Белгилүү драматург, Кыргыз эл жазуучусу Бексултан Жакиевди акыркы сапарга узатуу

Жазуучу Бексултан Жакиевдин сөөгү жерге берилди. Сүрөт

129
(жаңыланган 17:02 26.04.2021)
Жазуучуну акыркы сапарга узатууда сүйлөгөн өкмөт башчы Улукбек Марипов кыргыз эли оор жоготууга учурагандыгын айтты.

БИШКЕК, 26-апр. — Sputnik. Белгилүү драматург, Кыргыз эл жазуучусу Бексултан Жакиев Бишкек шаарындагы "Ала-Арча" көрүстөнүнө коюлду.

  • Церемония прощания с народным писателем КР Бексултаном Жакиевым возле Кыргызского национального театра оперы и балета имени Абдыласа Малдыбаева. 26 апреля 2021 года
    Белгилүү драматург, Кыргыз эл жазуучусу Бексултан Жакиев Бишкек шаарындагы "Ала-Арча" көрүстөнүнө коюлду
    © Пресс-служба правительства / Алишер Алиев
  • Церемония прощания с народным писателем КР Бексултаном Жакиевым возле Кыргызского национального театра оперы и балета имени Абдыласа Малдыбаева. 26 апреля 2021 года
    Профессор, Кыргыз Республикасынын Баатыры, эл жазуучусу, драматург, кинодраматург Бексултан Жакиев 2021-жылдын 25-апрелинде 85 жаш курагында дүйнө салган
    © Пресс-служба правительства / Алишер Алиев
  • Церемония прощания с народным писателем КР Бексултаном Жакиевым возле Кыргызского национального театра оперы и балета имени Абдыласа Малдыбаева. 26 апреля 2021 года
    Аны акыркы сапарга узатуу Малдыбаев атындагы кыргыз улуттук опера жана балет театрынын алдында болду
    © Пресс-служба правительства / Алишер Алиев
  • Премьер-министр Улукбек Марипов на церемонии прощания с народным писателем КР Бексултаном Жакиевым возле Кыргызского национального театра оперы и балета имени Абдыласа Малдыбаева. 26 апреля 2021 года
    Коштошуу зыйнатында сүйлөгөн өкмөт башчы Улукбек Марипов кыргыз эли оор жоготууга учурагандыгын белгиледи
    © Пресс-служба правительства / Алишер Алиев
  • Церемония прощания с народным писателем КР Бексултаном Жакиевым возле Кыргызского национального театра оперы и балета имени Абдыласа Малдыбаева. 26 апреля 2021 года
    Жакиев 1936-жылы 16-январда Ысык-Көл облусуна караштуу Тоң районунун Бөкөнбаев айылында туулган
    © Пресс-служба правительства / Алишер Алиев
  • Церемония прощания с народным писателем КР Бексултаном Жакиевым возле Кыргызского национального театра оперы и балета имени Абдыласа Малдыбаева. 26 апреля 2021 года
    Жакиев коомчулукка "Атанын тагдыры" аттуу драмасы менен таанылган. Анда драматург кайраттуу карыянын согуш кесепетинен башына түшкөн оор кайгысы аркылуу бүткүл элдин муңун чагылдырган. Бул чыгарма Кыргыз драма театрында 500дөн ашык жолу коюлган.
    © Пресс-служба правительства / Алишер Алиев
1 / 6
© Пресс-служба правительства / Алишер Алиев
Белгилүү драматург, Кыргыз эл жазуучусу Бексултан Жакиев Бишкек шаарындагы "Ала-Арча" көрүстөнүнө коюлду

Профессор, Кыргыз Республикасынын Баатыры, эл жазуучусу, драматург, кинодраматург Бексултан Жакиев 2021-жылдын 25-апрелинде 85 жаш курагында дүйнө салган. Аны акыркы сапарга узатуу А. Малдыбаев атындагы Кыргыз улуттук опера жана балет театрынын алдында болду.

Коштошуу зыйнатында сүйлөгөн өкмөт башчы Улукбек Марипов кыргыз эли оор жоготууга учурагандыгын белгиледи.

"Биз заманыбыздын белгилүү залкар адамын жоготтук. Жакын арада эле ал киши өз кеп-кеңешин айтып, тажрыйбасы менен бөлүштү эле. Бексултан Жакиевдин көп кырдуу таланты анын чыгармаларында жана котормолорунда көрүнүп турат. Жакиев — кылымдын драматургу. Ал кинематографияда, драматургиядагы кайталангыс изин жана татыктуу шакирттерин калтырып кетти. Жакиевдин жаркын элеси ар дайым эсибизде сакталат. Өкмөттүн жана жеке өзүмдүн атымдан жазуучунун үй-бүлөсүнө жана жакындарына терең кайгыруу менен көңүл айтам", — деди Марипов.

