Бишкек шаарында пранкерден табылган курал

Бишкекте Калашников автоматын алып жүргөн пранкер кармалды. Сүрөт

136
(жаңыланган 12:39 28.04.2021)
С.А. тартип сакчыларга блогер экенин айтып, соцтармактарга курал-жарак менен байланышкан видеороликтерди жарыялап келерин билдирген.

БИШКЕК, 28-апр. — Sputnik. Борбор калаанын криминалдык милициясынын ыкчам кызматкерлери курал көтөрүп жүргөн пранкерди кармады. Бул тууралуу Бишкек ШИИББден билдиришти.

  • Автомат Калашникова изъятая у задержанного в Бишкеке пранкера
    Борбор калаанын криминалдык милициясынын ыкчам кызматкерлери курал көтөрүп жүргөн пранкерди кармады
    © Фото / пресс-служба ГУВД Бишкека
  • Пистолет изъятый у задержанного в Бишкеке пранкера
    Соцтармактарга жүргүзүлгөн мониторингдин алкагында, А. аттуу киши кара бет кап кийип Калашниковго окшош автомат жана үлгүсү белгисиз тапанча менен ок чыгарып жаткан видео аныкталган
    © Фото / пресс-служба ГУВД Бишкека
  • Автомат Калашникова изъятая у задержанного в Бишкеке пранкера
    Факты Кылмыш-жаза кодексинин 253-беренеси ("Куралды мыйзамсыз жүгүртүү") боюнча Кылмыш жана жоруктардын бирдиктүү реестрине каттоого алынган.
    © Фото / пресс-служба ГУВД Бишкека
1 / 3
© Фото / пресс-служба ГУВД Бишкека
Борбор калаанын криминалдык милициясынын ыкчам кызматкерлери курал көтөрүп жүргөн пранкерди кармады

Соцтармактарга жүргүзүлгөн мониторингдин алкагында, А. аттуу киши кара бет кап кийип Калашниковго окшош автомат жана үлгүсү белгисиз тапанча менен ок чыгарып жаткан видео аныкталган.

Факты Кылмыш-жаза кодексинин 253-беренеси ("Куралды мыйзамсыз жүгүртүү") боюнча Кылмыш жана жоруктардын бирдиктүү реестрине каттоого алынган.

"Бишкек шаарынын Сухэ-Батор көчөсүнөн А. аттуу кишиге таандык "01KG ТILEK" деген номер тагылган Infiniti үлгүсүндөгү унаа кармалган. Машинаны тинтүү учурунда багаждан 28 жаштагы С.А. деген адамга таандык куралдар табылган. Териштире келгенде ал куралдарга үч жылдык мөөнөт менен уруксат лицензиясы берилгени аныкталды. С.А. жашаган үй дагы тинтүүгө алынган. Натыйжада уктоочу бөлмөсүнөн Калашников автоматы, 120 даана ок табылды", — деп айтылат маалыматта.

Алынган курал-жарак боюнча тийиштүү экспертиза дайындалды. Анын жыйынтыгына жараша С.А. аттуу жарандын аракеттерине юридикалык баа берилет.

С.А. тартип сакчыларга блогер экенин айтып, соцтармактарга курал-жарак менен байланышкан видеороликтерди жарыялап келерин билдирген. Учурда тергөө амалдары уланып жатат. С.А. суракка келип туруу боюнча милдеттеме менен коё берилген.

136
Белгилер:
курал, блогер, пранкер, автомат, Бишкек
Тема боюнча
Кара-Балтадагы атышуу: милиция актёрлордун оюну болгонун аныктады
Жүк ташуучу унаалар. Архив

Милиция: Баткенде кармалган Тажикстандын 3 фурасы кыргыздардыкына алмаштырылат

396
(жаңыланган 23:12 11.05.2021)
Үч фура 7-майдан бери чек ара тилкелериндеги окуяга байланыштуу коопсуздук үчүн милиция кызматкерлеринин карамагында болгон.

БИШКЕК, 11-май — Sputnik. Баткен облусунун кире бериш аймагынан токтотулган Тажикстандын жүк ташып бара жаткан унаалары милиция тарабынан кармалып турган. Бул тууралуу Баткен облустук милициянын маалымат кызматы кабарлады.

Билдирмеге караганда, үч фура 7-майдан бери чек ара тилкелериндеги окуяга байланыштуу коопсуздугун камсыздоо максатында милиция кызматкерлеринин карамагында болгон.

“Бүгүн, 11-майда, кармалган фураларды Баткен ОИИБдин унаа токтотуучу жайына Жол кыймылынын коопсуздугун камсыздоо кызматынын коштоосунда Баткен шаарына алып келе жаткан. Кыргыз жарандарынын жети фурасы Тажикстанда кармалып турат. Эки өлкөнүн ИИМ жетекчилеринин сүйлөшүүсүнүн натыйжасында жүк ташуучу унаалар алмаштырылат”, — деп айтылат маалыматта.

Буга чейин социалдык тармактарда Тажикстандын жүк ташуучу унааларын Кыргызстандын укук коргоо органдары коштоп чек арадан өткөрүүгө аракет кылган деген видео тараган.

396
Белгилер:
милиция, Тажикстан, алмашуу, фура, Баткен
Тема боюнча
УКМК Тажикстанга Баткен аркылуу бензин ташылууда деген маалыматты четке какты
Лейлекте чек ара чырында уурдалган 16 унаанын үчөө Тажикстандан кайтарылды
Кызгалдак гүлдөгөн талаа. Архив

Шаршембиге карата аба ырайы

44
12-майга караган түнү нөшөрлүү жаан-чачынга байланыштуу Ош, Жалал-Абад жана Баткен облустарынын дарыяларында суунун деңгээли көтөрүлүп, тоолуу райондордо сел жүрүшү мүмкүн.

БИШКЕК, 11-май — Sputnik. Шаршембиде күндүз туруксуз аба ырайы күтүлүп, көпчүлүк аймактарда мезгил-мезгили менен жаан жаап, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Абанын температурасы төмөндөйт. Чүй, Талас облустарында +18…+23, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +17…+22 градусту көрсөтөт.

Күндүн табы Бишкекте +21…+23, Ош шаарында +25…+27 градус болот.

44
Белгилер:
Кыргызстан, аба ырайы
Тема боюнча
Жаан жаап, күн күркүрөйт. Бир аптага карата аба ырайы