Элик. Архивдик сүрөт

Өзбекстанга чыгарылмакчы болгон эликтер азыр кайда экени айтылды

150
(жаңыланган 12:10 27.04.2021)
УКМК Баткендеги Айдаркен чек ара отрядынын чек арачылары сейрек кездешкен беш эликти алып өтүүгө аракет кылган кыргызстандык менен өзбекстандык киши кармалганын кабарлаган.

БИШКЕК, 27-апр. — Sputnik. Кыргызстандан Өзбекстанга чыгарып кетүүгө аракет жасалган эликтерди тергөө иштери аягына чыкканга чейин компетенттүү органдар кармап турат. Бул тууралуу Экологиялык жана техникалык коопсуздук боюнча мамлекеттик инспекциянын маалымат кызматынан билдиришти.

Эске салсак, УКМК Баткендеги Айдаркен чек ара отрядынын чек арачылары сейрек кездешкен беш эликти алып өтүүгө аракет кылган кыргызстандык менен өзбекстандык киши кармалганын кабарлаган. Маалыматта төрт эликтин мүйүзү кесилгени айтылган болчу.

"Бугу-Эне" коомдук фондунун (Караколдогу зоопарк) жетекчиси Салтанат Сеитова бул жаныбарлар Караколдогу зоопаркта багылганын, алар 2012-жылы Казакстандан алып келингенин билдирген. Анын айтымында, тийиштүү документтер дагы бар.

Ошондой эле ал эликтин бул түрү Кызыл китепке кирбегенин жана ургаачыларынын мүйүзү болбой турганын айткан. Сеитованын сөзү боюнча зоопаркка төө куш баккан кыргызстандык кайрылып, канаттууларга эликтерди алмаштырууну сунуштаган. Келишим боюнча ал жаныбарларды багышы керек болчу.

Эликтер учурда Айлана-чөйрөнү коргоо мамлекеттик агенттигинин Баткен облусу боюнча башкармалыгына өткөрүп берилди.

Экологиялык жана техникалык коопсуздук боюнча мамлекеттик инспекциянын Сеитованын сөзүнө таянып билдиргенине караганда, бул жаныбарлар Казакстандан 2012-жылы алып келинген Европа эликтеринин тукуму.

Ведомстводон кабарлашкандай, фонд менен жеке тараптын ортосунда чындап эле келишим жолу менен жаныбарларды алмашуу болгон. Аты аталбаган жаран фондго Африка төө кушунун эки ургаачысы менен бир эркегин, "Битал" породасындагы эчки, теке жана эки Розелла тоту кушун берген. Анын ордуна Европа элигинин үч ургаачысы менен эки текесин алган.

Тергөө иштери уланууда.

150
Тема боюнча
39 жылкы, 26 топоз жетпейт. Ала-Арча паркында мыйзам бузуу аныкталды
Ички иштер министри Улан Ниязбеков жана Баткен облусунда иш сапары менен

Кыргызстан Тажикстандын ИИМи менен кайгуул күзөттөрүн уюштурууну сүйлөштү

43
(жаңыланган 09:55 10.05.2021)
ИИМ башчысы кечээ Баткенге барган. Тажикстандык кесиптештери менен чек арага чектеш аймактарда абалды турукташтыруу жана коомдук тартипти жөнгө салууну сүйлөшүштү.

БИШКЕК, 10-май. — Sputnik. Ички иштер министри Улан Ниязбеков жана Баткен облустук милициясынын начальниги Мурат Боронов Тажикстандын Согди облусу боюнча башкармалыгынын жетекчиси Абдулло Навджувонов менен Исфара ШИИБдин башчысы Фердаус Шамадзаде менен жолукту. Бул тууралуу ИИМдин маалымат кызматы кабарлады.

  • Министр внутренних дел Улан Ниязбеков с рабочей поездкой посетил Баткенскую область. 09 мая 2021 года
    Ички иштер министри Улан Ниязбеков жана Баткен облустук милициясынын начальниги Мурат Боронов Тажикстандын Согди облусу боюнча башкармалыгынын жетекчиси Абдулло Навджувонов менен Исфара ШИИБдин башчысы Фердаус Шамадзаде менен жолукту
    © Фото / пресс-служба МВД КР
  • Министр внутренних дел Улан Ниязбеков с рабочей поездкой посетил Баткенскую область. 09 мая 2021 года
    Жолугушуу 9-майда Баткен облусунун аймагында өтүп, министр ошол жакка барган
    © Фото / пресс-служба МВД КР
1 / 2
© Фото / пресс-служба МВД КР
Ички иштер министри Улан Ниязбеков жана Баткен облустук милициясынын начальниги Мурат Боронов Тажикстандын Согди облусу боюнча башкармалыгынын жетекчиси Абдулло Навджувонов менен Исфара ШИИБдин башчысы Фердаус Шамадзаде менен жолукту

Жолугушуу 9-майда Баткен облусунун аймагында өтүп, министр ошол жакка барган.

