Президент Садыр Жапаров Эскерүү багы акциясынын алкагында көчөт отургузду

Жапаров Улуу Ата Мекендик согуштун курмандыктарынын элесине арнап бак отургузду

62
(жаңыланган 16:39 27.04.2021)
Өлкө башчы мамлекеттик түзүмдөрдүн, жергиликтүү бийлик органдарынын кызматкерлерин жана жалпы элди акцияга катышып, ата-бабалардын элесине таазим этип, ошондой эле аймактарды жашылдандырууга салым кошууга чакырды.

БИШКЕК, 27-апр. — Sputnik. Президент Садыр Жапаров "Эскерүү багы" акциясынын алкагында Бишкектеги Балдарды жана үй-бүлөнү реабилитациялоо адистештирилген борборуна (балдар үйү — ред.) көчөт отургузду. Бул тууралуу өлкө башчынын маалымат кызматынан билдиришти.

  • Президент Кыргызстана Садыр Жапаров во время посадки деревьев в рамках международной акции Сад памяти в Бишкеке
    Президент Садыр Жапаров "Эскерүү багы" акциясынын алкагында Бишкектеги Балдарды жана үй-бүлөнү реабилитациялоо адистештирилген борборуна көчөт отургузду
    © Пресс-служба президента КР / Султан Досалиев
  • Высадка деревьев на территории Специализированного центра реабилитации детей и семьи в Бишкеке в рамках международной акции Сад памяти
    Бул тууралуу өлкө башчынын маалымат кызматынан билдиришти
    © Пресс-служба президента КР / Султан Досалиев
  • Высадка деревьев на территории Специализированного центра реабилитации детей и семьи в Бишкеке в рамках международной акции Сад памяти
    Анда президент иш-чара Улуу Ата Мекендик согуштагы жеңиштин 76 жылдыгына арналганын айтып, жеңиштин дүйнө тарыхына тийгизген таасиринин маанисине токтолду
    © Пресс-служба президента КР
  • Высадка деревьев на территории Специализированного центра реабилитации детей и семьи в Бишкеке в рамках международной акции Сад памяти
    "Жеңишке жетүүдө согуш талааларында курман болгон ата-бабаларга, тылдагы эмгекчилерге таазим этебиз. Аталардын жана чоң аталардын эрдиги, баатырдыгы кыргыз элинин эсинде түбөлүккө сакталып калат", — деди Жапаров
    © Пресс-служба президента КР
  • Высадка деревьев на территории Специализированного центра реабилитации детей и семьи в Бишкеке в рамках международной акции Сад памяти
    Өлкө башчы бардык мамлекеттик түзүмдөрдүн, жергиликтүү бийлик органдарынын жетекчилери менен кызматкерлерин, өлкөнүн катардагы жарандарын бул акцияга катышып, ата-бабалардын элесине таазим этип, ошондой эле аймактарды жашылдандырууга салым кошууга чакырды
    © Пресс-служба президента КР / Султан Досалиев
1 / 5
© Пресс-служба президента КР / Султан Досалиев
Президент Садыр Жапаров "Эскерүү багы" акциясынын алкагында Бишкектеги Балдарды жана үй-бүлөнү реабилитациялоо адистештирилген борборуна көчөт отургузду

Анда президент иш-чара Улуу Ата Мекендик согуштагы жеңиштин 76 жылдыгына арналганын айтып, жеңиштин дүйнө тарыхына тийгизген таасиринин маанисине токтолду.

"Жеңишке жетүүдө согуш талааларында курман болгон ата-бабаларга, тылдагы эмгекчилерге таазим этебиз. Аталардын жана чоң аталардын эрдиги, баатырдыгы кыргыз элинин эсинде түбөлүккө сакталып калат", — деди Жапаров.

Өлкө башчы бардык мамлекеттик түзүмдөрдүн, жергиликтүү бийлик органдарынын жетекчилери менен кызматкерлерин, өлкөнүн катардагы жарандарын бул акцияга катышып, ата-бабалардын элесине таазим этип, ошондой эле аймактарды жашылдандырууга салым кошууга чакырды.

62
Белгилер:
Улуу Ата Мекендик согуш, көчөт, акция, Садыр Жапаров
Тема боюнча
Борбордо Ленинград блокадасынын курмандыктарынын элесине бак отургузулду. Видео
Бала асыроо жөнөкөйлөштүрүлүп, атайын борбордогу балдардын саны азайды
Жүргүнчүлөр жамгыр учурунда. Архив

Ишембиге карата аба ырайы

23
15-майга караган түнү температуранын жогорулашына жана күтүлүп жаткан нөшөрлүү жаан-чачынга байланыштуу суунун деңгээли кескин көтөрүлүп, тоолуу жана тоо этектериндеги райондордо сел жүрүү коркунучу бар.

