DOXA Art-group чыгармачылык тобунун сүрөтчүсү Дмитрий Петровский Тазалык муниципалдык ишканасынын кызматкерлеринин өзгөчө портретин тартты

Эмен багынын көргөзмө залына "Тазалыкчылардын" өзгөчө портрети илинди. Сүрөт

54
(жаңыланган 18:08 28.04.2021)
Эмгекти Эмен багындагы көргөзмө залынан дүйшөмбүдөн башка күндөрү саат 11:00дөн 17:00гө чейин барып көрүүгө болот.

БИШКЕК, 28-апр. — Sputnik. DOXA Art-group чыгармачылык тобунун сүрөтчүсү Дмитрий Петровский "Тазалык" муниципалдык ишканасынын кызматкерлеринин өзгөчө портретин тартты. Бул тууралуу мэриядан билдиришти.

Портрет сотрудника МП Тазалык, нарисованная DOXA Art-group
© пресс-служба мэрии города Бишкек
DOXA Art-group чыгармачылык тобунун сүрөтчүсү Дмитрий Петровский "Тазалык" муниципалдык ишканасынын кызматкерлеринин өзгөчө портретин тартты

Маалыматка караганда, Петровский болжол менен 2018-жылдан бери көчөлөрдөгү, базарлардагы жарнама кагаздарын, плакаттарды чогултуп жүргөн.

Портрет сотрудника МП Тазалык, нарисованная DOXA Art-group
© пресс-служба мэрии города Бишкек
Маалыматка караганда, Петровский болжол менен 2018-жылдан бери көчөлөрдөгү, базарлардагы жарнама кагаздарын, плакаттарды чогултуп жүргөн
"Сүрөткерлер тобунун мүчөсү өзү чогулткан таштанды кагаздарды колдонуп калааны таштандыдан арылткан адамдардын портретин тартты. Анда "Тазалыкта" 10 жылдан ашык убакыттан бери иштеген жубайлар Ибраим жана Ирсалат Кадыровдор жөнүндө баяндалган", — деп айтылат маалыматта.
Сотрудники МП Тазалык, чьи портреты изобразили DOXA Art-group
© пресс-служба мэрии города Бишкек
Сүрөткерлер тобунун мүчөсү өзү чогулткан таштанды кагаздарды колдонуп калааны таштандыдан арылткан адамдардын портретин тартты

Бул эмгекти Эмен багындагы көргөзмө залынан дүйшөмбүдөн башка күндөрү саат 11:00дөн 17:00гө чейин барып көрүүгө болот.

54
Белгилер:
портрет, тазалык, Эмен багы паркы, Бишкек
Тема боюнча
Бишкектеги эң ири граффитилер тарыхы. Көчө сүрөткеринин мыкты 8 эмгеги
Айыл жергеси. Архив

Жума күнгө карата аба ырайы

48
14-майга караган түнү республиканын тоолуу жана тоо этектериндеги райондорунда аба ырайынын бузулушунан улам сел жүрүшү, дарыяларда суунун деңгээли көтөрүлүшү мүмкүн.

БИШКЕК, 13-май — Sputnik. Жума күнү Кыргызстандын бир катар аймактарында күндүн ысыгы 29 градуска жетсе, кээ бир жерлеринде жамгыр жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас облустарында +22…+27, Ош, Жалал-Абад, Баткен аймактарында +24…+29, Ысык-Көл, Нарын өрөөндөрүндө +15…+20 градус болот.

Күндүн табы Бишкекте +23…+25, Ош шаарында +27…+29 градусту көрсөтөт.

48
Белгилер:
Кыргызстан, аба ырайы
Тема боюнча
Чаткалда алтын казган компания экологиялык зыяны үчүн 103 млн. сомдук доого жыгылды
Автотыгын. Архив

Автоунаалардын аягы көрүнбөйт. Бишкекке тоо тараптан келе жаткандардын видеосу

135
(жаңыланган 21:17 13.05.2021)
Окуянын күбөлөрү бүгүн шаар четине эс алганы чыккандар көп экенин, кайтканда бир нече чакырымга созулган жол тыгын болгонун айтышты.

БИШКЕК, 13-май — Sputnik. Бишкекке тоо тараптан эс алып келе жаткандар узун автотыгынды жаратты. Бул тууралуу Sputnik Кыргызстан агенттигине окуянын күбөсү билдирип, видеосун жиберди.

Кадрдан автоунаалар бир топ чакырымга тизилип, айрымдары эки-үч катар болуп токтоп калганын көрүүгө болот. Кишилердин сыртка чыгып алганы да байкалат.

Жол тыгын Ала-Арча жана Аламүдүн капчыгайларындагы жолдо болгон. Кырдаалды Кайгуул милициясынын кызматкерлери жөнгө салган. Жол кырсыгы байкалган эмес.

Видеону тарткан адам бүгүн шаар четине эс алганы чыккандар абдан көп болгонун айтты.

135
Белгилер:
видео, унаа, тыгын, жол, Чоң-Арык айылы, Байтик айылы
Тема боюнча
Бишкектеги автотыгынды азайтуу үчүн асма көпүрөлөр курулат
 Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты

Сокулуктагы дүкөндүн өрттөнгөн видеосу

90
(жаңыланган 22:51 13.05.2021)
Тилсиз жоо менен күрөшүүгө ӨКМден эки бөлүм жана өрт өчүрүүчү-куткаруучулардын бир штабы тартылды. Ал саат 20:43тө чектөөгө алынды.

БИШКЕК, 13-май — Sputnik. Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты. Бул тууралуу ӨКМдин маалымат кызматы кабарлады.

Дүкөн Новопавловка айылынын Киров көчөсүндө жайгашкан. Тилсиз жоо менен күрөшүүгө саат 19:54тө эки бөлүм, ал эми саат 20:14тө өрт өчүрүүчү-куткаруучулардын штабы тартылган.

Өрт саат 20:43тө чектөөгө алынган. Учурда толук өчүрүү иш-чаралары жүргүзүлүгөн.

Ал эми саат 21:56да толугу менен өчүрүлдү.

90
Белгилер:
видео, дүкөн, өрт, Новопавловка
Тема боюнча
Алайда үй өрттөнүп, 56 жаштагы киши каза болду. Сүрөттөр