"Анын жүрүшүндө жарандардын коопсуздугун сактоодо кыргыз жана тажик милициясынан турган кайгуул күзөттөрүн уюштуруу сүйлөшүлдү. Ошондой эле чек арага чектеш аймактарда абалды турукташтыруу, коомдук тартипти жөнгө салуу, аны биргелешип сактоо, тартип бузууларга жол бербөө сүйлөшүлдү", — деп айтылат маалыматта.

Учурда Баткенде абал туруктуу экени белгиленди. 52 ыкчам-тергөө тобу талкаланган жайларды карап чыгууну аяктап, келтирилген чыгымдардын эсебин тактоого киришкен.

Ошондой эле министр Улан Ниязбеков ИИМдин ички аскерлеринин 707-аскер бөлүгүнүн жаңы имаратынын курулушу менен таанышып, "Головной" суу бөлүштүрүүчү жайына барган. Чек ара чырынан жабыркаган айылдардагы жашоочулар жана милиционерлер менен да жолуккан.

43
Белгилер:
сүйлөшүүлөр, коопсуздук, Улан Ниязбеков, ИИМ, Тажикстан, Кыргызстан
Тема:
Баткендеги кыргыз-тажик жаңжалы
Тема боюнча
Чек ара чырынан каза болгондордун үй-бүлөсүнө 36 турак жай салына баштады
Окуучу кезде өзүм каччумун, азыр 8 балам менен качып жүрөм. "Чек арачы" эненин муңу
Ооруп аткан киши. Архивдик сүрөт

Канда холестерин көп экенин кантип билсе болот? Белгилери

65
Муундардын оорушу, дем алуунун кыйындашы, чарчоо да канда холестериндин көп болуп кеткенинен кабар берет.

БИШКЕК, 10-май — Sputnik. Британиялык British Heart Foundation уюмунун адистери канда жаман холестериндердин ашыкча көбөйүп кетиши инсультка кептээрин эскертишкен. Бул тууралуу РИА Новости Express басылмасына таянып кабарлады.

Окумуштуулардын материалында жазылгандай, канда холестерин көбөйгөндө мээнин кан айлануусу жайлап, ал тургай токтоп калат. Мындан улам адам инсульт болот. "Кан тамыр түтүк сыяктуу, холестерин көп болгон учурда ал түтүктү жаап салып, жыйынтыгында кычкылтек, азыктандыруучу заттар жүрөккө жетпей калат. Мунун кесепетинен аталган орган приступ болот", — деп айтылат маалыматта.

Медиктердин айтымында, канда холестерин көбөйүп кеткенде көкүрөк тушу, буту-колдун учтары ооруй баштайт. Мындан сырткары, адамдын аң-сезими ар нерсени чаташтыра баштайт. Мунун себеби мээге кан жетпей калгандыгында. Муундардын оорушу, дем алуунун кыйындашы, чарчоо да канда холестерин ашыкча экенинен кабар берет.

Буга чейин адис, дарыгерлер канда холестеринди кумшекер, майлуу, куурулган, камыр тамактар көбөйтө турганын айтышкан.

65
Белгилер:
жүрөк, оору, инсульт, холестерин, медик
Тема боюнча
Кыска убакытта арыктоо эмнеси менен кооптуу. Диетолог Дүйшөнкулованын маеги
Кабулдагы жарылуу болгон жерде адамдар турушат (Афганистан)

Кабулдагы жардыруудан 63 киши каза тапты. Көз жумгандардын көбү кыздар

0
(жаңыланган 10:28 10.05.2021)
8-май күнү шаардагы мектептердин биринин жанында мина коюлган автоунаа жардырылып, андан кийин эки ирет ракеталык чабуул болгон.

БИШКЕК, 10-май — Sputnik. Афганистандын борбору Кабул шаарында жардыруу болуп, каза тапкандардын саны 63кө жетти. Бул тууралуу РИА Новости Tolo News телеканалына таянып кабарлады.

Билдирмеге караганда, 8-май күнү шаардагы мектептердин биринин жанында мина коюлган автоунаа жардырылып, андан кийин эки ирет ракеталык чабуул жасалган.

Жардыруу окуучулар мектептен чыгып бара жатканда болгон. Көз жумгандардын көбү кыздар экени айтылды. Жардыруудан 150 адам жабыркаган.

Бул кол салууга "Талибан" радикалдык кыймылы тиешеси жок экенин билдирди. Афганистандын президенти Ашраф Гани чабуулду талибдер жасаганын айтып, аларды айыптаган.

Белгилей кетсек, Афганистандагы аскердик-саясий кырдаал улам курчуп баратат. АКШ жана НАТО күчтөрү өлкөдөн чыгып, талибдер провинциялардын бир тобун, анын ичинде түндүк тарабын да көзөмөлдөөдө.

0
Тема боюнча
Бразилияда метродо атышуу болуп, 25 киши көз жумду. Видео