БИШКЕК, 14-май — Sputnik. Ишембиде күндүз республика аймагында жамгыр жаап, күн күркүрөшү мүмкүн. Бул тууралуу Кыргызгидромет билдирди.

Абанын температурасы Чүй, Талас облустарында +19…+24, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +13…+18 градус болот.

Бишкек жана Ош шаарларында жамгыр жаап, күн күркүрөшү күтүлөт. Күндүн табы борбордо +22…+24, Ош шаарында +25…+27 градусту көрсөтөт.

23
Белгилер:
Кыргызстан, май, аба ырайы
Тема боюнча
Жакында "Супер Ай" толугу менен тутулат. Кубулушту кимдер көрө алат
Медициналык кызматкер лабораторияда

Германия коронавирустун Кыргызстандагы штаммдарын аныктаган реагенттерди берди

28
(жаңыланган 19:40 14.05.2021)
Коронавирустун штаммдарынан сырткары, Кыргызстандын лабораторияларына 50 миң ПЦР-тест тапшырылганы белгиленди.

БИШКЕК, 14-май — Sputnik. Германия коронавирустун Кыргызстандагы штаммдарын аныктоо үчүн реагенттерди алып берди. Бул тууралуу Саламаттык сактоо министрлигинен билдиришти.

Маалыматка караганда, бүгүн, 14-майда, саламаттык сактоо жана социалдык өнүктүрүү министри Алымкадыр Бейшеналиев Германиянын Кыргызстандагы элчиси Моника Иверсен, Германия менен Россиянын эл аралык адистери менен жолуккан.

"Үстүбүздөгү жылдын 10-майында Кыргызстанга германиялык бир нече окуу жайлардын медицина өкүлдөрү келишкен. Адистер Кыргызстандын лабораторияларынын кызматкерлерин штаммдарды аныктоого окутуп жатышат. Эми жардам катары берилген реагенттер Кыргызстандын аймагында коронавирустун штаммдарын аныктоого жардам берет", — деп айтылат маалыматта.

Жабдыктан сырткары, лабораторияга 50 миң ПЦР-тест тапшырылган. Министр Алымкадыр Бейшеналиев Германиянын элчиси менен эл аралык адистерге Кыргызстандын саламаттык сактоо системасына көрсөткөн колдоосуна ыраазычылык билдирди.

28
Тема:
Коронавируска байланыштуу Кыргызстандагы кырдаал
Тема боюнча
Өткөн суткада 200 кишиден коронавирус табылып, 6 бейтап көз жумду
ТИМ Түркияга бара турчуларга сактык полисин алууну эскертти. Артыкчылыгы
УКМК имараты. Архив

Жээнбеков генерал наамдарын мыйзамсыз ыйгарганбы? УКМК текшере баштады

0
(жаңыланган 22:55 14.05.2021)
Интернетте экс-президент Сооронбай Жээнбеков генерал наамдарын мыйзамсыз берген деген маалыматтар тарап жатат.

БИШКЕК, 14-май — Sputnik. Улуттук коопсуздук мамлекеттик комитети мурдагы ички иштер министринин орун басарлары менен УКМК төрагасынын мурдагы орун басарына генерал наамдары ыйгарылган деген маалыматты текшерип жатат. Бул тууралуу атайын органдын маалымат кызматы кабарлады.

Буга чейин интернетте экс-президент Сооронбай Жээнбеков иштен кетер алдында өткөн дата менен ошол кездеги ички иштер министринин орун басарлары Мирлан Канимет менен  Алмазбек Орозалиевге жана УКМК төрагасынын биринчи орун басары Талант Салиевге генерал наамдарын тапшырып кеткен деген маалымат тараган.

Орозалиев кызматынан 21-октябрда кол жууса, Каниметов 3-апрелде кеткен. Ал эми Салиев жумуштан 16-октябрда бошотулган.

Кыргызстанда канча генерал бар экенин Sputnik Кыргызстан агенттиги даярдаган материалдан окуй аласыздар

0
Белгилер:
УКМК, текшерүү, наам, генерал
Тема боюнча
Садыр Жапаров дагы бир жетекчиге генерал наамын берди