Садыр Жапаров Бишкектеги балдарды жана үй-бүлөлөрдү реабилитациялоонун адистештирилген борборуна барды

Бала асыроо жөнөкөйлөштүрүлүп, атайын борбордогу балдардын саны азайды

110
(жаңыланган 15:45 27.04.2021)
Мамлекет башчысына балдарды асырап алуу кызматын сунуштаган автоматтык маалымат базасы бар электрондук портал көрсөтүлгөн.

БИШКЕК, 27-апр. — Sputnik. Бала асырап алуу процедурасын жөнөкөйлөтүү боюнча жүргүзүлгөн реформалардын натыйжасында атайын борборлордогу балдардын саны кыйла азайды. Бул тууралуу Бишкектеги Балдарды жана үй-бүлөлөрдү реабилитациялоонун адистештирилген борборунун директору Чолпон Арыкбаева билдиргенин президенттин маалымат кызматынан кабарлашты.

  • Специализированный центр реабилитации детей и семьи в Бишкеке. 27 апреля 2021 года
    Бала асырап алуу процедурасын жөнөкөйлөтүү боюнча жүргүзүлгөн реформалардын натыйжасында атайын борборлордогу балдардын саны кыйла азайды
    © Пресс-служба президента КР / Султан Досалиев
  • Президент КР Садыр Жапаров посетил Специализированный центр реабилитации детей и семьи (СЦРДиС) в Бишкеке. 27 апреля 2021 года
    Бүгүн, 27-апрелде, мамлекет башчы Садыр Жапаров аталган борборго барып балдарды коргоо чөйрөсүндөгү реформаларды ишке ашыруунун жүрүшү менен таанышты
    © Пресс-служба президента КР / Султан Досалиев
  • Работница Специализированного центра реабилитации детей и семьи (СЦРДиС) в Бишкеке. 27 апреля 2021 года
    Мамлекет башчысына балдарды асырап алуу кызматын сунуштаган автоматтык маалымат базасы бар электрондук портал көрсөтүлгөн
    © Пресс-служба президента КР / Султан Досалиев
  • Президент КР Садыр Жапаров во время посещения Специализированного центра реабилитации детей и семьи (СЦРДиС) в Бишкеке. 27 апреля 2021 года
    Жолугушуунун жыйынтыгында Садыр Жапаров аталган мекеменин директоруна балдарды ташуу үчүн унаа сатып алууга 700 миң сомдук күбөлүк тапшырды
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Бала асырап алуу процедурасын жөнөкөйлөтүү боюнча жүргүзүлгөн реформалардын натыйжасында атайын борборлордогу балдардын саны кыйла азайды

Бүгүн, 27-апрелде, мамлекет башчы Садыр Жапаров аталган борборго барып балдарды коргоо чөйрөсүндөгү реформаларды ишке ашыруунун жүрүшү менен таанышты.

"Буга чейин аталган борбордо 100гө жакын бала болгон болсо, асырап алуу процедураларын жөнөкөйлөтүү боюнча жүргүзүлгөн реформалардын натыйжасында мындагы балдардын саны кыйла кыскарды. Учурда борбордо 24 бала тарбияланууда. Мындан тышкары, жалпы өлкө аймактарынан келген ден соолугунун жетилишинде өзгөчөлүктөрү бар жүзгө жакын бала реабилитация жана калыбына келтирүү курстарынан өтүп жатышат", — деди Арыкбаева.

Мамлекет башчысына балдарды асырап алуу кызматын сунуштаган автоматтык маалымат базасы бар электрондук портал көрсөтүлгөн.

Президент Садыр Жапаров. Архив
© Пресс-служба президента КР / Султан Досалиев
"Бул маалыматтык тутум менчиктин бардык түрүндөгү интернат тибиндеги мекемелерди камтыйт. Ал бала асырап алуунун жол-жобосун кыйла жөнөкөйлөтөт жана анын жардамы менен бала асырап алуу үчүн ар бир адам аралыктан кайрылып, арыз бере алат. Муну менен көптөгөн бюрократиялык жана коррупциялык тоскоолдуктар жоюлат. Бала асырап алуу үчүн арыздарды каттоо Мамлекеттик электрондук кызмат көрсөтүүлөр порталында электрондук түрдө жүргүзүлөт", — деп билдиришкен борбордон.