Жакиев 1936-жылы 16-январда Ысык-Көл облусуна караштуу Тоң районунун Бөкөнбаев айылында туулган.

Белгилүү драматург, Кыргыз Республикасынын Баатыры Бексултан Жакиев. Архивдик сүрөт
© Пресс-служба правительства / Сабыр Аильчиев
Жакиев коомчулукка "Атанын тагдыры" аттуу драмасы менен таанылган. Анда драматург кайраттуу карыянын согуш кесепетинен башына түшкөн оор кайгысы аркылуу бүткүл элдин муңун чагылдырган. Бул чыгарма Кыргыз драма театрында 500дөн ашык жолу коюлган.

Жакиевдин "Миң кыял", "Алтын аяк", "Өкүм", "Эртең – жаңы жыл", "Жолугушуу", "Күттүргөн жаз да келер", "Саадак какты", "Жүрөлүчү жүрөк оорутпай", "Жаза" жана башка драмалары бар. Мындан тышкары, бир катар новелла, аңгеме, очерк, киносценарийлердин автору. Жакиевдин айрым чыгармалары орус, якут, казак жана башка тилдерге которулган.

Кыргыз ССРинин искусствого эмгек сиңирген ишмери, Токтогул атындагы мамлекеттик сыйлыктын ээси, Кыргыз эл жазуучусу, III даражадагы "Манас" ордени жана Даңк медалынын ээси болгон.

129
Белгилер:
зыйнат, коштошуу, Бексултан Жакиев, Кыргызстан
Тема боюнча
Кыргыз эл жазуучусу Бексултан Жакиев дүйнө салды
Согуштун балдары. Океев, Жакиев жана Байжиевдин таберик сүрөтү
Аткаминер. Архив

Эсен Шерботоев "Кыргыз почтасынын" башкы директору болуп дайындалды

15
(жаңыланган 22:54 18.05.2021)
Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

БИШКЕК, 18-май — Sputnik. Эсен Шерботоев "Кыргыз почтасы" ишканасынын башкы директору болуп дайындалганын аталган мекемеден билдиришти.

Тиешелүү буйрукка өкмөт башчы Улукбек Марипов кол койгон.

Бүгүн, 18-майда, министрлер кабинетинин төрагасынын орун басары жана санариптик өнүгүү министри Азамат Дыйканбаев Шерботоевди ишкананын жамаатына тааныштырды.

Министр жаңы директорго ийгилик каалап, почтанын ишине олуттуу колдоо көрсөтөрүнө ишене турганын айтты. Ал эми Шерботоев артылган ишеним үчүн ыраазычылык билдирди.

"Учурда байланыш жана коммуникация тармагынын санариптик трансформациялоо багытында динамикалык өзгөрүүлөр болуп жатат. Биргелешкен аракеттер менен почта ишин өркүндөтөбүз", — деди ал.

Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

15
Белгилер:
Эсен Шерботоев, жетекчи, "Кыргыз почтасы" мамлекеттик ишканасы
Тема боюнча
"Кумтөрдүн" убактылуу тышкы башкаруучусу жамаатка тааныштырылды. Сүрөт
"Кыргыз почтасы" элди алдамчылардан сак болууга чакырды
Автоунаа кум борошосун учурунда. Архив

Жүрөк үшүн алат! Чаңдуу бороон Казакстандын райондорун каптаган видео

78
(жаңыланган 22:18 18.05.2021)
Метеорологдор мындай жаратылыш кубулушу региондо көп убакыт жаан жаабай кургак болуп, температура кескин өзгөрүп кеткенде башталарын айткан.

БИШКЕК, 18-май — Sputnik. Түндүк Казакстан облусунун бир катар райондорунда бүгүн чаңдуу бороон болду. Бул тууралуу Sputnik Казакстан жазды.

Социалдык тармактын колдонуучулары муну "Күн тутулуп жаткандай" деп сүрөттөп, айланада эч нерсе көрүнбөй калганын жазышкан.

Агенттикке Казгидрометтин облустук филиалы чаңдуу бороон аймакта көп убакыт жаан жаабай кургак болуп, температура кескин өзгөрүп кеткенде башталарын айткан.

Посмотреть эту публикацию в Instagram

Публикация от Петропавловск Казахстан СКО (@sko_kz)

Ошондой эле метеорологдор Тайынша районунда шамалдын ылдамдыгы секундасына 33 метрге чейин жеткенин айтышкан. Жакынкы метеорологиялык станциялар дагы шамалдын ылдамдыгы секундасына 20 метрден ашканын каттаган.

78
Белгилер:
видео, аба ырайы, чаң, бороон, Казакстан
Тема боюнча
Индонезиядагы катуу торнадо шаарды жабыркатты. Алай-дүлөйдүн видеосу