Депутат Шайлообек Атазов. Архив

Депутат Атазов 8%дан жогорку кредитти арам деп атоону сунуштады

293
Эл өкүлү "пайыздык коюмдарды чечүүнүн жолу барбы?" деп сурап, кээ бир банктар чегинен чыгып кеткенин айтат.

БИШКЕК, 28-апр. — Sputnik. Жогорку Кеңештин депутаты Шайлообек Атазов 8 пайыздан жогорку коюм менен берилген кредитти арам деп атоону сунуштады.

Эл өкүлүнүн айтымында, өлкөдө 65 үй-бүлө насыянын айынан акыркы үйүн банкка тарттырып ийүү коркунучунда турат.

"Биз кичинебизде 10-20-пайызга кредит берет деп укчу элек. Азыр 45 пайызга чейин чыгып кетиптир. Урматтуу Аида Камчыбековна, депутаттар, өзү насыя бергенде канча пайызга чейин адал болот? Менде сунуш бар, 8 пайыздан өткөндөн кийин адал эмес деп койбойлубу. Ушул пайыздарды чечүүнүн жолу барбы, кээ бир банктар чегинен чыгып кетти", — деди Атазов.

Белгилей кетсек, Кыргызстанда 25 коммерциялык банк ишмердүүлүгүн жүргүзөт, анын экөө мамлекетке таандык.

293
Белгилер:
банк, пайыз, кредит, Шайлообек Атазов
Тема боюнча
Пригородноедеги айыл өкмөтүн басып алган аялдардын насыясы жоюлбайт
Орозодо арам ишке барбагыла! Казиного уруксат берүүдөн чыккан талаштын видеосу

Исландияда жанар тоо жайгашкан жерди сатыкка коюшту. Видео

7
Фаградальсфьядль вулканы жайгашкан жерге жергиликтүү үй-бүлө ээлик кылат. Алар аймакты бөлүп же толугу менен сатканга макул.

Исландияда Фаградальсфьядль вулканы ойгонуп жаткан жер сатыла тургандыгын Bloomberg агенттиги жазды.

Аймак Храун дыйкан чарбасына тиешелүү. Анна Тордис Гудмундсдоттир бул жер алардын ата-бабасынан калганын айтып, "кимдир бирөөлөр эл келип, кызыгып карай турган жай курса" деген ниетин билдирген.

Тилкенин бөлүгү же баары толугу менен сатылмакчы. Анна эки кардар чыгып, жакшы баа сунуштаганын да айтып берген.

"Бул аймак өзүнө ылайык баага сатылат, бизге кеминде эки кишиден сунуш түштү", — деген ал.

Адистер жанар тоонун атылышы бир нече жылдарга созулушу мүмкүн экендигин айтып, бул жерге болгон кызыгуу барган сайын артарын кошумчалашкан.

Исландиянын бийлиги ал тилкени сатып алуугу ашыккан жок. Бирок автоунаалар токтоочу жай, тик учак конуучу аянтча жана туристтерди тейлей турган борбор курууга жарым миллион доллар бөлүп берүүгө даяр экендигин айткан.

Маалымат үчүн айтсак, Фаградальсфьядли 2021-жылдын март айынан тарта ойгоно баштаган. Жанар тоо Рейкьявиктиен түштүк-батышты карай 30 чакырым аралыкта жайгашкан.

7
Белгилер:
аукцион, сатык, жанар тоо, Исландия
Тема боюнча
Жалын шыркырап агып. Исландияда тынч жаткан жанар тоонун ойгонгон видеосу
Муздаткыч. Архив

Кайсы азыктарды муздаткычка салбаш керек? Адистин кеңеши

23
Нымдуу, муздак жерде сактабай турчу азык, жашылчалардын арасында сарымсак, пияз, зайтун майы дагы бар.

БИШКЕК, 18-май — Sputnik. Айрым азыктарды муздаткычта сактоого таптакыр болбойт. Себеби төмөнкү температура жана нымдуулуктан алар тез көгөрүп, пайдалуулугун жана даамын жоготуп коет. Бул тууралуу My Health Reads басылмасынын туура тамактануу жаатындагы адистери айтканын РИА Новости жазды.

Адистер картошканы жуубай, кургак, күн тийбеген жерге сакташ керектигин эскертишкен. Эгер бул жашылчаны тоңдуруп койсо даамы өзгөрүп, крахмалы таттуу болуп, өсүмдүктүн түсүн жоготуп коет.

"Муздаткычка эч качан пияз менен сарымсакты сактабагыла. Нымдуу жерден алар бат чирийт. Тазаланган сарымсак бир аз турушу ыктымал, бирок жыты тез эле жоголуп кетет", — деп айтылат маалыматта.

Муздаткычта көпкө сакталбаган азыктар:

  • Бал. Катуу болуп, тоголоктошуп калат;
  • Зайтун майы. Муздаткычта туруп калса даамын жана жытын жоготуп, тунук болбой калат;
  • Жаңгак, кургатылган жемиштер. Даамын жоготуп, катуу болуп калат;
  • Нан. Анын курамындагы крахмал катуу болуп, жыйынтыгында нан көгөрүп, бат бузулуп кетет.
23
Белгилер:
кеңеш, азык, жашылча, муздаткыч
Тема боюнча
Диетолог жумуртканы эртең мененки тамакка колдонбой эле коюуга чакырды
Дүйшөнкулова: адам күн сайын 400 граммдай жашылча-жемиш жеши керек