Согуш ардагери. Архив

Ата Мекендик согуштун ардагерлерине 70 миң сомдон берилет

122
(жаңыланган 16:31 28.04.2021)
2021-жылдын 1-апрелине карата маалымат боюнча, Кыргызстанда Улуу Ата Мекендик согуштун 146 ардагери бар.

БИШКЕК, 28-апр. — Sputnik. Мамлекет башчы Садыр Жапаров Улуу Ата Мекендик согуштун ардагерлерине 70 миң сом өлчөмүндө бир жолку колдоо көрсөтүү тууралуу буйрукка кол койду. Бул тууралуу президенттин аппаратынан билдиришти.

"Улуу Ата Мекендик согуштагы Улуу Жеңиштин бүткүл дүйнөлүк тарыхый маанисин эске алып, кыргызстандык жоокерлердин улуу эрдигине терең сый-урмат көрсөтүү менен таазим этип, ардагерлерге Ата Мекенди коргоодогу эрдиги жана баатырдыгы үчүн ыраазычылык билдирүү иретинде президент Садыр Жапаров тийиштүү буйрукка кол койду. Ага ылайык, ардагерлерге кошумча бир жолку социалдык колдоо көрсөтүү иретинде 70 миң сомдон бөлүндү", — дешти аппараттан.

2021-жылдын 1-апрелине карата маалымат боюнча, Кыргызстанда Улуу Ата Мекендик согуштун 146 ардагери бар.

122
Белгилер:
Садыр Жапаров, ардагер, Улуу Ата Мекендик согуш, Кыргызстан
Тема боюнча
Өкмөт согуштун ардагерлерине төлөнүүчү жөлөк пулдун суммасын бекитти
Жапаров Улуу Ата Мекендик согуштун курмандыктарынын элесине арнап бак отургузду
Унаа жолу. Архив

Кыргызстан менен Өзбекстан транспорттук байланышын күчөтөт

6
(жаңыланган 10:52 18.05.2021)
Эки өлкөнүн делегациялары транспорттук байланышын бекемдөө үчүн Ош — Сары-Таш — Эркечтам коридорун бойлой изилдөө иштерин жүргүзүп жатат.

БИШКЕК, 18-май — Sputnik. Кыргызстан менен Өзбекстан Кашгар — Эркечтам — Ош — Анжиян — Ташкент аркылуу өткөн мультимодалдык транспорт коридорун рационалдуу пайдалануу жолун издей баштады. Бул үчүн коңшу өлкөнүн транспорт министри Ильхом Махкамов менен анын кыргызстандык кесиптеши Гүлмира Абдралиева жолугуп сүйлөшкөнүн Sputnik Өзбекстан агенттиги жазды.

Учурда эки өлкөнүн делегациялары Кыргызстан менен Өзбекстандын транспорттук байланышын бекемдөө үчүн Ош — Сары-Таш — Эркечтам коридорун бойлой изилдөө иштерин жүргүзүп жатат. Мунун алкагында адистер "Эркечтам" өткөрүү пунктунун ишмердүүлүгүн көрүп чыкты. Мындан тышкары, алар Чыйырчык, Талдык, Тоң-Мурун ашууларына барышты.

Белгилей кетсек, бир нече жылдан бери пландалып, бирок ишке ашпай жаткан Кытай — Кыргызстан — Өзбекстан темир жолу дагы дал ушул Кашкар — Эркечтам — Ош — Анжиян — Ташкент багыты боюнча өтөт.

6
Белгилер:
жол, транспорт, Өзбекстан, Кыргызстан
Тема боюнча
23 жыл мурдагы демилге. Өзбекстан быйыл Дүйнөлүк соода уюмуна кирүүгө аракет кылат
Баткен облусундагы Ак-Сай айылы. Архив

Чек арадагы Аксай менен Ворух айылдарына милициянын посттору коюлду

19
(жаңыланган 10:27 18.05.2021)
Эртең мененки жетиден тартып автоунаалар Ходжаи-Аъло — Ворух жана Ак-Сай — Тамдык багыты боюнча жүрүп жатканы айтылды.

БИШКЕК, 18-май — Sputnik. Баткендин Аксай жана Тажикстандын Ворух айылдарынын чек араларына эки тараптан тең милициянын посттору коюлду. Бул тууралуу УКМКга караган Чек ара кызматы кабарлады.

Бүгүн эки мамлекеттин чек ара өкүлдөрү жолугуп, буга чейинки макулдашуулардын аткарылышын талкуулашты.

Маалыматка ылайык, саат 07:30дан баштап автоунаалар Ходжаи-Аъло — Ворух жана Ак-Сай — Тамдык багыты боюнча жүрүп атат. Мындан сырткары, тараптар саат 08:00дөн баштап кыргыз-тажик чек арасында биргелешкен күзөттөрдү уюштурууда.

Кечээ, 17-майда, укук коргоо органдары Тажикстан менен чектешкен Ак-Сай айылында транзиттик жолдон өтүүнүн эрежелерин бузгандыгы үчүн үч тажикстандыкты кармаган. Териштирүүдө алардын бири Тажикстандын УКМКсынын кызматкери, экинчиси Чек ара күчтөрүнүн аскер кызматкери экендиги аныкталган. Ошол эле учурда Баткендин Ворух анклавы аркылуу Ак-Сай айылына бара жаткан кыргызстандык үч кишини коңшу өлкөнүн 30-40 адамдан турган тобу кармап, сабап салган. Эки тараптын тиешелүү жактарынын сүйлөшүүсү менен кармалгандар бошотулуп, абал турукташкан.

19
Белгилер:
пост, милиция, чек ара, Баткен, Кыргызстан, Тажикстан
Тема:
Баткендеги кыргыз-тажик жаңжалы
Тема боюнча
Кыргыз-тажик чек арасында эки тарап тең кишилерди барымтага алып, кайра бошотту
Кыргыз-тажик чек арасында чырды ким баштаганын космостон тартылган сүрөт көрсөтөт