Суу бөлүштүрүүчү жай. Архив

Талашка түшкөн Баткендеги суу бөлүштүрүүчү жай кайсы жерде жайгашкан. Карта

337
(жаңыланган 22:53 29.04.2021)
Буга чейин Тажикстандын УКМКга караган Чек ара кызматынын басма сөз бөлүмү аталган жай толугу менен Тажикстанга карайт деп билдирген.

БИШКЕК, 29-апр. — Sputnik. Баткендин аймагында жайгашкан  Ак-Суу дарыясындагы "Головной" деп аталган суу бөлүштүрүүчү жай Кыргызстанга таандык. Бул тууралуу УКМКга караштуу Чек ара кызматынан билдиришти.

Буга чейин Тажикстандын УКМКга караган Чек ара кызматынын басма сөз бөлүмү аталган жай толугу менен Тажикстанга карайт деп билдирген. Кыргызстандын УКМКсынан бул маалымат чындыкка туура келбейт деп айтышты.

"Суу бөлүштүргөн жай толугу менен Тажикстанга карайт, аны Кыргызстандын жарандары бир тараптуу тартипте ээлеп алган" деген тажик тараптын тараткан маалыматы туура эмес", — деп айтылат билдирүүдө.

КРдин Чек ара кызматы суу бөлүштүргөн жайдын аймагындагы чыр тажик тараптын чагымчылдыгынан чыкты деп белгилешти.

Суу ресурстары боюнча мамлекеттик агенттиктин директору Алмазбек Сокеев Sputnik Кыргызстанга "Суу бөлүштүрүүчү башкы жай" Кыргызстандын аймагында экендигин айтып берди.

УКМК башчысы Камчыбек Ташиев. Архив
© Пресс-служба правительства / Алишер Алиев
"Суу бөлүштүрүүчү башкы жай" Баткен районунун суу ресурстары башкармалыгынын балансында турат. Бул жайды Тажикстан "биздики" деп келет, бирок ал Кыргызстандыкы. Ал жерде, балким, муну каалабаган, тагыраагы, бул жайды бирге пайдаланалы дегендер бар окшойт. Аны кургандан тарта эле өзүбүз колдонуп келебиз. Тажик тарап ага бир тыйын да салган эмес. Алар пайдаланган да эмес, курулуш алардын балансына өткөн да эмес. Документтерде да бул жер дайыма биздин аймакта болуп келген", — деди Сокеев.

Адис Ак-Суу дарыясынын суусу эл аралык келишимдер боюнча бөлүштүрүлүп келгенин айтты.

"Дарыянын суусун Тажикстан, Өзбекстан жана Кыргызстан лимит менен пайдаланып келет. Буга бардык тарап макул болчу. Лимит жаатында карама-каршылыктар жок", — деп белгиледи агенттиктин жетекчиси.

"Суу бөлүштүрүүчү башкы жай" пайдаланууга 1973-жылы берилген.

Баткендеги жаңжал

28-апрелде күндүз Баткен районунда кыргыз-тажик чек арасында жаңжал чыккан. Чыр-чатак тажик тарап Ак-Сай айыл өкмөтүнүн аймагынан шагыл жүктөп, мамыларга видеокөзөмөл орнотууга киришкенден кийин башталган.

Ошондон кийин аталган аймакка эки тараптан 100-150дөй киши чогулуп, бири-бирин таш менен ургулаган. Кечке маал абал салыштырмалуу тынчыганы менен, бирок таңга жуук кайрадан курчуган.

Окуя учурунда төрт кыргызстандык жаракат алып, алардын ичинен бирөө ок жеп оор абалда жатат. Ошол эле учурда тажик тарап жети адамга таш тийип жабыркаганын айтууда.

Баткендин Ак-Сай, Ак-Татыр, Самаркандек айыл аймактарына өзгөчө кырдаал режими киргизилди.

Кыргыз-тажик чек арасынын узундугу 970 чакырымды түзөт, бүгүнкү күндө анын 504 чакырымы гана такталган. Эки өлкө эгемендүүлүк алгандан бери талаштуу 70 аймактын тагдырын чече албай келет.