Ошондой эле кызматкерлер президенттен турак жай менен камсыздоо маселесин карап чыгууну суранышты. Жапаров жакынкы айларда бардык категориядагы жарандарга ипотекалык насыянын жеткиликтүүлүгүн жогорулатуу боюнча мыйзам чыгаруу жаатында иш-чаралар көрүлөрүн айтты. Мамлекет башчы бюджеттик чөйрөдөгү кызматкерлердин эмгек акысын этап-этабы менен жогорулатуу пландары жөнүндө дагы маалымат берди.

Жолугушуунун жыйынтыгында Садыр Жапаров аталган мекеменин директоруна балдарды ташуу үчүн унаа сатып алууга 700 миң сомдук күбөлүк тапшырды.

110
Белгилер:
Балдарды жана өспүрүмдөрдү реабилитациялоо борбору, балдар, Садыр Жапаров, Кыргызстан
Тема боюнча
ӨКМ: Бишкектеги батирде түндө эки жашар бала жалгыз калган
Президенттен комуз сураган Адинай белегин алды. Сүрөт
Медициналык кызматкер COVID-19га тест даярдап жатат. Архив

Бир суткада коронавирус 254 кишиден табылып, 5 бейтап көз жумду

6
(жаңыланган 10:58 10.05.2021)
Кечээтен бери жети медиктен коронавирус аныкталган. Анын бирөө ооруну "кызыл зонадан" жуктуруп алганы айтылды.

БИШКЕК, 10-май — Sputnik. Өткөн суткада коронавирус 254 бейтаптан аныкталып, 257си айыкты. Бул тууралуу Саламаттык сактоо министрлигинин маалымат кызматы кабарлады.

Жуктургандар:

  • Бишкек – 195;
  • Ош шаары - 3;
  • Ош облусу -1;
  • Чүй облусу – 25;
  • Нарын облусу - 4;
  • Ысык-Көл облусу – 17;
  • Жалал-Абад облусу – 9.

Ушуну менен оору илештиргендердин жалпы саны 98 654кө жетти.

Айыккандар:

  • Бишкек – 187;
  • Ош шаары - 7;
  • Ош облусу -3;
  • Чүй облусу – 42;
  • Нарын облусу - 1;
  • Ысык-Көл облусу – 7;
  • Жалал-Абад облусу – 4;
  • Талас облусу - 6.

Жалпысынан 91 816 бейтап ооруну жеңген.

Тилекке каршы, өткөн суткада коронавирус беш адамдын өмүрүн алды. Анын ичинен үчөө Бишкекте, экөө Чүйдө көз жумган. Жалпы жонунан 1 660 киши коронавирустун курмандыгы болду.

Кечээтен бери жети медиктен коронавирус табылган. Анын бирөө ооруну "кызыл зонадан" жуктуруп алганы айтылды.

6
Белгилер:
өлүм, бейтап, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Айт намаздын Бишкекте окулушу боюнча мэрия пикирин билдирди
COVID-19: медиктерге компенсация төлөө үчүн 243 млн. сом бөлүндү
Бишкектеги Айт Намаздагы кишилер. Архив

Айт намаздын Бишкекте окулушу боюнча мэрия пикирин билдирди

19
(жаңыланган 10:59 10.05.2021)
Учурда эпидемиологиялык абал учурда кыйын болуп турат, андыктан жума намазды да мечиттерде чогулуп окууга тыюу салуу сунушу бар.

БИШКЕК, 10-май — Sputnik. Бишкектин мэриясы борбор калаадагы эпидемиологиялык кырдаалдан улам айт намаздын Эски аянтта окулушун чектөөнү сунуштады. Бул туурасында Мамлекеттик санитардык-эпидемиологиялык көзөмөл борборунун башкы дарыгери Айнагүл Рыскулбекова билдирди.

Анын айтымына караганда, эпидемиологиялык абал учурда кыйын болуп турат, андыктан жума намазды да мечиттерде чогулуп окууга тыюу салуу сунушу бар. Рыскулбекова жалпысынан эле эл көп санда чогулган иш-чараларга абал турукташмайын чектөө коюу керектигин билдирди. Акыркы статистиканы эске салсак, Бишкекте 195 адамдан коронавирус чыкты.

Буга чейин муфтият Орозо айт 13-майга туш келерин айтып, адаттагыдай айт намаздын Эски аянттан окулар-окулбасын так билдирген эмес.

19
Белгилер:
коронавирус, мэрия, Айт намаз, Бишкек
Тема:
Орозо-2021
Тема боюнча
Кыргызстанда Орозо айт 13-майда белгиленет