Бишкекте киши COVID-19дан каршы Спутник V вакцинасы менен эмделип жатат

"Спутник V" вакцинасын алган кыргызстандыктардын абалы айтылды

174
(жаңыланган 15:42 28.04.2021)
Россиядан келген препаратты азырынча 65 жаштан ашкандар жана өнөкөт оорусу барлар алууда. Өз ыктыяры менен вакцина сайдырууну каалагандарга Sinopharm сунушталып жатат.

БИШКЕК, 28-апр. — Sputnik. Бир жумага жетпей Россиянын "Спутник V" вакцинасынын биринчи дозасын 733 кыргызстандык алды. Бул тууралуу Sputnik Кыргызстан агенттигине Саламаттык сактоо министрлигинин маалымат кызматы кабарлады.

Белгилей кетсек, эмдөө Кыргызстанда 23-апрелде башталган. Россиядан 10 миң кишиге жеткидей препарат алып келинген. Азырынча аталган вакцинаны 65 жаштан ашкандар жана өнөкөт оорусу барлар алууда. Өз ыктыяры менен вакцина сайдырууну каалагандарга Sinopharm сунушталып жатат. Жалпы жонунан өлкөдө 20 458 адам коронавируска каршы эмделгени маалым болду.

Россиядан чыккан вакцинаны алгандардын абалы:

  • жакшы — 83,2 пайыз;
  • баш оору — 1,2;
  • дене табы көтөрүлүү — 4;
  • ийне сайылган жердин оорушу — 2;
  • алсыздык — 2,4;
  • баш айлануу — 1,2;
  • чыйрыгуу — 3,6;
  • кан басымдын көтөрүлүшү— 1,2;
  • оң кабырганын тушунун оорушу — 1,2 пайыз.

Маалым болгондой, бул белгилердин баары вакцина алгандан кийинки эки күндө байкалган. Апрель-май айларында Россиянын "Спутник V" вакцинасынын 60 миң дозасы келери күтүлүүдө.

174
Белгилер:
коронавирус, Россия, Кыргызстан, вакцина, Спутник V
Тема:
"Спутник V" вакцинасы (116)
Тема боюнча
Бишкек жана Чүйдө жашагандар кайсы бейтапканалардан вакцина алат? Тизме
Өткөн суткада 322 киши COVID жуктуруп, үч киши каза болду. Статистика

Исландияда жанар тоо жайгашкан жерди сатыкка коюшту. Видео

14
Фаградальсфьядль вулканы жайгашкан жерге жергиликтүү үй-бүлө ээлик кылат. Алар аймакты бөлүп же толугу менен сатканга макул.

Исландияда Фаградальсфьядль вулканы ойгонуп жаткан жер сатыла тургандыгын Bloomberg агенттиги жазды.

Аймак Храун дыйкан чарбасына тиешелүү. Анна Тордис Гудмундсдоттир бул жер алардын ата-бабасынан калганын айтып, "кимдир бирөөлөр эл келип, кызыгып карай турган жай курса" деген ниетин билдирген.

Тилкенин бөлүгү же баары толугу менен сатылмакчы. Анна эки кардар чыгып, жакшы баа сунуштаганын да айтып берген.

"Бул аймак өзүнө ылайык баага сатылат, бизге кеминде эки кишиден сунуш түштү", — деген ал.

Адистер жанар тоонун атылышы бир нече жылдарга созулушу мүмкүн экендигин айтып, бул жерге болгон кызыгуу барган сайын артарын кошумчалашкан.

Исландиянын бийлиги ал тилкени сатып алуугу ашыккан жок. Бирок автоунаалар токтоочу жай, тик учак конуучу аянтча жана туристтерди тейлей турган борбор курууга жарым миллион доллар бөлүп берүүгө даяр экендигин айткан.

Маалымат үчүн айтсак, Фаградальсфьядли 2021-жылдын март айынан тарта ойгоно баштаган. Жанар тоо Рейкьявиктиен түштүк-батышты карай 30 чакырым аралыкта жайгашкан.

14
Белгилер:
аукцион, сатык, жанар тоо, Исландия
Тема боюнча
Жалын шыркырап агып. Исландияда тынч жаткан жанар тоонун ойгонгон видеосу
Муздаткыч. Архив

Кайсы азыктарды муздаткычка салбаш керек? Адистин кеңеши

46
Нымдуу, муздак жерде сактабай турчу азык, жашылчалардын арасында сарымсак, пияз, зайтун майы дагы бар.

БИШКЕК, 18-май — Sputnik. Айрым азыктарды муздаткычта сактоого таптакыр болбойт. Себеби төмөнкү температура жана нымдуулуктан алар тез көгөрүп, пайдалуулугун жана даамын жоготуп коет. Бул тууралуу My Health Reads басылмасынын туура тамактануу жаатындагы адистери айтканын РИА Новости жазды.

Адистер картошканы жуубай, кургак, күн тийбеген жерге сакташ керектигин эскертишкен. Эгер бул жашылчаны тоңдуруп койсо даамы өзгөрүп, крахмалы таттуу болуп, өсүмдүктүн түсүн жоготуп коет.

"Муздаткычка эч качан пияз менен сарымсакты сактабагыла. Нымдуу жерден алар бат чирийт. Тазаланган сарымсак бир аз турушу ыктымал, бирок жыты тез эле жоголуп кетет", — деп айтылат маалыматта.

Муздаткычта көпкө сакталбаган азыктар:

  • Бал. Катуу болуп, тоголоктошуп калат;
  • Зайтун майы. Муздаткычта туруп калса даамын жана жытын жоготуп, тунук болбой калат;
  • Жаңгак, кургатылган жемиштер. Даамын жоготуп, катуу болуп калат;
  • Нан. Анын курамындагы крахмал катуу болуп, жыйынтыгында нан көгөрүп, бат бузулуп кетет.
46
Белгилер:
кеңеш, азык, жашылча, муздаткыч
Тема боюнча
Диетолог жумуртканы эртең мененки тамакка колдонбой эле коюуга чакырды
Дүйшөнкулова: адам күн сайын 400 граммдай жашылча-жемиш жеши керек
Дарыя. Архив

Сузакта мал айдап баратып сууга аккан 6 жашар баланын сөөгү табылды

0
(жаңыланган 10:00 18.05.2021)
Издөө иштерине ӨКМден 13 куткаруучу тартылган. Кечки саат 17:00дө баланын сөөгү табылып, туугандарына өткөрүп берилди.

БИШКЕК, 18-май — Sputnik. Жалал-Абад облусунун Сузак районунда алты жаштагы бала сууга агып көз жумду. Бул тууралуу Өзгөчө кырдаалдар министрлигинин маалымат кызматы билдирди.

М. уулу М. аттуу бала райондун Калмак-Кырчын айылында мал айдап баратып Көк-Арт дарыясына агып кеткендиги тууралуу маалымат түшкөн.

"Издөө иштерине ӨКМден 13 куткаруучу тартылган. Кечки саат 17:00дө баланын сөөгү табылып, туугандарына өткөрүп берилди", — деп айтылат маалыматта.

Издөө иштерине баланын туугандары да катышкан.

0
Белгилер:
ӨКМ, кырсык, өлүм, бала, Сузак району
Тема боюнча
Өзгөндө кой кайтарып жүргөн 8 жашар баланы сел агызып кетип көз жумду