Кыргыз Республикасынын ID-карталары. Архив

Жайылда памирлик 12 кыргызга ID-карт тапшырылды

55
(жаңыланган 17:59 26.04.2021)
Жакында дагы 44 памирликтин Кыргызстандын жараны экенин тастыктаган документ ала тургандыгы айтылды.

БИШКЕК, 26-апр. — Sputnik. Афганистандан келген Памир кыргыздарынын ичинен Чүйдүн Жайыл районунда жашаган 12 кишиге Кыргызстандын жарандыгы берилип, ID-карт тапшырылды. Бул тууралуу Мамлекеттик каттоо кызматынан кабарлашты.

  • Памирские кыргызы из Афганистана, проживающие в Жайылском районе Чуйской области, получили кыргызское гражданство и ID-карты. 26 апреля 2021 года
    Афганистандан келген Памир кыргыздарынын ичинен Чүйдүн Жайыл районунда жашаган 12 кишиге Кыргызстандын жарандыгы берилип, ID-карт тапшырылды
    © Фото / пресс-служба ГРС КР
  • Памирские кыргызы из Афганистана, проживающие в Жайылском районе Чуйской области, получили кыргызское гражданство и ID-карты. 26 апреля 2021 года
    КР жарандыгын тастыктаган документти тапшыруу салтанаттуу жагдайда өтүп, ага өкмөттүн Чүй облусундагы өкүлү Эркин Тентишев жана райондун акими Турусбек Ногоев катышкан
    © Фото / пресс-служба ГРС КР
  • Памирские кыргызы из Афганистана, проживающие в Жайылском районе Чуйской области, получили кыргызское гражданство и ID-карты. 26 апреля 2021 года
    Маалыматта булардан сырткары дагы 44 памирлик жакында жарандыгын тастыктаган документ ала тургандыгы айтылды
    © Фото / пресс-служба ГРС КР
1 / 3
© Фото / пресс-служба ГРС КР
Афганистандан келген Памир кыргыздарынын ичинен Чүйдүн Жайыл районунда жашаган 12 кишиге Кыргызстандын жарандыгы берилип, ID-карт тапшырылды

КР жарандыгын тастыктаган документти тапшыруу салтанаттуу жагдайда өтүп, ага өкмөттүн Чүй облусундагы өкүлү Эркин Тентишев жана райондун акими Турусбек Ногоев катышкан.

Маалыматта булардан сырткары дагы 44 памирлик жакында жарандыгын тастыктаган документ ала тургандыгы айтылды.

"Президенттин жарлыгы менен КР мыйзамдарынын жөнөкөйлөштүрүлгөн тартибинин негизинде этникалык 106 кыргызга өлкөнүн жарандыгы ыйгарылган", — деп айтылат маалыматта.

Миграция кызматынын буга чейинки маалыматтарына таянсак, Афганистандан көчүп келгендерди жана бул жерде туулгандарды эсептегенде Кыргызстанда 106 адам жашайт. Бир кишиден башкасы кайрылман макамын алышкан. Ал эми бирөө Кыргызстандын жараны болгон эле.

55
Белгилер:
жарандык, Памир кыргыздары, Жайыл району, Чүй облусу, Кыргызстан
Тема боюнча
Тамгадан сөз кураларын билбептирмин... Памирлик жигиттин таасирдүү баяны
Головной суу бөлүштүрүүсү

Жапаров “Головной” суу бөлүштүрүү жайын модернизациялоо тапшырмасын берди

161
(жаңыланган 22:59 06.05.2021)
Садыр Жапаров Баткен облусуна барып, чек арадагы жаңжалда жабыркаган эл менен жолукту. Ошондой эле зыянга учураган объектилерди көрдү.

БИШКЕК, 6-май — Sputnik. Президент Садыр Жапаров "Головной" суу бөлүштүрүү жайын модернизациялоону тапшырды. Бул тууралуу өлкө башчынын маалымат кызматынан билдиришти.

  • Президент КР Садыр Жапаров во время выступления на военном полигоне Бужум в Баткенской области. 06 мая 2021 года
    Президент Садыр Жапаров "Головной" суу бөлүштүрүү жайын модернизациялоону тапшырды
    © Пресс-служба президента КР / Султан Досалиев
  • Военный полигон Бужум в Баткенской области во время визита президента КР. 06 мая 2021 года
    Баткен облусуна болгон сапарында президент Садыр Жапаров бүгүн, 6-майда, “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Садыр Жапаров "Головной" суу бөлүштүрүү жайын модернизациялоону тапшырды

Баткен облусуна болгон сапарында президент Садыр Жапаров “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды.

