Медициналык кызматкерлер ооруканада

Иште COVID жуктуруп көз жумган кызматкерге 20 жылдык айлыгын төлөө сунушталууда

85
(жаңыланган 16:30 28.04.2021)
Өлкөнүн профсоюздары бул багыттагы токтомго өзгөртүү киргизүүнү сунуштап, өкмөткө кайрылды.

БИШКЕК, 28-апр. — Sputnik. Коронавирус профессионалдык оорулардын тизмесине киргизилиши керек. Бул тууралуу Тоо-металлургиялык профсоюздарынын борбордук комитетинин төрагасы Эльдар Тажибаев билдирди.

Анын айтымында, мындай сунушту Эл аралык эмгек уюму берет. Өлкөнүн профсоюздары тийиштүү токтомго өзгөртүү киргизүүнү сунуштап, өкмөткө кайрылды.

Ага ылайык, кызматкердин коронавирус менен жабыркап каза болушу эмгек милдетин аткарууга байланыштуу деп таанылышы керек. Илдеттен каза болгон адамдын, маселен, медицина кызматкеринин үй-бүлөсүнө анын 20 жылдык эмгек акысынын өлчөмүндө каражат төлөнүшү кажет. Ошондой эле үй-бүлөсүнө ай сайын төлөмдөр берилип турушу зарыл.

Тажибаев коронавирус пандемиясы башталгандан бери 100дөн ашык медицина кызматкери каза болгонун белгиледи.

Эксперт белгилегендей, эң маанилүү баалуулуктар, адамдын ден соолугу, өмүрү жөнүндө сөз болуп жаткандыктан, жумуш берүүчүлөр эмгекти коргоо маселелеринде көбүрөөк жоопкерчиликтүү болуш керек.

85
Белгилер:
Элдар Тажибаев, Кыргызстан, коронавирус, өлүм, жумуш, сунуш
Тема:
Коронавируска байланыштуу Кыргызстандагы кырдаал (2702)
Тема боюнча
Өткөн суткада 322 киши COVID жуктуруп, үч киши каза болду. Статистика
COVID: Бишкектин ооруканаларындагы бош орундардын тизмеси
Кишилер сууну алып жатышат. Архив

Ош шаарында таза суу кайрадан берилбей калды

12
Кырдаалга байланыштуу "Ош шаар суу канал" ишканасы жашоочуларга сууну водовоз менен ташып келип бере турганын билдирди.

БИШКЕК, 11-май. — Sputnik. Ош шаарында ичүүчү сууну берүү кайрадан токтотулду. Бул тууралуу "Ош шаар суу канал" ишканасы билдирди.

Ага ылайык, таза суу нөшөрлөп жааган жамгырдан улам Ак-Буура дарыясындагы суунун ылайланышы нормадан жогору болгондугуна байланыштуу өчүрүлүп жатат. Ушундай эле себеп менен Ош шаарында мындан үч күн мурун дагы суу берилбей калган.

Учурда Ош шаарынын Түштүк-Чыгыш, ХБК, Туран кичи райондорунда, Достук, Калинин массивдеринде жана башка аймактарда суу жок.

Мындан улам "Ош шаар суу канал" ишканасы жашоочуларга водовоз менен суу ташып келип бере турганын билдирди.

Таза сууну шаардыктар төмөнкү телефондор аркылуу чалып ала алышат:

  • 0 556 039599; 0 556 460585; 0 559 566671; 0 558 140888;
  • 8-11-15; 8-11-51; 5-04-16;
  • 105.
12
Белгилер:
жаан, суу, шаар, дарыя, Ак-Буура, Ош
Тема боюнча
Ош шаарында эки күндөн бери суу жок. Мэрия унаа менен ташымай болду
Арменияда парламент. Архивдик сүрөт

Арменияда парламент таратылып, кезексиз шайлоонун мөөнөтү аныкталды

11
(жаңыланган 10:28 11.05.2021)
Парламенттин таратылышына анын эки ирет чогулуп, бирок өкмөт башчыга эч кимди тандай албай коюшу себеп болду.

БИШКЕК, 11-май — Sputnik. Армениянын президенти Армен Саркисян мөөнөтүнөн мурда парламенттик шайлоону 20-июнга белгилөө боюнча жарлыкка кол койду. Бул тууралуу Sputnik Армения агенттиги жазды.

"Шайлоо 20-июнга белгиленип, жарлык расмий түрдө жарыяланган күндүн эртеси күчүнө кирсин", — деп жазылат документте.

Парламенттин таратылышына анын эки ирет чогулуп, бирок өкмөт башчыга эч кимди тандай албай коюшу себеп болду. Армениянын Баш мыйзамынын 92 жана 93-беренелерине ылайык, мындай учурда парламент өзү ишин токтотууга милдеттүү.

Эске салсак, өлкөнүн премьер-министри Никол Пашинян апрель айында отставкага кеткен. Бирок ал кезексиз парламенттик шайлоо өткөнгө чейин министрлер кабинетинин төрагасынын милдетин аткара берери айтылган.

Арменияда ички саясий кризис Карабах окуясынан кийин күч алган. Оппозициялык күчтөр Пашиняндын бийликтен кетишин талап кылган. Жыйынтыгында ал мөөнөтүнөн мурда парламенттик шайлоо өткөрүүгө макул болгон.

11
Белгилер:
парламенттик шайлоо, Никол Пашинян, Армения
Тема боюнча
ЕАЭБ жарандары Россияга Армения жана Беларусь аркылуу кире алат
Армения-Азербайжан чек арасын эмне үчүн РФ чек арачылары күзөтүүдө?