Нарында турган памирлик кыргыздар паспорт алышты

Нарында Памирден келген этникалык кыргыздар паспорт алды. Сүрөт

158
(жаңыланган 19:52 26.04.2021)
ID-карт Ат-Башы районунда жашап жаткан бир үй-бүлөгө жана Нарын шаарында жашап жаткан бир адамга тапшырылган.

НАРЫН, 26-апр. — Sputnik. Бүгүн Нарын шаарында Афганистандан келип, аталган аймакта жашап калган төрт этникалык кыргызга жарандык паспорт салтанаттуу тапшырылганын аймактык кабарчыга өкмөттүн Нарындагы өкүлчүлүгүнүн маалымат катчысы билдирди.

Памирские кыргыза из Афганистана, проживающим в Нарыне получили паспорта. 26 апреля 2021 года
© Фото / пресс-служба полпредства правительства в Нарынской области
Бүгүн Нарын шаарында Афганистандан келип, аталган аймакта жашап калган төрт этникалык кыргызга жарандык паспорт салтанаттуу тапшырылганын аймактык кабарчыга өкмөттүн Нарындагы өкүлчүлүгүнүн маалымат катчысы билдирди
"Ат-Башы районунун тургуну Памири Хабибулла, анын жубайы Памири Тотия жана кызы Памири Карима, ошондой эле Нарын шаарынын тургуну Памири Салихидин Кыргызстандын жарандыгын алып, паспорттору колдоруна тийди", — деп айтылган маалыматта.

Белгилей кетсек, 2017-жылдын октябрь айында Афганистандан этникалык 33 кыргыз Нарын жергесине балдарына билим берүү максатында келген. 2020-жылга чейин кийин келип кошулгандарды жана кеткендерди эсептегенде жалпы саны 50гө жеткен. 2020-жылдын август айында мамлекет тарабынан Алай жергесине салып берилген үйлөргө 10 үй-бүлө көчүп кеткен. Учурда Памирден келген бир үй-бүлө Нарын шаарында, дагы бир үй-бүлө Ат-Башы районунда жашайт. Алардын саны учурда 10 адам болсо, төртөө жарандык паспортко ээ болду.

Президент Садыр Жапаровдун 2021-жылдын 16-апрелиндеги жарлыгына ылайык, 111 адам Кыргызстандын жарандыгын алган. Алар Афганистан менен Кытайдан келген этникалык кыргыздар эле. Жарандык алгандардын 60ы чоң кишилер жана 51и балдар. Булардын ичинен төрт жаран Нарын облусунун тургундары.

Эске сала кетсек, үстүбүздөгү жылдын март айында Алай жергесиндеги памирлик кыргыздар мамлекет башчы менен жолугушууда Кыргызстандын жарандыгын алуу боюнча көңүл буруусун сурашкан.

158
Белгилер:
жарандык, Памир кыргыздары, Ат-Башы, Нарын облусу, Кыргызстан
Тема боюнча
Жайылда памирлик 12 кыргызга ID-карт тапшырылды
Тамгадан сөз кураларын билбептирмин... Памирлик жигиттин таасирдүү баяны
Головной суу бөлүштүрүүсү

Жапаров “Головной” суу бөлүштүрүү жайын модернизациялоо тапшырмасын берди

158
(жаңыланган 22:59 06.05.2021)
Садыр Жапаров Баткен облусуна барып, чек арадагы жаңжалда жабыркаган эл менен жолукту. Ошондой эле зыянга учураган объектилерди көрдү.

БИШКЕК, 6-май — Sputnik. Президент Садыр Жапаров "Головной" суу бөлүштүрүү жайын модернизациялоону тапшырды. Бул тууралуу өлкө башчынын маалымат кызматынан билдиришти.

  • Президент КР Садыр Жапаров во время выступления на военном полигоне Бужум в Баткенской области. 06 мая 2021 года
    Президент Садыр Жапаров "Головной" суу бөлүштүрүү жайын модернизациялоону тапшырды
    © Пресс-служба президента КР / Султан Досалиев
  • Военный полигон Бужум в Баткенской области во время визита президента КР. 06 мая 2021 года
    Баткен облусуна болгон сапарында президент Садыр Жапаров бүгүн, 6-майда, “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Садыр Жапаров "Головной" суу бөлүштүрүү жайын модернизациялоону тапшырды

Баткен облусуна болгон сапарында президент Садыр Жапаров “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды.