“Мамлекет башчы суу бөлүштүрүүчү жайды жана объектти кайтарган аскердик бөлүк турган аймакты көрүп чыгып, тийиштүү мамлекеттик органдарга суу бөлүштүрүүчү жайды модернизациялоону тапшырды”, — деп айтылат билдирүүдө.

Ошондой эле Жапаров “Бужум” полигонундагы аскер кызматкерлеринин алдында сүйлөп жатып, мамлекет Куралдуу Күчтөрдүн алдындагы социалдык милдеттенмелеринин бардыгын аткара турганын жана күч түзүмдөрүнүн көйгөйлөрүн чечүүгө өлкө жетекчилиги тарабынан өзгөчө көңүл буруларын белгиледи.

161
Белгилер:
модернизациялоо, Садыр Жапаров, "Головной" суу бөлүштүрүүчү, Баткен
Тема:
Баткендеги кыргыз-тажик жаңжалы
Тема боюнча
Чек арадагы жаңжалдын кесепети. Баткендин жүрөктү тилген сүрөттөрү
Бир айыл 5 уулун жоготту. Турдубайдын чек арада окко учканын 4 баласы биле элек
Спутник Лайт вакцинасы. Архив

Россия коронавируска каршы дагы бир вакцинаны каттоодон өткөрдү

53
(жаңыланган 23:00 06.05.2021)
Бир компоненттүү "Спутник Лайт" вакцинасынын эффективдүүлүгү эмдөөнүн 28 күнүнөн тарта 79,4 пайызга жетери айтылды.

БИШКЕК, 6-май — Sputnik. Россиянын Саламаттык сактоо министрлиги коронавируска каршы "Спутник Лайт" вакцинасын каттоодон өткөрдү. Бул тууралуу РИА Новости жазды.

"Бир компоненттүү "Спутник Лайт" вакцинасынын эффективдүүлүгү эмдөөнүн 28 күнүнөн тарта 79,4 пайызга жетет. Бул учурда текшерилгендердин 96.6 пайызында IgG антителосу, 91,67 пайызында вирусту алсыздандыра турган антитело пайда болорун аныкталды. 80 пайыз учурда анын таасири эки компоненттүү вакциналардан дагы күчтүү экени белгилүү болду”, — деп айтылат билдирүүдө.

Учурда анын клиникалык сыноосунун үчүнчү фазасы өтүп, ага Россия, БАЭ, Гана сыяктуу мамлекеттерден 7 миң киши катышып жатат. Жыйынтыгы ушул айда белгилүү болот.

"Спутник Лайт" Гамалея борбору менен Россиянын Түз инвестициялар фонду (РФПИ) биргеликте иштеп чыккан "Спутник" вакцина топтомуна кирет.

Буга чейин Гамалея атындагы борбордун директору Александр Гинцбург "Спутник Лайт" аталган мамлекеттерде оорунун мизин кайтарып, жергиликтүү саламаттык сактоо тармагына сезилерлик колдоо болорун белгилеген.

53
Белгилер:
вакцина, коронавирус, Россия
Тема:
Дүйнөгө жайылган коронавирус
Тема боюнча
Майдын ортосунда "Спутник V" вакцинасынын дагы бир партиясы келери күтүлүүдө
Рио-де-Жанейро шаарында метродо атышуу

Бразилияда метродо атышуу болуп, 25 киши көз жумду. Видео

0
(жаңыланган 00:31 07.05.2021)
Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

БИШКЕК, 7-май — Sputnik. Бразилиянын Рио-де-Жанейро шаарында метродо полиция менен баңгизат сатуучулардын арасында атышуу болуп, 25 киши каза болду. Бул тууралуу РИА Новости агенттиги жазды.

Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

Маалыматка караганда, шаар полициясы баңгизат сатуучуларды кармоо үчүн атайын операция жүргүзгөн. Жыйынтыгында 24 шектүү жана полициянын бир офицери каза болгону айтылат. Алардан тышкары төрт адам жаракат алган. Экөө жай тургун экени кошумчаланды.

0
Белгилер:
өлүм, видео, атышуу, полиция, Бразилия
Тема боюнча
Баткендеги үйдөн Ми-24 тик учагынан атылган авиаракета табылды. Видео