Аэропортто жүргүнчүлөр каттоо учурунда. Архив

Паспорт кризиси: Мамкаттоо чет өлкөгө чыкчу жарандарга эскертүү берди

173
(жаңыланган 18:27 27.04.2021)
Документти текшерүүдөн өткөрүү жана персоналдаштыруу процесси 18 жумушчу күндө (31-майга чейин) аткарылат.

БИШКЕК, 27-апр. — Sputnik. Мамлекеттик каттоо кызматы жалпы жарандык паспорт майдын аягында жарандардын колуна тиерин убадалап, жол-жобосу боюнча эскертүү берди.

Маалыматка ылайык, апрель айынын аягына чейин калкты тейлөө борборлорунда учурда колдонулуп жаткан (2006-жылкы) үлгүдөгү чет өлкөгө чыгуучу паспортту алууга документ тапшырса болот.

Ал эми 3-майдан тарта жаңы үлгүдөгү жалпы жарандык биометрикалык паспортуна арыздарды кабыл алуу башталат. Документти текшерүүдөн өткөрүү жана персоналдаштыруу процесси 18 жумушчу күндө (31-майга чейин) аткарылат. Ошондой эле мындай үлгүдөгү паспортторду шашылыш түрдө, башкача айтканда, эки-үч күндүн аралыгында берүү процесси май айынын аягында башталары белгиленет.

"Ушуга байланыштуу Мамлекеттик каттоо кызматы жакынкы аралыкта чет өлкөгө сапарларды пландаштырып жаткан жана паспортко муктаж жарандарды апрелдин аягына чейин паспорт алуу үчүн белгиленген тартипте кайрылууга чакырат", — деп жазылат маалыматта.

Паспорт кризиси

Кыргызстандыктар жалпы жарандык паспорт ала албай үч айдан бери убара тартууда. Мамлекеттик каттоо кызматы жаңы үлгүдөгү электрондук биометрикалык паспортторду берүүгө камынган. Бирок алар өз убагында даяр болгон эмес. Ал эми эски үлгүдөгү жалпы жарандык паспортторду чыгарууну токтотуп коюшкан. Мунун кесепетинен чет өлкөгө чыгуучу паспорттун тартыштыгы жаралды.

Ал арада Sputnik Кыргызстан агенттиги жарандарды тушап койгон паспорт кризиси эмнеден келип чыкканын иликтеген.

173
Белгилер:
кабыл алуу, документ, Мамлекеттик каттоо кызматы, Берүү, паспорт
Тема боюнча
Марипов: паспорт көйгөйү чечилди, 3-майдан тарта документтер кабыл алынат
Майдан тарта ID-карта акысыз бериле баштайт. Өкмөт шартын түшүндүрдү
Коронавируска анализ жасоо үчүн үлгү алып жаткан медицина кызматкери. Архив

Коронавирус 234 кишиге жугуп, жети бейтап көз жумду

7
(жаңыланган 11:46 18.05.2021)
Акыркы суткаларда өлкө боюнча күн сайын 7-8 адамдын өмүрү кыйылууда. Жалпысынан коронавирустан 1 718 адам каза тапты.

БИШКЕК, 18-май — Sputnik. Өлкө боюнча бир сутка ичинде 234 кишиден коронавирус табылып, 282 бейтап айыкты. Бул тууралуу Республикалык штаб кабарлады.

Жуктургандар:

  • Бишкек шаары — 112;
  • Ош шаары — 3;
  • Чүй облусу — 81;
  • Ош облусу — 25;
  • Талас облусу — 1;
  • Нарын облусу — 2;
  • Жалал-Абад облусу — 1;
  • Баткен — 3;
  • Ош облусу — 6.

Ушуну менен коронавирус жуктургандардын жалпы саны 100 966га жетти.

Айыккандар:

  • Бишкек шаары — 187;
  • Ош шаары — 3;
  • Чүй облусу — 61;
  • Ош облусу — 5;
  • Талас облусу — 2;
  • Нарын облусу — 8;
  • Ысык-Көл облусу — 12;
  • Жалал-Абад облусу — 3;
  • Баткен — 1.

Жалпысынан 94 168 бейтап дартты жеңди.

Тилекке каршы, өткөн суткада илдет дагы жети адамдын өмүрүн алды. Анын ичинен алтоо Бишкектен болсо, бири Чүйдөн экени белгилүү болду. Жалпысынан коронавирустан 1 718 адам каза тапты.

Акыркы суткада 5 594 кишиге ПЦР-изилдөө жүргүзүлдү.

7
Белгилер:
коронавирус, статистика, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Түркияда пандемиянын эң кыйын учуру бүттү. Эрдоган элге кайрылды
Унаа жолу. Архив

Кыргызстан менен Өзбекстан транспорттук байланышын күчөтөт

41
(жаңыланган 10:52 18.05.2021)
Эки өлкөнүн делегациялары транспорттук байланышын бекемдөө үчүн Ош — Сары-Таш — Эркечтам коридорун бойлой изилдөө иштерин жүргүзүп жатат.

БИШКЕК, 18-май — Sputnik. Кыргызстан менен Өзбекстан Кашгар — Эркечтам — Ош — Анжиян — Ташкент аркылуу өткөн мультимодалдык транспорт коридорун рационалдуу пайдалануу жолун издей баштады. Бул үчүн коңшу өлкөнүн транспорт министри Ильхом Махкамов менен анын кыргызстандык кесиптеши Гүлмира Абдралиева жолугуп сүйлөшкөнүн Sputnik Өзбекстан агенттиги жазды.

Учурда эки өлкөнүн делегациялары Кыргызстан менен Өзбекстандын транспорттук байланышын бекемдөө үчүн Ош — Сары-Таш — Эркечтам коридорун бойлой изилдөө иштерин жүргүзүп жатат. Мунун алкагында адистер "Эркечтам" өткөрүү пунктунун ишмердүүлүгүн көрүп чыкты. Мындан тышкары, алар Чыйырчык, Талдык, Тоң-Мурун ашууларына барышты.

Белгилей кетсек, бир нече жылдан бери пландалып, бирок ишке ашпай жаткан Кытай — Кыргызстан — Өзбекстан темир жолу дагы дал ушул Кашкар — Эркечтам — Ош — Анжиян — Ташкент багыты боюнча өтөт.

41
Белгилер:
жол, транспорт, Өзбекстан, Кыргызстан
Тема боюнча
23 жыл мурдагы демилге. Өзбекстан быйыл Дүйнөлүк соода уюмуна кирүүгө аракет кылат