Акча кармап турган адам. Архив

Абхазиялык автолорду мыйзамсыз каттаган кызматкер мамлекетке 3 млн. сом төлөдү

80
(жаңыланган 17:54 28.04.2021)
Кыргызстандын техникалык паспорттору жана мамлекеттик номери берилген эки Lexus GX унаасы катталып, мамлекетке чыгым келтирилгени аныкталган.

БИШКЕК, 28-апр. — Sputnik. "Унаа" мамлекеттик ишканасынын аймактык секторунун О.М.А. аттуу башчысы мамлекетке келтирген үч миллион сомдон ашык зыяндын ордун толтурду. Бул тууралуу УКМКдан билдиришти.

Үстүбүздөгү жылдын 9-апрелинде Абхазиядан айдалып келип бажы декларациясынан өтпөгөн кымбат баалуу автоунааларды мыйзамсыз каттоонун коррупциялык схемасы аныкталган. Факт Кылмыш-жаза кодексинин 320-беренесинин 2-бөлүмү ("Кызмат абалынан кыянаттык менен пайдалануу") боюнча бирдиктүү реестрге сотко чейинки өндүрүшкө алынган.

"Кыргызстандын техникалык паспорттору жана мамлекеттик номери берилген эки Lexus GX унаасы катталып, мамлекетке бажы алымдарын төлөөдө 3 миллион сомдон ашык чыгым келтирилгени аныкталган", — деп айтылат маалыматта.

Териштирүү иштеринин натыйжасында "Унаа" мамлекеттик мекемесинин Жалал-Абад облусундагы О.М.А. аттуу аймактык сектор башчысы кымбат баалуу автоунааларды мыйзамсыз каттоодон өткөргөндүгү белгилүү болгон. Ал мамлекетке келтирген үч миллион сомдон ашык зыяндын ордун толтуруп бергени үчүн баш коргоо чарасы өзгөртүлүп үй камагына чыгарылды.

80
Белгилер:
унаа, Абхазия, кылмыш, УКМК, Жалал-Абад облусу
Тема боюнча
Транспорт министрлигинин статс-катчысы 2,5 млн. сом төлөп абактан чыкты
Министрлик: Абхазиянын номери тагылган унааларды мамлекет алып коюшу мүмкүн
Автоунаа кум борошосун учурунда. Архив

Жүрөк үшүн алат! Чаңдуу бороон Казакстандын райондорун каптаган видео

31
(жаңыланган 22:18 18.05.2021)
Метеорологдор мындай жаратылыш кубулушу региондо көп убакыт жаан жаабай кургак болуп, температура кескин өзгөрүп кеткенде башталарын айткан.

БИШКЕК, 18-май — Sputnik. Түндүк Казакстан облусунун бир катар райондорунда бүгүн чаңдуу бороон болду. Бул тууралуу Sputnik Казакстан жазды.

Социалдык тармактын колдонуучулары муну "Күн тутулуп жаткандай" деп сүрөттөп, айланада эч нерсе көрүнбөй калганын жазышкан.

Агенттикке Казгидрометтин облустук филиалы чаңдуу бороон аймакта көп убакыт жаан жаабай кургак болуп, температура кескин өзгөрүп кеткенде башталарын айткан.

Посмотреть эту публикацию в Instagram

Публикация от Петропавловск Казахстан СКО (@sko_kz)

Ошондой эле метеорологдор Тайынша районунда шамалдын ылдамдыгы секундасына 33 метрге чейин жеткенин айтышкан. Жакынкы метеорологиялык станциялар дагы шамалдын ылдамдыгы секундасына 20 метрден ашканын каттаган.

31
Белгилер:
видео, аба ырайы, чаң, бороон, Казакстан
Тема боюнча
Индонезиядагы катуу торнадо шаарды жабыркатты. Алай-дүлөйдүн видеосу
Жамгыр. Архив

Шаршембиге карата аба ырайы

21
19-майга караган түнү Кыргызстандын аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.

БИШКЕК, 18-май. — Sputnik. Шаршембиде күндүз өлкөдө күн ачык болот. Бул тууралуу Кыргызгидромет билдирди.

Абанын температурасы Чүй облусунда +27…+32, Таласта +26…+31, Ош, Жалал-Абад, Баткен аймактарында +29…+34, Ысык-Көл жергесинде +18…+23, Нарын өрөөнүндө +19…+24 градуска көтөрүлөт.

Бишкек жана Ош шаарларында түнкүсүн жаан-чачын жаабайт, кечке маал күн күркүрөшү ыктымал. Күндүн табы борбордо +29…+31, Ош шаарында +32…+34 градус болот.

21
Белгилер:
Кыргызстан, аба ырайы
Тема боюнча
Күн 37 градуска чейин ысыйт. Июнга карата аба ырайы