Мамлекеттик каттоо кызматынын ишкери

Мамкаттоо жарандарга берилген ашыкча ПИНди кароо мөөнөтүн кыскартты

125
(жаңыланган 17:34 27.04.2021)
Буга чейин соцтармактарда жарандар паспорт алууда ПИН көйгөйү жаралганын айтып нааразы болушкан. Алар документинин мөөнөтү аяктап алмаштырарда маалыматтык базадан бир адамга эки же андан ашык ПИН ыйгарылып калганы белгилүү болгон.

БИШКЕК, 27-апр. — Sputnik. Жарандарга туура эмес берилген персоналдык идентификациялык номерлерди (ПИН) оңдоо боюнча арыздарды кароо мөөнөтү кыскартылды. Бул тууралуу Мамлекеттик каттоо кызматынан билдиришти.

Маалыматка караганда, мындан ары ПИН боюнча арыздар бир күндөн үч күнгө чейинки убакыт аралыгында каралып, кызмат бекер көрсөтүлөт.

Персоналдык идентификациялык номер баланын туулгандыгы тууралуу каттоо болуп жаткан учурда берилет.

Белгилей кетсек, буга чейин соцтармактарда жарандар паспорт алууда ПИН көйгөйү жаралганын айтып нааразы болушкан. Документинин мөөнөтү аяктап алмаштырарда маалыматтык базадан бир адамга эки же андан ашык ПИН ыйгарылып калганы белгилүү болгон. Ашыкча ПИНдерди өчүртүүгө бир айга жакын убакыт кеткен. Бул аралыкта жарандар паспортун ала албай убара тартышкан.

Мамлекеттик каттоо кызматы бир эле адамдан эки-үч ПИН чыгып калган учурларга төмөнкүчө түшүндүрмө берген.

"Персоналдык идентификациялык номерлер жеке ишкерлерге 90-жылдары эле Салык кызматы тарабынан бериле баштаган. Андан кийин ПИНди берүү милдети Социалдык фондго жүктөлгөн. Себеби пенсия аларда ар бир адамдын бирдей жеке номери болсун деп аталган кызмат жалпы жарандарга берип баштаган. Ал мезгилде автоматташтырылган система жок болгондуктан, ПИН алууга адам өзү да, иштеген жери да кайрыла берип бир эле адамга эки-үч ПИН берилип кеткен", — деп айтылат Мамкаттоонун маалыматында.

ПИН берүү функциясы Каттоо кызматына 2016-жылдын 1-августунан тарта өткөн.

125
Белгилер:
Кыргызстан, жаран, оңдоо, Мамлекеттик каттоо кызматы
Тема боюнча
Нарында Памирден келген этникалык кыргыздар паспорт алды. Сүрөт
Марипов: паспорт көйгөйү чечилди, 3-майдан тарта документтер кабыл алынат
Аткаминер. Архив

Эсен Шерботоев "Кыргыз почтасынын" башкы директору болуп дайындалды

27
(жаңыланган 22:54 18.05.2021)
Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

БИШКЕК, 18-май — Sputnik. Эсен Шерботоев "Кыргыз почтасы" ишканасынын башкы директору болуп дайындалганын аталган мекемеден билдиришти.

Тиешелүү буйрукка өкмөт башчы Улукбек Марипов кол койгон.

Бүгүн, 18-майда, министрлер кабинетинин төрагасынын орун басары жана санариптик өнүгүү министри Азамат Дыйканбаев Шерботоевди ишкананын жамаатына тааныштырды.

Министр жаңы директорго ийгилик каалап, почтанын ишине олуттуу колдоо көрсөтөрүнө ишене турганын айтты. Ал эми Шерботоев артылган ишеним үчүн ыраазычылык билдирди.

"Учурда байланыш жана коммуникация тармагынын санариптик трансформациялоо багытында динамикалык өзгөрүүлөр болуп жатат. Биргелешкен аракеттер менен почта ишин өркүндөтөбүз", — деди ал.

Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

27
Белгилер:
Эсен Шерботоев, жетекчи, "Кыргыз почтасы" мамлекеттик ишканасы
Тема боюнча
"Кумтөрдүн" убактылуу тышкы башкаруучусу жамаатка тааныштырылды. Сүрөт
"Кыргыз почтасы" элди алдамчылардан сак болууга чакырды
Автоунаа кум борошосун учурунда. Архив

Жүрөк үшүн алат! Чаңдуу бороон Казакстандын райондорун каптаган видео

107
(жаңыланган 22:18 18.05.2021)
Метеорологдор мындай жаратылыш кубулушу региондо көп убакыт жаан жаабай кургак болуп, температура кескин өзгөрүп кеткенде башталарын айткан.

БИШКЕК, 18-май — Sputnik. Түндүк Казакстан облусунун бир катар райондорунда бүгүн чаңдуу бороон болду. Бул тууралуу Sputnik Казакстан жазды.

Социалдык тармактын колдонуучулары муну "Күн тутулуп жаткандай" деп сүрөттөп, айланада эч нерсе көрүнбөй калганын жазышкан.

Агенттикке Казгидрометтин облустук филиалы чаңдуу бороон аймакта көп убакыт жаан жаабай кургак болуп, температура кескин өзгөрүп кеткенде башталарын айткан.

Посмотреть эту публикацию в Instagram

Публикация от Петропавловск Казахстан СКО (@sko_kz)

Ошондой эле метеорологдор Тайынша районунда шамалдын ылдамдыгы секундасына 33 метрге чейин жеткенин айтышкан. Жакынкы метеорологиялык станциялар дагы шамалдын ылдамдыгы секундасына 20 метрден ашканын каттаган.

107
Белгилер:
видео, аба ырайы, чаң, бороон, Казакстан
Тема боюнча
Индонезиядагы катуу торнадо шаарды жабыркатты. Алай-дүлөйдүн видеосу