Мечит. Архив

Дин чөйрөсүндөгү кызматташуу. Кыргызстан делегациясы Татарстанда жүрөт

43
(жаңыланган 16:24 28.04.2021)
Сапардын дагы бир максаты — Кыргызстан менен Татарстан өкмөтүнүн (Россия Федерациясы) ортосундагы Жол картасынын долбоорун талкуулоо болгон.

БИШКЕК, 28-апр. — Sputnik. Кыргызстандын делегациясы Татарстанда эки тараптуу соода-экономикалык, илимий-техникалык жана маданий-гуманитардык чөйрөлөрдөгү кызматташууну талкуулап жатат.

Дин иштери боюнча мамлекеттик комиссиянын маалымат кызматынын билдиргенине караганда, радикализмди, экстремизмди алдын алуу, биргелешкен долбоорлорду ишке ашыруу жана дин чөйрөсүндө кызматташуу сүйлөшүлүүдө.

Бул жаатта Дин иштери боюнча мамлекеттик комиссиянын жетекчиси Медер Карабаев, Кыргызстан муфтийинин милдетин аткарган Жоробай Шергазиев Татарстандын мусулмандар Дин башкармалыгынын жана Россия ислам институтунун жетекчилери менен жолуккан.

"Диний билим берүү мекемелеринде окутуу методологиясын иштеп чыгуу жана бул чөйрөдө өз ара иштешүүнү өнүктүрүү боюнча сунуштар айтылды", — деп билдирди маалымат кызматы.

Иш сапардын алкагында Татарстандын президенти Рустам Минниханов менен жолугушуу болгон.

Ал эми сапардын дагы бир максаты Кыргызстан менен Татарстан өкмөтүнүн (Россия Федерациясы) ортосундагы Жол картасынын долбоорун талкуулоо болгону айтылды.

Эске салсак, Садыр Жапаров февралдын соңундагы Россияга жасаган сапарында Татарстандын президенти Рустам Минниханов менен жолугуп, эки тараптуу байланыштар, кызматташуу туурасында сүйлөшкөн эле.

43
Белгилер:
кызматташуу, дин, Татарстан, Кыргызстан
Тема боюнча
Байланышты өнүктүрөлү. Жапаров Татарстан президенти Минниханов менен жолукту. Сүрөт
Президент Кыргызстана Садыр Жапаров. Архив

Садыр Жапаров банкирлерди куттуктап, жаңы милдеттерди такты

4
(жаңыланган 11:10 10.05.2021)
10-май — Кыргызстандын банк кызматкерлеринин күнү. Бул майрам 2003-жылы өкмөттүн токтому менен негизделген.

БИШКЕК, 10-май — Sputnik. Кыргызстандын банк системасы глобалдык экономикалык тоскоолдуктарга карабай стабилдүү иштеди, буга кызматкерлердин өз ишине берилгендиги түрткү болду. Бул тууралуу президент Садыр Жапаровдун банк кызматкерлерин кесиптик майрамы менен куттуктоосунда айтылды.

Ошону менен бирге өлкө башчы банкирлердин алдында жаңы милдеттер турганын айтты.

"Дүйнөдө финансылык технологиялардын динамикалык өнүгүшүн эске алуу менен банктык кызмат көрсөтүүлөрдүн санарип инфраструктурасын өнүктүрүүнү, инновациялык банк операцияларын жана санариптик төлөм технологияларын киргизүүнү тездетүү керек. Экономикалык активдүүлүктү тез арада калыбына келтирүү максатында жеңилдетилген каржылоо ишке ашышы зарыл", — деди президент.

Сөзүнүн аягында Жапаров банк кызматкерлерине ден соолук, үй-бүлөлүк бакубатчылык жана ийгилик каалады.

Эске салсак, 10-май — Кыргызстандын банк кызматкерлеринин күнү. Бул майрам 2003-жылы өкмөттүн токтому менен негизделген.

4
Белгилер:
Садыр Жапаров, куттуктоо, майрам, банк, Кыргызстан
Тема боюнча
9-май — каармандыктын символу. Жапаров кыргызстандыктарды Жеңиш күн менен куттуктады
Медициналык кызматкер COVID-19га тест даярдап жатат. Архив

Бир суткада коронавирус 254 кишиден табылып, 5 бейтап көз жумду

19
(жаңыланган 10:58 10.05.2021)
Кечээтен бери жети медиктен коронавирус аныкталган. Анын бирөө ооруну "кызыл зонадан" жуктуруп алганы айтылды.

БИШКЕК, 10-май — Sputnik. Өткөн суткада коронавирус 254 бейтаптан аныкталып, 257си айыкты. Бул тууралуу Саламаттык сактоо министрлигинин маалымат кызматы кабарлады.

Жуктургандар:

  • Бишкек – 195;
  • Ош шаары - 3;
  • Ош облусу -1;
  • Чүй облусу – 25;
  • Нарын облусу - 4;
  • Ысык-Көл облусу – 17;
  • Жалал-Абад облусу – 9.

Ушуну менен оору илештиргендердин жалпы саны 98 654кө жетти.

Айыккандар:

  • Бишкек – 187;
  • Ош шаары - 7;
  • Ош облусу -3;
  • Чүй облусу – 42;
  • Нарын облусу - 1;
  • Ысык-Көл облусу – 7;
  • Жалал-Абад облусу – 4;
  • Талас облусу - 6.

Жалпысынан 91 816 бейтап ооруну жеңген.

Тилекке каршы, өткөн суткада коронавирус беш адамдын өмүрүн алды. Анын ичинен үчөө Бишкекте, экөө Чүйдө көз жумган. Жалпы жонунан 1 660 киши коронавирустун курмандыгы болду.

Кечээтен бери жети медиктен коронавирус табылган. Анын бирөө ооруну "кызыл зонадан" жуктуруп алганы айтылды.

19
Белгилер:
өлүм, бейтап, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Айт намаздын Бишкекте окулушу боюнча мэрия пикирин билдирди
COVID-19: медиктерге компенсация төлөө үчүн 243 млн. сом бөлүндү