Электр станциясы. Архив

Бишкектин 35 көчөсүндө электр жарыгы өчөт. 28-апрелге карата график

88
Шаардын борбордук көчөлөрүнүн жашоочулары да, мекеме-ишканалары да, конуштар менен кичи райондордун тургундары да убактылуу жарыксыз калышат. Бул пландалган оңдоо иштерине байланыштуу болууда.

БИШКЕК, 27-апр. — Sputnik. Бишкекте 28-апрелде 35 көчөнүн бөлүктөрүндө электр жарыгы өчүшү мүмкүн. Бул тууралуу маалымат "Түндүк электр" ишканасынын сайтына чыкты.

Эртең мекеменин жумушчулар тобу чубалгыларды монтаждоо, трансформаторлорду алмаштыруу, темир-бетон түркүктөрүн орнотуу жана башка иштерди жасашат.

Өчүрүү графиги:

  • 9:00дөн 17:00гө чейин — Токтоналиев көчөсүнүн бөлүгүндө (№ 26 турак үй);
  • 9:00дөн 18:00гө чейин — Рыскулов, Тимирязев көчөлөрүнүн айрым бөлүктөрүндө, Арча-Бешик конушунда (Он-Арча көчөсү), Киргизия-1 конушунда (Смоленская көчөсү), Ынтымак конушунда (Кырман көчөсү) жана Чоң-Арык айылында (Центральная көчөсү);
  • 9:30дан 14:00гө чейин — Рухий-Мурас конушунда (7 жана 8-көчөлөрү);
  • 9:30дан 16:00гө чейин — Туңгуч кичи районунда (№57, 59-65, 64/1, 64/2, 67-71 турак үйлөрү);
  • 9:30дан 17:00гө чейин — Панфилов жана Сүйөркулов көчөлөрүнүн айрым бөлүктөрүндө (№4б турак үйү);
  • 9:30дан 18:00гө чейин — Кудрук, Манас, Ананьева, Күрөңкеев, Профессор Зима, Жибек жолу, Ташкент, Токтогул, Манасчы Сагынбай, Махатма Ганди жана Ала-Арча көчөлөрүнүн бөлүктөрүндө;
  • 10:00дөн 13:00гө чейин — Тоголок Молдо көчөсүнүн Васильев көчөсүнөн Щербаков көчөсүнө чейинки бөлүгүндө;
  • 10:00дөн 17:00гө чейин —Курманжан датка, Саратовск, Хивинский жана Лермонтов көчөлөрүндө;
  • 10:00дөн 18:00гө чейин — Арча-Бешик конушунда (Камбар-Ата, Эр-Тайлак көчөлөрүндө);
  • 12:00дөн 17:00гө чейин — Рухий-Мурас конушунда (5-6-көчөлөрү);
  • 14:00дөн 17:00гө чейин — Көк-Жар конушунда (Куйручук, Тоң, Конорчок, Көк-Жар, Шабдан Баатыр көчөлөрүндө).
88
Белгилер:
"Түндүк Электр" ишканасы, электр жарыгы
Тема боюнча
Эртең Бишкектин чок ортосунда суу болбойт

Исландияда жанар тоо жайгашкан жерди сатыкка коюшту. Видео

7
Фаградальсфьядль вулканы жайгашкан жерге жергиликтүү үй-бүлө ээлик кылат. Алар аймакты бөлүп же толугу менен сатканга макул.

Исландияда Фаградальсфьядль вулканы ойгонуп жаткан жер сатыла тургандыгын Bloomberg агенттиги жазды.

Аймак Храун дыйкан чарбасына тиешелүү. Анна Тордис Гудмундсдоттир бул жер алардын ата-бабасынан калганын айтып, "кимдир бирөөлөр эл келип, кызыгып карай турган жай курса" деген ниетин билдирген.

Тилкенин бөлүгү же баары толугу менен сатылмакчы. Анна эки кардар чыгып, жакшы баа сунуштаганын да айтып берген.

"Бул аймак өзүнө ылайык баага сатылат, бизге кеминде эки кишиден сунуш түштү", — деген ал.

Адистер жанар тоонун атылышы бир нече жылдарга созулушу мүмкүн экендигин айтып, бул жерге болгон кызыгуу барган сайын артарын кошумчалашкан.

Исландиянын бийлиги ал тилкени сатып алуугу ашыккан жок. Бирок автоунаалар токтоочу жай, тик учак конуучу аянтча жана туристтерди тейлей турган борбор курууга жарым миллион доллар бөлүп берүүгө даяр экендигин айткан.

Маалымат үчүн айтсак, Фаградальсфьядли 2021-жылдын март айынан тарта ойгоно баштаган. Жанар тоо Рейкьявиктиен түштүк-батышты карай 30 чакырым аралыкта жайгашкан.

7
Белгилер:
аукцион, сатык, жанар тоо, Исландия
Тема боюнча
Жалын шыркырап агып. Исландияда тынч жаткан жанар тоонун ойгонгон видеосу
Муздаткыч. Архив

Кайсы азыктарды муздаткычка салбаш керек? Адистин кеңеши

21
Нымдуу, муздак жерде сактабай турчу азык, жашылчалардын арасында сарымсак, пияз, зайтун майы дагы бар.

БИШКЕК, 18-май — Sputnik. Айрым азыктарды муздаткычта сактоого таптакыр болбойт. Себеби төмөнкү температура жана нымдуулуктан алар тез көгөрүп, пайдалуулугун жана даамын жоготуп коет. Бул тууралуу My Health Reads басылмасынын туура тамактануу жаатындагы адистери айтканын РИА Новости жазды.

Адистер картошканы жуубай, кургак, күн тийбеген жерге сакташ керектигин эскертишкен. Эгер бул жашылчаны тоңдуруп койсо даамы өзгөрүп, крахмалы таттуу болуп, өсүмдүктүн түсүн жоготуп коет.

"Муздаткычка эч качан пияз менен сарымсакты сактабагыла. Нымдуу жерден алар бат чирийт. Тазаланган сарымсак бир аз турушу ыктымал, бирок жыты тез эле жоголуп кетет", — деп айтылат маалыматта.

Муздаткычта көпкө сакталбаган азыктар:

  • Бал. Катуу болуп, тоголоктошуп калат;
  • Зайтун майы. Муздаткычта туруп калса даамын жана жытын жоготуп, тунук болбой калат;
  • Жаңгак, кургатылган жемиштер. Даамын жоготуп, катуу болуп калат;
  • Нан. Анын курамындагы крахмал катуу болуп, жыйынтыгында нан көгөрүп, бат бузулуп кетет.
21
Белгилер:
кеңеш, азык, жашылча, муздаткыч
Тема боюнча
Диетолог жумуртканы эртең мененки тамакка колдонбой эле коюуга чакырды
Дүйшөнкулова: адам күн сайын 400 граммдай жашылча-жемиш жеши керек