Ал эми кыргызстандын борбору Бишкек шаарында чек ара чырына байланыштуу Жогорку Кеңештин депутаттары жыйынга чогулмай болду.

Чек арада ушу тапта абал кандай болуп жатканын Sputnik агенттиги жүргүзүп жаткан тексттик трансляциядан билсеңиз болот.

337
Белгилер:
чек ара, Баткен, Тажикстан, Кыргызстан
Тема:
Баткендеги кыргыз-тажик жаңжалы (252)
Тема боюнча
Баткенде чек арадагы чырдан дагы 4 киши жаракат алып ооруканага түштү
Чек ара чыры. Баткенде тынбай ок атылган видеолор тарай баштады
Айыл жергеси. Архив

Жума күнгө карата аба ырайы

48
14-майга караган түнү республиканын тоолуу жана тоо этектериндеги райондорунда аба ырайынын бузулушунан улам сел жүрүшү, дарыяларда суунун деңгээли көтөрүлүшү мүмкүн.

БИШКЕК, 13-май — Sputnik. Жума күнү Кыргызстандын бир катар аймактарында күндүн ысыгы 29 градуска жетсе, кээ бир жерлеринде жамгыр жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас облустарында +22…+27, Ош, Жалал-Абад, Баткен аймактарында +24…+29, Ысык-Көл, Нарын өрөөндөрүндө +15…+20 градус болот.

Күндүн табы Бишкекте +23…+25, Ош шаарында +27…+29 градусту көрсөтөт.

48
Белгилер:
Кыргызстан, аба ырайы
Тема боюнча
Чаткалда алтын казган компания экологиялык зыяны үчүн 103 млн. сомдук доого жыгылды
Автотыгын. Архив

Автоунаалардын аягы көрүнбөйт. Бишкекке тоо тараптан келе жаткандардын видеосу

136
(жаңыланган 21:17 13.05.2021)
Окуянын күбөлөрү бүгүн шаар четине эс алганы чыккандар көп экенин, кайтканда бир нече чакырымга созулган жол тыгын болгонун айтышты.

БИШКЕК, 13-май — Sputnik. Бишкекке тоо тараптан эс алып келе жаткандар узун автотыгынды жаратты. Бул тууралуу Sputnik Кыргызстан агенттигине окуянын күбөсү билдирип, видеосун жиберди.

Кадрдан автоунаалар бир топ чакырымга тизилип, айрымдары эки-үч катар болуп токтоп калганын көрүүгө болот. Кишилердин сыртка чыгып алганы да байкалат.

Жол тыгын Ала-Арча жана Аламүдүн капчыгайларындагы жолдо болгон. Кырдаалды Кайгуул милициясынын кызматкерлери жөнгө салган. Жол кырсыгы байкалган эмес.

Видеону тарткан адам бүгүн шаар четине эс алганы чыккандар абдан көп болгонун айтты.

136
Белгилер:
видео, унаа, тыгын, жол, Чоң-Арык айылы, Байтик айылы
Тема боюнча
Бишкектеги автотыгынды азайтуу үчүн асма көпүрөлөр курулат
 Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты

Сокулуктагы дүкөндүн өрттөнгөн видеосу

90
(жаңыланган 22:51 13.05.2021)
Тилсиз жоо менен күрөшүүгө ӨКМден эки бөлүм жана өрт өчүрүүчү-куткаруучулардын бир штабы тартылды. Ал саат 20:43тө чектөөгө алынды.

БИШКЕК, 13-май — Sputnik. Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты. Бул тууралуу ӨКМдин маалымат кызматы кабарлады.

Дүкөн Новопавловка айылынын Киров көчөсүндө жайгашкан. Тилсиз жоо менен күрөшүүгө саат 19:54тө эки бөлүм, ал эми саат 20:14тө өрт өчүрүүчү-куткаруучулардын штабы тартылган.

Өрт саат 20:43тө чектөөгө алынган. Учурда толук өчүрүү иш-чаралары жүргүзүлүгөн.

Ал эми саат 21:56да толугу менен өчүрүлдү.

90
Белгилер:
видео, дүкөн, өрт, Новопавловка
Тема боюнча
Алайда үй өрттөнүп, 56 жаштагы киши каза болду. Сүрөттөр