азайтууга жардам берет.

Брокколи фолий кислотасына бай. Ал жашы улгайып бара жаткан адамдын мээсинин жакшы иштешин шарттайт.

Кара шоколадда флавоналдар камтылган. Алар кан тамырлардын эс алуусун стимулдаштырып, жаш жана серпилгич кылат. Ошондой эле кан басымын төмөндөтүп, экинчи типтеги кант диабети, бөйрөк оорулары жана кем акылдык илдеттердин өрчүп кетүү коркунучун азайтат.

573
Белгилер:
организм, ден соолук, жаштык, тамак-аш
Тема боюнча
Кайсы курактан тарта арыктоого болбойт. Адистин сунушу
Аткаминер. Архив

Эсен Шерботоев "Кыргыз почтасынын" башкы директору болуп дайындалды

21
(жаңыланган 22:54 18.05.2021)
Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

БИШКЕК, 18-май — Sputnik. Эсен Шерботоев "Кыргыз почтасы" ишканасынын башкы директору болуп дайындалганын аталган мекемеден билдиришти.

Тиешелүү буйрукка өкмөт башчы Улукбек Марипов кол койгон.

Бүгүн, 18-майда, министрлер кабинетинин төрагасынын орун басары жана санариптик өнүгүү министри Азамат Дыйканбаев Шерботоевди ишкананын жамаатына тааныштырды.

Министр жаңы директорго ийгилик каалап, почтанын ишине олуттуу колдоо көрсөтөрүнө ишене турганын айтты. Ал эми Шерботоев артылган ишеним үчүн ыраазычылык билдирди.

"Учурда байланыш жана коммуникация тармагынын санариптик трансформациялоо багытында динамикалык өзгөрүүлөр болуп жатат. Биргелешкен аракеттер менен почта ишин өркүндөтөбүз", — деди ал.

Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

21
Белгилер:
Эсен Шерботоев, жетекчи, "Кыргыз почтасы" мамлекеттик ишканасы
Тема боюнча
"Кумтөрдүн" убактылуу тышкы башкаруучусу жамаатка тааныштырылды. Сүрөт
"Кыргыз почтасы" элди алдамчылардан сак болууга чакырды
Автоунаа кум борошосун учурунда. Архив

Жүрөк үшүн алат! Чаңдуу бороон Казакстандын райондорун каптаган видео

101
(жаңыланган 22:18 18.05.2021)
Метеорологдор мындай жаратылыш кубулушу региондо көп убакыт жаан жаабай кургак болуп, температура кескин өзгөрүп кеткенде башталарын айткан.

БИШКЕК, 18-май — Sputnik. Түндүк Казакстан облусунун бир катар райондорунда бүгүн чаңдуу бороон болду. Бул тууралуу Sputnik Казакстан жазды.

Социалдык тармактын колдонуучулары муну "Күн тутулуп жаткандай" деп сүрөттөп, айланада эч нерсе көрүнбөй калганын жазышкан.

Агенттикке Казгидрометтин облустук филиалы чаңдуу бороон аймакта көп убакыт жаан жаабай кургак болуп, температура кескин өзгөрүп кеткенде башталарын айткан.

Посмотреть эту публикацию в Instagram

Публикация от Петропавловск Казахстан СКО (@sko_kz)

Ошондой эле метеорологдор Тайынша районунда шамалдын ылдамдыгы секундасына 33 метрге чейин жеткенин айтышкан. Жакынкы метеорологиялык станциялар дагы шамалдын ылдамдыгы секундасына 20 метрден ашканын каттаган.

101
Белгилер:
видео, аба ырайы, чаң, бороон, Казакстан
Тема боюнча
Индонезиядагы катуу торнадо шаарды жабыркатты. Алай-дүлөйдүн видеосу