Бала оюнчуктар менен ойноп жатат. Архив

Түндө Бишкектеги батирде жалгыз калган бөбөк Балдар үйүнө берилди

150
(жаңыланган 12:58 27.04.2021)
Милициянын болжолдуу маалыматы боюнча, эки жаштагы наристе атасы менен жашайт. Энеси чет мамлекетке иштеп кеткен.

БИШКЕК, 27-апр. — Sputnik. Бишкектин Аламүдүн-1 кичи районундагы батирде түндө жалгыз калган эки жашар кыз Балдар үйүнө өткөрүп берилди. Бул тууралуу ШИИБдин маалымат кызматы кабарлады.

Буга чейин ӨКМ көп кабаттуу үйдүн жашоочулары 112 куткаруу кызматына түнкү саат 02:58де чалып, бекип турган батирде бала ыйлап жатканын айтышканын билдирген. Куткаруучулар атайын шаймандар менен эшикти ачып, баланы ИИМ кызматкерлерине өткөрүп беришкен.

Милицияга батирде кичинекей кыз ыйлап жатат деген билдирүү 01:30да түшкөн. Баланын денесинде жаракаттар жок экени айтылат.

Алгачкы маалыматтар боюнча, эки жаштагы кыз атасы менен жашайт. Энеси чет мамлекетке иштеп кеткен.

Милиционерлер ата-эненин аты-жөнүн аныктап, түшүндүрүү иштерин жүргүзүүдө. Териштирүү иштери бүткүчө наристе Балдар үйүндө болот.

Укук коргоо органдары бала кантип жалгыз калганын аныктоодо. Материалдар Свердлов районунун балдар иштери боюнча комиссиясына өткөрүп берилет.

150
Белгилер:
ата-эне, батир, наристелер, милиция, балдар үйү, Бишкек
Тема боюнча
Оштогу бала бакчада кыз сабалды деген маалымат боюнча териштирүү башталды
Жүк ташуучу унаалар. Архив

Милиция: Баткенде кармалган Тажикстандын 3 фурасы кыргыздардыкына алмаштырылат

420
(жаңыланган 23:12 11.05.2021)
Үч фура 7-майдан бери чек ара тилкелериндеги окуяга байланыштуу коопсуздук үчүн милиция кызматкерлеринин карамагында болгон.

БИШКЕК, 11-май — Sputnik. Баткен облусунун кире бериш аймагынан токтотулган Тажикстандын жүк ташып бара жаткан унаалары милиция тарабынан кармалып турган. Бул тууралуу Баткен облустук милициянын маалымат кызматы кабарлады.

Билдирмеге караганда, үч фура 7-майдан бери чек ара тилкелериндеги окуяга байланыштуу коопсуздугун камсыздоо максатында милиция кызматкерлеринин карамагында болгон.

“Бүгүн, 11-майда, кармалган фураларды Баткен ОИИБдин унаа токтотуучу жайына Жол кыймылынын коопсуздугун камсыздоо кызматынын коштоосунда Баткен шаарына алып келе жаткан. Кыргыз жарандарынын жети фурасы Тажикстанда кармалып турат. Эки өлкөнүн ИИМ жетекчилеринин сүйлөшүүсүнүн натыйжасында жүк ташуучу унаалар алмаштырылат”, — деп айтылат маалыматта.

Буга чейин социалдык тармактарда Тажикстандын жүк ташуучу унааларын Кыргызстандын укук коргоо органдары коштоп чек арадан өткөрүүгө аракет кылган деген видео тараган.

420
Белгилер:
милиция, Тажикстан, алмашуу, фура, Баткен
Тема боюнча
УКМК Тажикстанга Баткен аркылуу бензин ташылууда деген маалыматты четке какты
Лейлекте чек ара чырында уурдалган 16 унаанын үчөө Тажикстандан кайтарылды
Кызгалдак гүлдөгөн талаа. Архив

Шаршембиге карата аба ырайы

47
12-майга караган түнү нөшөрлүү жаан-чачынга байланыштуу Ош, Жалал-Абад жана Баткен облустарынын дарыяларында суунун деңгээли көтөрүлүп, тоолуу райондордо сел жүрүшү мүмкүн.

БИШКЕК, 11-май — Sputnik. Шаршембиде күндүз туруксуз аба ырайы күтүлүп, көпчүлүк аймактарда мезгил-мезгили менен жаан жаап, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Абанын температурасы төмөндөйт. Чүй, Талас облустарында +18…+23, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +17…+22 градусту көрсөтөт.

Күндүн табы Бишкекте +21…+23, Ош шаарында +25…+27 градус болот.

47
Белгилер:
Кыргызстан, аба ырайы
Тема боюнча
Жаан жаап, күн күркүрөйт. Бир аптага карата аба ырайы