“Мамлекет башчы суу бөлүштүрүүчү жайды жана объектти кайтарган аскердик бөлүк турган аймакты көрүп чыгып, тийиштүү мамлекеттик органдарга суу бөлүштүрүүчү жайды модернизациялоону тапшырды”, — деп айтылат билдирүүдө.

Ошондой эле Жапаров “Бужум” полигонундагы аскер кызматкерлеринин алдында сүйлөп жатып, мамлекет Куралдуу Күчтөрдүн алдындагы социалдык милдеттенмелеринин бардыгын аткара турганын жана күч түзүмдөрүнүн көйгөйлөрүн чечүүгө өлкө жетекчилиги тарабынан өзгөчө көңүл буруларын белгиледи.

158
Белгилер:
модернизациялоо, Садыр Жапаров, "Головной" суу бөлүштүрүүчү, Баткен
Тема:
Баткендеги кыргыз-тажик жаңжалы
Тема боюнча
Чек арадагы жаңжалдын кесепети. Баткендин жүрөктү тилген сүрөттөрү
Бир айыл 5 уулун жоготту. Турдубайдын чек арада окко учканын 4 баласы биле элек
Спутник Лайт вакцинасы. Архив

Россия коронавируска каршы дагы бир вакцинаны каттоодон өткөрдү

51
(жаңыланган 23:00 06.05.2021)
Бир компоненттүү "Спутник Лайт" вакцинасынын эффективдүүлүгү эмдөөнүн 28 күнүнөн тарта 79,4 пайызга жетери айтылды.

БИШКЕК, 6-май — Sputnik. Россиянын Саламаттык сактоо министрлиги коронавируска каршы "Спутник Лайт" вакцинасын каттоодон өткөрдү. Бул тууралуу РИА Новости жазды.

"Бир компоненттүү "Спутник Лайт" вакцинасынын эффективдүүлүгү эмдөөнүн 28 күнүнөн тарта 79,4 пайызга жетет. Бул учурда текшерилгендердин 96.6 пайызында IgG антителосу, 91,67 пайызында вирусту алсыздандыра турган антитело пайда болорун аныкталды. 80 пайыз учурда анын таасири эки компоненттүү вакциналардан дагы күчтүү экени белгилүү болду”, — деп айтылат билдирүүдө.

Учурда анын клиникалык сыноосунун үчүнчү фазасы өтүп, ага Россия, БАЭ, Гана сыяктуу мамлекеттерден 7 миң киши катышып жатат. Жыйынтыгы ушул айда белгилүү болот.

"Спутник Лайт" Гамалея борбору менен Россиянын Түз инвестициялар фонду (РФПИ) биргеликте иштеп чыккан "Спутник" вакцина топтомуна кирет.

Буга чейин Гамалея атындагы борбордун директору Александр Гинцбург "Спутник Лайт" аталган мамлекеттерде оорунун мизин кайтарып, жергиликтүү саламаттык сактоо тармагына сезилерлик колдоо болорун белгилеген.

51
Белгилер:
вакцина, коронавирус, Россия
Тема:
Дүйнөгө жайылган коронавирус
Тема боюнча
Майдын ортосунда "Спутник V" вакцинасынын дагы бир партиясы келери күтүлүүдө
Рио-де-Жанейро шаарында метродо атышуу

Бразилияда метродо атышуу болуп, 25 киши көз жумду. Видео

0
(жаңыланган 00:31 07.05.2021)
Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

БИШКЕК, 7-май — Sputnik. Бразилиянын Рио-де-Жанейро шаарында метродо полиция менен баңгизат сатуучулардын арасында атышуу болуп, 25 киши каза болду. Бул тууралуу РИА Новости агенттиги жазды.

Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

Маалыматка караганда, шаар полициясы баңгизат сатуучуларды кармоо үчүн атайын операция жүргүзгөн. Жыйынтыгында 24 шектүү жана полициянын бир офицери каза болгону айтылат. Алардан тышкары төрт адам жаракат алган. Экөө жай тургун экени кошумчаланды.

0
Белгилер:
өлүм, видео, атышуу, полиция, Бразилия
Тема боюнча
Баткендеги үйдөн Ми-24 тик учагынан атылган авиаракета табылды. Видео